لماذا ضغطت إدارة الرئيس أوباما على تويوتا؟

[hobiko]

للأسف سمعة شركة تويوتا هتتهز جامد و المبيعات هتقل كتيير في الأسواق العالميه بعد سحب أكثر من مليون سياره
و 8 موديلات, مع ان دي مصداقيه كبييره جداا و احترام من هذه الشركه العريقه في حين ان ماحصلش حوادث
أصلا بسبب هذه العيوب سواء كان عيب الفرامل أو دواسة البنزين, و ده الشئ اللي يدل على المصداقيه و الاحترام

لكن الشئ الجدير بالذكر و اللي أنا سمعته في أكتر من مكان و وكالة انباء, ان العيوب دي ممكن جدااا تكون وصلت
لأسواق الشرق الأوسط, و دي المشكله الأكبر, لأن ماحدش عندنا مثلا هيعترف بوجود أي مشاكل إلا لو حصل على الأقل
4000 حادثه و مات مش أقل من 800 شخص (لا قدر الله) علشان يقتنعوا ان في مصيبه في الدفعات اللي وصلتنا

و هو ده عيبه و الفرق بقى.... بره سحبوا العربيات بدون مايكون في حوادث بكل احترام و مصداقيه
لكن هنا مفيش حد هيعترف بده (لو كان في مشكله فعلا).... و ربنا يستر و نكون بعيد عن كل المشاكل دي

بالنسبه لتصرف أوباما و أمريكا عموما... فدي سياسة (تصفية الحسابات).......

عموما أنا شخصيا محترم تصرف شركة تويوتا جداا و شايف ان ده فيه مصداقيه كبيره جدااا.....
و بالرغم من الهزه الكبيره اللي هتتعرضلها تويوتا و المبيعات اللي هتقل كتيير جداا, إلا انه شئ يحترم جداا
و دليل على ان هذه الشركه فعلا عملاقه و حريصه على أسمها و سمعتها في العالم كله....

الأعتراف بالخطأ أفضل و أصدق من الاستمرار في هذا الخطأ و خداع الناس.......

مهندس غازي ازيك يا باشا

متفق معك تماماً في كل إلي قلته معدا حتة إن تويوتا عملت كدة عشان المصداقية و الإهتمام بالمستهلك و الكلام الجميل دة

تويوتا شائت أم أبت مضطرة تسحب العربيات إلي فيها العيوب القانون الامريكي صارم بشدة في الحتة دي و بيحمي المستهلك جداً

يا إما حيبقى في قضايا تعويضات و مشاكل و غرامات ضخمة جداً و بردو في الأخر حتسحب العربيات يعني حتسحبهة

في هيئة حكومية رسمية في أمريكا دي شغلتها و بناءً على التقارير بتاعتها ممكن جداً الحكومة الأمريكية تجبر تويوتا على سحب السيارات

تويوتا اختصرت السكة و قالت بيدي لا بيدي عمرو أنا حسحب العربيات

[fighter_ss11v]

على شريط أخبار الجزيرة إنهردة خبر بيقول فيه تقارير من تويوتا بتقول إن العيوب إلي تسببت في عملية سحب السيارات الأخيرة في منها في السيارات المصدرة إلى الشرق الأوسط

طيب كل عام وانت طيب

[ghazy12]

مهندس غازي ازيك يا باشا

متفق معك تماماً في كل إلي قلته معدا حتة إن تويوتا عملت كدة عشان المصداقية و الإهتمام بالمستهلك و الكلام الجميل دة

تويوتا شائت أم أبت مضطرة تسحب العربيات إلي فيها العيوب القانون الامريكي صارم بشدة في الحتة دي و بيحمي المستهلك جداً

يا إما حيبقى في قضايا تعويضات و مشاكل و غرامات ضخمة جداً و بردو في الأخر حتسحب العربيات يعني حتسحبهة

في هيئة حكومية رسمية في أمريكا دي شغلتها و بناءً على التقارير بتاعتها ممكن جداً الحكومة الأمريكية تجبر تويوتا على سحب السيارات

تويوتا اختصرت السكة و قالت بيدي لا بيدي عمرو أنا حسحب العربيات

ازيك يا باشمهندس محمد, و يا رب تكون بخير...

هل كانت هتخسر أكتر من اللي خسرته...!!!! انا سامع رقم يخض بصراحه و اصفاره كتييييييير

ممكن جدااا يكون عندك حق فعلا, و ساعتها هيكون تصرف ذكي.....

بس لو ماكانوش هيعملوا كده حتى لو ماكانش القانون صارم في أمريكا, يبقى الله يرحم المصداقيه

و أعتقد ان اسم و سمعة تويوتا في العالم لا يسمح بأي كذب أو فبركه.... و الله أعلم

تقبل تحياتي....

[grumby78]

"لا ترتكب خطأ حتى لاتقع تحت رحمة الاخرين "
وبعدين ماينفعش نقول لتويوتا بعد العمر ده : فين ال quality control ?!

[cameeron]

بصراحة أنا شايف ان دة مش أستغلال من الادارة الامريكية أد ماهو حسن أدارة.
والمثل اللى بيقول "العجل لما يقع تكتر سكاكينة" هو خير مثال على الوضع الحالى.
مش عارف لية حاسس ان دية نهاية العملاق اليابانى تويوتا أو على الاقل باى باى المركز الأول فى المبيعات.

حسن استغلال لاخطاء الاخرين مع ان الوفيات اللى بتتكلم عنها الجمعيات الامريكيةو لحماية المستهلك بقالها عشر سنين طب كانت فين حماية المستهلك خلال العشر سنين و اخبار وفيات جنرال موتورز و فورد ايه؟ انا معاك تنويوتا باىباى رقم واحد مبيعات