Tweet
بسم الله الرحمن الرحيم
اخواتى الاعزاء سوف اشرح لكم يوم لن انساه فى حياتى فى توكيل رمسيس بالاسكندرية اولا انا معايا تويوتا كورولا مو 2005 المهم عشان ما اطولش عليكم انا والدى من يوم ما اشترى العربية بيحكى و يتحاكى عن التوكيل مع انى كان معايا لانوس و عمرى ما روحت بيها التوكيل قولت يا واد روح معاه مرة و اتفرج ايه الجنة اللى هو بيحكى عليها و كانت دى المرة اللى المفروض هنعمل فيها صيانة 55 الف روحنا الصبح بدرى حوالى الساعة 10 و المفروض ان اليوم اللى قبلها كان الجمعة يعنى اجازة علشان المفروض ان التوكيل حيبقى زحمة وانا داخل على التوكيل اللى هما بيحكو عليه ده طبعا بعد عذاب و عناء لان مكانه فى شارع عبد المنعم و عشان توصله يكون طلع عنيك لقيت جميع اللوحات مكتوب عليها هيونداى فسالت الحاج هو ده توكيل تويوتا ولا هيوندا ى المهم اتضح فى الاخر انه مش توكيل تقريبا ده مركز صيانة بتاع كله و الله وانا داخل على الباب لقيت الناس كلها اللى جوة جايين يجرو عليا ما صدقوا لقو عربية داخلة عندهم اصلهم قاعدين بينشو و المفاجاة اللى لقيتها انا قولت توكيل يعنى على الاقل حالاقى المهندس لابس بدلة و كرفتة و الصنايعية اللى المفروض انهم مهندسين زى ما كنت مفكر لابسين العفريتة الشيك اللى مكتوب عليها تويوتا او حتى عليها كارت باسم كل واحد لكن اتضح انهم صنايعية من اللى بيشتغلو على الرصيف و المنظر جوة عمل زى سوق الجمعة او وكالة البلح شو ية خردة على اليمين و عربيات مكسرة على الشمال و جوة شوية بواقى عربيات المنظر ما عجبنيش خالص بقول للميكانيكى اللى بيغير الزيت اللى كان مستغرب لما بقولله حط زيت موبيل 1 عاوز كهربائى محترم يبصلى على السى دى قالى طالما حضرتك عاوز كهربائى محترم يبقى مش هنا قولتله ازاى يعنى مش فاهم قالى شايف حضرتك الراجل اللى لابس لاسة هناك و جلابية اللى بيعمل لنا الشاى ده قولت له اه قاللى هو ده الكهربائى قولتله يانهار اسود المهم غيرت الزيت و غيرت فلتر الزيت و فلتر الهوا و دفعت 550 جنيه و قولت ياواد خد ديلك فى سنانك و اجرى قبل ما يجيلك سكتة قلبية و روحت طالع على صلاح الدين اشتريت من هناك جيركن زيت تويوتا للفتيس اوتوماتيك و سير دينامو و سير باور اصلى و روحت على الراجل المحترم اللى كنت باتعامل معاه ايام اللانوس اللى هو مركز صيانة الزرانى و اصريت ان الحاج يجى معايا عشان يشوف فرق المعاملة و طبعا انبهر من المقابلة و الترحيب بوجودى و احلى شغل فى العربية و دفعت 60 جنيه مصنعية فى تغيير زيت الجيربوكس و المصفاة و السيرين و جوان كرتيرة زيت الجيربوكس و توكلت على الله و انا فى منتهى السعادة طبعا والدى قالى طب ازاى وهو لحد دلوقتى مش مصدق لانه طبعا دفع 120 فقط لتغيير زيت الموتور و الفلتر فى التوكيل قصدى الخرابة اللى هو مسميها توكيل فانصح كل اخ فاضل خد بالك واوعى تروح مركز الصيانة اللى اسمه رمسيس اللى فى اسكندرية او روح و اتفرج على الميكانيكى اللى هناك اللى اسمه شعبان او العفشجى اللى اسمه احمد او الكهربائى اللى حتى ما فكرتش اعرف اسمه و انت هتعرف قد ايه انا قاسيت نفسيا ........ حسبى الله و نعم الوكيل
اسف جدا جدا على الاطالة و لكن دى نصيحتى لاخواتى و كل عام و انتم طيبين
اخواتى الاعزاء سوف اشرح لكم يوم لن انساه فى حياتى فى توكيل رمسيس بالاسكندرية اولا انا معايا تويوتا كورولا مو 2005 المهم عشان ما اطولش عليكم انا والدى من يوم ما اشترى العربية بيحكى و يتحاكى عن التوكيل مع انى كان معايا لانوس و عمرى ما روحت بيها التوكيل قولت يا واد روح معاه مرة و اتفرج ايه الجنة اللى هو بيحكى عليها و كانت دى المرة اللى المفروض هنعمل فيها صيانة 55 الف روحنا الصبح بدرى حوالى الساعة 10 و المفروض ان اليوم اللى قبلها كان الجمعة يعنى اجازة علشان المفروض ان التوكيل حيبقى زحمة وانا داخل على التوكيل اللى هما بيحكو عليه ده طبعا بعد عذاب و عناء لان مكانه فى شارع عبد المنعم و عشان توصله يكون طلع عنيك لقيت جميع اللوحات مكتوب عليها هيونداى فسالت الحاج هو ده توكيل تويوتا ولا هيوندا ى المهم اتضح فى الاخر انه مش توكيل تقريبا ده مركز صيانة بتاع كله و الله وانا داخل على الباب لقيت الناس كلها اللى جوة جايين يجرو عليا ما صدقوا لقو عربية داخلة عندهم اصلهم قاعدين بينشو و المفاجاة اللى لقيتها انا قولت توكيل يعنى على الاقل حالاقى المهندس لابس بدلة و كرفتة و الصنايعية اللى المفروض انهم مهندسين زى ما كنت مفكر لابسين العفريتة الشيك اللى مكتوب عليها تويوتا او حتى عليها كارت باسم كل واحد لكن اتضح انهم صنايعية من اللى بيشتغلو على الرصيف و المنظر جوة عمل زى سوق الجمعة او وكالة البلح شو ية خردة على اليمين و عربيات مكسرة على الشمال و جوة شوية بواقى عربيات المنظر ما عجبنيش خالص بقول للميكانيكى اللى بيغير الزيت اللى كان مستغرب لما بقولله حط زيت موبيل 1 عاوز كهربائى محترم يبصلى على السى دى قالى طالما حضرتك عاوز كهربائى محترم يبقى مش هنا قولتله ازاى يعنى مش فاهم قالى شايف حضرتك الراجل اللى لابس لاسة هناك و جلابية اللى بيعمل لنا الشاى ده قولت له اه قاللى هو ده الكهربائى قولتله يانهار اسود المهم غيرت الزيت و غيرت فلتر الزيت و فلتر الهوا و دفعت 550 جنيه و قولت ياواد خد ديلك فى سنانك و اجرى قبل ما يجيلك سكتة قلبية و روحت طالع على صلاح الدين اشتريت من هناك جيركن زيت تويوتا للفتيس اوتوماتيك و سير دينامو و سير باور اصلى و روحت على الراجل المحترم اللى كنت باتعامل معاه ايام اللانوس اللى هو مركز صيانة الزرانى و اصريت ان الحاج يجى معايا عشان يشوف فرق المعاملة و طبعا انبهر من المقابلة و الترحيب بوجودى و احلى شغل فى العربية و دفعت 60 جنيه مصنعية فى تغيير زيت الجيربوكس و المصفاة و السيرين و جوان كرتيرة زيت الجيربوكس و توكلت على الله و انا فى منتهى السعادة طبعا والدى قالى طب ازاى وهو لحد دلوقتى مش مصدق لانه طبعا دفع 120 فقط لتغيير زيت الموتور و الفلتر فى التوكيل قصدى الخرابة اللى هو مسميها توكيل فانصح كل اخ فاضل خد بالك واوعى تروح مركز الصيانة اللى اسمه رمسيس اللى فى اسكندرية او روح و اتفرج على الميكانيكى اللى هناك اللى اسمه شعبان او العفشجى اللى اسمه احمد او الكهربائى اللى حتى ما فكرتش اعرف اسمه و انت هتعرف قد ايه انا قاسيت نفسيا ........ حسبى الله و نعم الوكيل
اسف جدا جدا على الاطالة و لكن دى نصيحتى لاخواتى و كل عام و انتم طيبين
Comment