سعر اعادة بيع الكورولا

[dr.amr]

بقالي فتره كده بقعد اسأل نفسي

ياتري سعر الكورولا المستعمل هيوصل لكام

بعد المشاكل الكتير اللي عمالين نسمعها

شويه من الفتيس وان اسلوبه غريب في الاداء لأن الناس اعتقدت انه اتوماتيك عادي

وشويه من الفتيس برضه انه بيجيب error كل 20 الف كيلو

وبعد كده عيوب دواسة البنزين بس الحمد لله احنا جونا مش برد

وعيوب الطنابير وانا لازم تتغير كل فتره من عيوب الصناعه والمشكله كمان انها بتاكل تيل الفرامل معاها وصاحب العربيه لازم يدفع تمن التيل علي اساس انه مش في الضمان

ده غير ان الناس مش عاجبها العربيه لأنها جنوب افريقي يقولك الياباني برقبتها

واللي زاد وكمل الموضوع ان رئيس شركة تويوتا بيقولك اهتمينا بالمكسب علي حساب الجوده

بصراحه الله يكون في عونكم جميعا

والله انا حزين بجد

انا حطيت نفسي مكان الناس ديه لأني من حوالي 3 شهور كنت بفكر في الكرولا وممكن كنت اشتريها

تتوقعوا سعرها هيكون في حدود كام مستعمل
وكمان لو بالفتيس ال mmt

انا بصراحه لو معايا كورولا مابيعهاش الا لما اخد بفلوسي منها
بس المشكله ان الضمان هيخلص والناس هتدفع كتير بعد كده
ربنا يستر

[hemeds82]

معرفش عندي احساس ان هتفضل اسعار الكورولا زي ما هيا بصراحة الكبير هيفضل كبير

[kareemhisham]

بص انا هقولك على حاجة ..

انا الحمد لله العربية لغاية دلوقتي زاى الفل .. مظهرش فيها اي عيوب .. و رأيي الفي التقرير الانا عامله مختلفش ..

بالعكس العربية عدت معايا في مواقف و كانت ممتازة و زادت ثقتي فيها ..

بالنسبة لسعر اعادة البيع .. فكله على الله ..

المكتوب عند ربنا .. تتباع بالسعر التتباع بيه

و لكن لازم اكرر ان العربية الحمد لله ممتازة لغاية دلوقتي و مظهرش معايا اي مشاكل

[Sharky]

اسعار الكرولا الـmmt قبل اعتراف الوكيل بمشاكل الفتيس
من 85- 100 الف حسب الحالة و الفئة

[dr.amr]

بص انا هقولك على حاجة ..

انا الحمد لله العربية لغاية دلوقتي زاى الفل .. مظهرش فيها اي عيوب .. و رأيي الفي التقرير الانا عامله مختلفش ..

بالعكس العربية عدت معايا في مواقف و كانت ممتازة و زادت ثقتي فيها ..

بالنسبة لسعر اعادة البيع .. فكله على الله ..

المكتوب عند ربنا .. تتباع بالسعر التتباع بيه

و لكن لازم اكرر ان العربية الحمد لله ممتازة لغاية دلوقتي و مظهرش معايا اي مشاكل

ربنا يباركلك فيها ويكفيك شرها
هي المشكله ان العربيه تفضل زي ماهي او انها كويسه
المشكله ان العربيه بيبقي ليها رينج مثلا
من 80 الي 90 مثلا
مش هتقدر تبيع بأكتر من كده
حتي واذا لم يظهر عيوب
والرينج ده هيبي بعيد جدا عن سعرها الاصلي

[dr.amr]

اسعار الكرولا الـmmt قبل اعتراف الوكيل بمشاكل الفتيس
من 85- 100 الف حسب الحالة و الفئة

يا نهار ابيض !!!!!
85 الف
يعني بتنزل مش اقل من 35 او 40 الف
امال بعد الموضوع ده هيحصل ايه
انا اعتقدت مثلا انها ممكن توصل ل 100 بالكتير قوي

[د.محمود صلاح]

والمتوقع نزول آخر بالسعر عن ذلك بعد اعتراف الوكيل ,, لكن الزمن بينسي وبعد سنتين تلاته هتتباع عادي

[د.اسماعيل النجار]

معايا 2008 mmt ومنحوالى 10 ايام بعت رسالة لقناة اوتو موتو وقولتلهم على مواصفات العربية وكان ردهم اللى اتعرض على الشاشة ان تمنها من 100 الى 110 الف حنية
مجرد تجربة حصلتن بنقلها بامانة وبدون تعليق

[romeo_6887]

لو ظهرت المشاكل بتاعت دواسه البنزين في مصر
سعر البيع هينزل كتير جدا جدا
و المبيعات اصلا هتقل خالص
و بجد انا حزين علي اللي بيحصل
عشان بحب التويوتا اوي

[mandomax]

الحمد لله المهم ان اللى بيقيموا العربية مش معاهم أصلاً ...سميعة يعنى ؛؛؛؛ شاركى - عمرو ....

[د.اسماعيل النجار]

الحمد لله المهم ان اللى بيقيموا العربية مش معاهم أصلاً ...سميعة يعنى ؛؛؛؛ شاركى - عمرو ....

====================================
بالراحة ياماندو مش عايزين حد يزعل منك .اهدا ياصديقى الامر بسيط

[mandomax]

====================================
بالراحة ياماندو مش عايزين حد يزعل منك .اهدا ياصديقى الامر بسيط

د. إسماعيل ... وحشتنا انا فقط مستغرب من التقييمات التى تصدر على السمع فقط ومن غير مالكى السيارة

[Sharky]

معايا 2008 mmt ومنحوالى 10 ايام بعت رسالة لقناة اوتو موتو وقولتلهم على مواصفات العربية وكان ردهم اللى اتعرض على الشاشة ان تمنها من 100 الى 110 الف حنية
مجرد تجربة حصلتن بنقلها بامانة وبدون تعليق

الحمد لله المهم ان اللى بيقيموا العربية مش معاهم أصلاً ...سميعة يعنى ؛؛؛؛ شاركى - عمرو ....

حتفرق فى إيه ؟؟
ما هو السمع دا من اسعار السوق مش من دماغى و لا امنياتى

حضرتك الكرولا الشكل اللى قبل الـ mmt بتجيب سعر أعلى من الـ mmt

على فكرة كان فيه زميل لينا اسمه احمد ابو سمره كان معاه العربية و باعها بالعافية بحاجة و تسعين الف من حوالى شهرين



و لا اقولك سيبك منى و من غيرى انزل كده أعرض عربيتك فى السوق و قلنا جايت كام :)

[M.FOUAD]

انا فقط مستغرب من التقييمات التى تصدر على السمع فقط ومن غير مالكى السيارة

واللة عندك حق
انا بردة سمعت ان mmt ب 85 الف بس كانت مغيرة سقف و اربع ابواب
انا مش بهرج انا بتكلم بجد كنا بندور على واحدة 2008 و اقل حاجة فابريقة بالكامل كانت بتتباع ب 103 الف

[dr.amr]

معرفش عندي احساس ان هتفضل اسعار الكورولا زي ما هيا بصراحة الكبير هيفضل كبير

صعب ياباشا
احنا اساسا الناس عندنا بتتلكك حتي لو العربيه مافيهاش حاجه
بعد كل الكلام ده طبعا لازم يحصل مشاكل شويه