إعـــــــلان

Collapse

.

,
See more
See less

لكل مقتني تويوتا كورولا 2009 أو mmt2008 - مشاكل فى التيل و الطنابير !!

Collapse
X
 
  • Filter
  • الوقت
  • Show
Clear All
new posts

  • لكل مقتني تويوتا كورولا 2009 أو mmt2008 - مشاكل فى التيل و الطنابير !!

    السلام عليكم ورحمة اللة وبركاتة
    انا معايا عربية 2008 ماشية 35000 واسمحولي احكيلكم علي معاناتي معاها ومع التوكيل اللي فعلا مش كويس
    انا استلمت العربية وكان عندي مشكلة من اول كيلو في الفرامل الامامية صفارة عمرها ما بتروح ابدا وكمان قديت اول 3000 كيلو رايح جاي علي التوكيل وبعد خناقات كتييييييييير غيرولي تيل وطنابير علي 3000 كيلو
    المهم طبعاده كلة غير مشكلة الفتيس واللي محدش بجد متخيلة وانا حصلت معايا لا قدر اللة لو حد معاه العربية ده وحصل موقف مفاجئ وحب يتفادي عربية تانية عن طريق تزويد السرعة هتاخد معاه مش اقا من 5 ثواني مع ان الواحد ساعتها بيبقي في عر ض ثانية واحدة ويمكن اقل وطبعا في التوكيل يقولولك انت اللي مش عارف تسوقها وناس كدابين لان ده مش صح واكبر دليل علي كدة حاجتين
    1- ان كل 2010 اتوماتيك
    2- وحدة الدبرياج اللي بيقولوا عليها
    علي فكرة انا كنت هناك النهاردة ده قطعة متجربتش من كلامهم ولازم تسيب عربيتك يومين

    من ضمن الحاجات غيرولي تيل وطنابير خلفي علي 15000 والنهاردة فوجئت انا التيل الخلفي محتاج يتغير عارفين يا جماعة ده معناه اية مع العلم انا التيل الامامي لسة قدامة 7000 كيلو وده كلامهم ، ده معناه ان الالتيل الامامي يتغير علي 40000 والخلفي علي 20000 وده في الاستعمال النظيف علي حد كلامهم برده
    يا جماعه صدقوني من واحد معاه العربية ده بعد سنة ونصف وصدقوني واا واثق من كلامي وده كلام ربنا يحاسبني علية العربية ده فيها العيوب الاتية
    1- الفتيس طبعا
    2-المادة المصنع منها الطنابير رديئة للغاية وده محتاجة وقفة زي الفتيس من الاخر شكاوي
    3-مشكلة دواسة البنزين بس مش هتظهر في مصر علشان الجو
    4-المادة المصنع منها التيل ايضا رديئة للغاية

    انا مستني من ملاك هذة السيارة تعليقاتهم وانشاء الرحمن هحكي لكم قريب عن التوكيل بالتفصيل واللي بيحصل فية ابتداء من ابورواش العباسية لحد التجمع الخامس

    السلام عليكم
    شادي انور
    [FONT="Comic Sans MS"]Shady Anwar[/FONT]

  • #2
    أحب اوضح لحضرتك شئ
    اغلب اذا مكنش كل العربيات في مصر بتعاني مشكلة من الصفير في الفرامل وده لأسباب كتير ان خامات التيل في كل العربيات بتعمل كده مع التراب والميه في بلدنا
    ولو لفيت في ساحات المنتدى هتلاقي كل العربيات فيها الموضوع ده

    ثانيا لو عربيتك حنوب افريقي فأحب اقولك ان التيل والطنابير عند حضرتك في العربيه انتاج شركة بوش الألمانية يعني جودة وخامات الماني
    ومتهيألي شركة بوش الألمانية معروفة بأنظمة الفرامل بتاعتها يعني شركة رائدة


    ثالثا مشكلة دواسة البنزين لو مظهرتش علشان الجو هنا في مصر يبقى معدش لها قيمة ولا تبقى مشكلة مادام لم يصدر منها شئ
    ولا المفروض اني اعتبرها مشكلة وهيا محصلتش هنا

    انا مش بدافع عن حاجه ولكن انا بقولك على حاجات ممكن متكنش عارفها علشان تثق شوية في العربيه
    وممكن يكون لها تفسيرات اخرى او لها اسباب مش واضحه لك
    [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
    [COLOR="Olive"]قال رسول الله صلى الله عليه وسلم :[/COLOR]
    [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

    Comment


    • #3
      هو حضرتك بتتكلم عن كورولا؟؟؟
      عموما اكيد هنشوف حضرتك يوم الجمعه عشان نتناقش في هذه المواضيع

      Comment


      • #4
        المشاركة الأصلية كتبت بواسطة tamagogo مشاهدة المشاركة
        هو حضرتك بتتكلم عن كورولا؟؟؟
        تعم عن الكرولا mmt من العنوان ,,


        تغيير التيل ماشي ,,, إنما تغيير الطنابير !! لييه !!

        Comment


        • #5
          المشاركة الأصلية كتبت بواسطة shadianwar مشاهدة المشاركة
          ده معناه ان الالتيل الامامي يتغير علي 40000 والخلفي علي 20000 ر
          طب هي ايه المشكلة فكده؟؟

          Comment


          • #6
            كلامك سليم فيه مشكلة فى طنابير التويوتا كورولا 2008 و2009 انا روحت بالعربية بتاعتنا ساعة ما كانت الفرامل بتهرب منى وعملت حادثة بسببها وغيرولى الطنابير الخلفية من غير اى كلام على حسابهم

            المفاجاة بقى انى اخدت عربية عمى امبارح وروحت للوكيل ولوقفت اشوفهم وهما بيعملو الصيانة لقيتهم غيرو الاربع طنابير من غير ولا كلمة منى وقالو فيهم عيب صناعة
            [CENTER]
            [img3]http://s9.postimage.org/9xprus61b/5790004338_49a64e2375_z.jpg[/img3][/CENTER]

            Comment


            • #7
              قال أكيو تويودا رئيس شركة تويوتا موتورز الأربعاء إن أكبر شركة لإنتاج السيارات في العالم ربما تكون حققت نموا أسرع من اللازم وتجاهلت توفير تدريب دقيق للعاملين لضمان ألا يؤثر ذلك على الجودة.
              وذكر تويودا في مؤتمر صحفي بطوكيو (حتى الان كنا نقول إن النمو السريع جاء استجابة لاحتياجات المستهلكين..التي كان يتعذر تجنبها). (القاعدة الاساسية لنظام الانتاج في تويوتا هو الا يزيد الانتاج عن الطلب ونحن بأنفسنا خرقنا هذه القاعدة).
              وقالت تويوتا إن بعض المبيعات خلال النمو السريع خلال السنوات العشر الماضية كانت مدفوعة بتمويل المبيعات ولم تستند إلى (طلب حقيقي) .
              وأضاف تويودا أنه يعتقد أن يوشيمي اينابا رئيس الشركة في أميركا الشمالية كان الاختيار المنطقي للمثول أمام جلسة استماع تابعة للكونجرس الأميركي مقررة أواخر الشهر الجاري.
              وأضاف (أعتقد أنه كان هناك قدر من سوء الفهم بشأن خططي) لزيارة الولايات المتحدة.
              وتابع بقوله (أثق ثقة كاملة في ادارة تويوتا موتور في أميركا الشمالية التي يقودها السيد اينابا وأظن أنه أفضل من يدلي بالشهادة).
              وأكد تويودا انه يريد التركيز بنفسه على الاصلاح الداخلي لتحسين ادارة الجودة

              Comment


              • #8
                دا بقى مشكلة فى الطنابير مش مشكلة صفارة تيل فقط
                و مش مشكلة فردية كمان


                دا واضح ان فيه عيب فى طنابير الكرولا الجنوب افريقى و ممكن تكون هى الى بتأثر على التيل

                Comment


                • #9
                  بالفعل لو فى مشكلة فى الطنابير أو ما سيتأثر سلباً هو التيل و بالتالى مهما غيرت التيل حاتروح فى داهية تانى و تالت و رابع
                  [FONT=Arial Black][SIZE=6][COLOR=Black][SIZE=5][COLOR=#193b9e]اللهم أدخلنى مدُخل صدقٍ و أخرجنى مُخرج صدقٍ و أجعل لى من لدُنك سلطاناً نصيراً[/COLOR][/SIZE]
                  [SIZE=5]مهندس/ محمد حمام[/SIZE]
                  [/COLOR][/SIZE][/FONT]

                  Comment


                  • #10
                    تيل - طنابير - دواسات السرعة - فتيس mmt - عومان مفاجئ

                    معقولة الكرولا اللى كانت أعلى اعتمادية فى فئتها كده !!!

                    دا بقى عامل زى المسلسل
                    كل يوم ظهور لمشكلة جديدة !!!ا

                    Comment


                    • #11
                      المشاركة الأصلية كتبت بواسطة sharky مشاهدة المشاركة
                      تيل - طنابير - دواسات السرعة - فتيس mmt - عومان مفاجئ

                      معقولة الكرولا اللى كانت أعلى اعتمادية فى فئتها كده !!!

                      دا بقى عامل زى المسلسل
                      كل يوم ظهور لمشكلة جديدة !!!ا
                      فاضل كده الصاج بتاع العربية والموتور
                      [sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]

                      Comment


                      • #12
                        رئيس تويوتا نفسة اعلن فى معناة انا شركتة اهتمت بالكم و ليس الكيف واعتزر للمستهلكين فى امريكا و وعد انة ناوى يزود التدريبات للعمال و سوف يهتم بالجودة بنفسة فا يريت نترك فكرة المؤامرة حتى لو كانت حقيقية لان العتراف سيد الادلة و حتى اللى ما ظهرش فى عربيتة عيب و مبسوط بيها ما ينساش انة القيمة للسيارة نزلت فى مصر بسسب الوكيل و خسرنا مبالغ كتيرة و الخليجى ماسك نفسة و سعرة زى ما هو و كمان زادت مبيعاتة يعنى دة مش خسارة طبيعية و لكن بسبب سياسة تويوتا مصر لانها خفضت سعر السيارة لتتخلص منها و رفضت فى الاول ان تعترف ان فى مشاكل و قالت ان احنا مش عارفين نسوقها و بعدين اعترفت لما احنا اتجمعنا و روحنا حماية المستهلك و اعترفت بالعيب و احنا هناك و طبعا لو كانت اتصرفت من الاول و عالجت الغيب ما كنش كل الخسارة دى حصلت و خصوصا ان السيارة مشاكلها موجودة فى اوروبا من 2003 تقريبا و تم وقف التعامل بيها فى اوروبا و الوكيل كان عارف من الاول بس واضح انهم كان عندهم كماية من الفتيس mmt متصنعة من قبل فصدروها لينا و طبعا كان المكسب رائع بالنسبة للوكيل فى مصر و خصوصا ان شوق لها غلط من الاول و الكلام دة مش مرسل دة من منتديات تويوتا فى اوروبا و المستهلك الاوربى اجمعوا كلهم على ان فكرة mmt هى اسوا فكرة لتويوتا على الاطلاق و دة معناة اننا بنفهم زى المستهلك الاوربى و زى ما بقول احنا اللى بنعمل قيمة لنفسنا لما ما نتنازلش عن حقنا و شكرا
                        وليد رفاعى
                        0101129899

                        Comment


                        • #13
                          المشاركة الأصلية كتبت بواسطة sharky مشاهدة المشاركة
                          تيل - طنابير - دواسات السرعة - فتيس mmt - عومان مفاجئ

                          معقولة الكرولا اللى كانت أعلى اعتمادية فى فئتها كده !!!

                          دا بقى عامل زى المسلسل
                          كل يوم ظهور لمشكلة جديدة !!!ا
                          المشاركة الأصلية كتبت بواسطة ابو الوليد المصرى مشاهدة المشاركة
                          فاضل كده الصاج بتاع العربية والموتور
                          قريب .. هجرب اخش بالعربية في الحيط و اشوف الصاج اخباره ايه ..

                          و الموتور انا بشتكي منه من اول ما جبت العربية .. بيطلع صوت !!

                          و بعدين مش يستخدموا طنابير احسن شوية .. ايه بوش دي .. انا مقبلش اقل من بريمبو !!

                          الطنابير فيها عيب صناعة يا شاركي .. مين البيعملهم ؟؟ .. تويوتا بتعمل طنابير بوش ؟؟؟؟
                          [CENTER][SIGPIC][/SIGPIC][/CENTER]

                          Comment


                          • #14
                            المشاركة الأصلية كتبت بواسطة kareemhisham مشاهدة المشاركة
                            قريب .. هجرب اخش بالعربية في الحيط و اشوف الصاج اخباره ايه ..

                            و الموتور انا بشتكي منه من اول ما جبت العربية .. بيطلع صوت !!

                            و بعدين مش يستخدموا طنابير احسن شوية .. ايه بوش دي .. انا مقبلش اقل من بريمبو !!

                            الطنابير فيها عيب صناعة يا شاركي .. مين البيعملهم ؟؟ .. تويوتا بتعمل طنابير بوش ؟؟؟؟
                            ايه طنابير بريمبو دي بتتصنع في مصانع تويوتا مسطرد ولا ايه.
                            [sor2]http://profile.ak.fbcdn.net/hprofile-ak-snc4/274834_100000203787161_1334017_n.jpg[/sor2]

                            Comment


                            • #15
                              المشاركة الأصلية كتبت بواسطة ابو الوليد المصرى مشاهدة المشاركة
                              ايه طنابير بريمبو دي بتتصنع في مصانع تويوتا مسطرد ولا ايه.
                              بالظبط جمب الكشك اللي على الناصية ادخل وقوله كلمة السر ..... هيروح مدخلك للحاج بريمبو نفسه واشتكيله من الطنابير بتاعتك هيعملك اتنين على المقاس يعيشوا معاك افضل من بوش دي هيا ناقصه بوش الألماني كمان
                              [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
                              [COLOR="Olive"]قال رسول الله صلى الله عليه وسلم :[/COLOR]
                              [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

                              Comment

                              Working...
                              X