دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا.

[محمد محمد]

السلام عليكم ورحمة الله وبركاته.....
لملاك الكورولا الحاليين والجدد وبالأخص ملاك الكورولا المزودة بال mmt ايه رأيكم في موضوع دعاوي التعويض الذي سيقوم به بعض اخواننا الملاك للسيارة ضد شركة تويوتا مصر وتويوتا العالمية من جدواه واحقية الملاك في هذه الدعوي....الخ.

[atef_sh]

أعتقد أنهم على حق في طلب تغيير الفتيس لأن من الواضح حتى الأن أن:
1-على حسب رأي الأعضاء الذين حدث تغيير قطع الغيار الجديده في سياراتهم أنها لم تحدث أي فرق .
2- بسبب ما لاقاه المتضررين من قبل من تسويف من جهة التوكيل أفقدهم الثقة في أن التغيير سوف يحل مشكلة السيارة .

[kareemhisham]

دة كان احد ردودي في موضوع مشابه ..

انا مش فاهم يتقاضى على ايه ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!

هو التوكيل ذنبه ايه ؟؟ .. العربية جاياله من الشركة الام عشان يبيعها و يصونها ..

حكاية بقا فيها عيب ولا لأ فدة مش مشكلة التوكيل !! .. التوكيل مشاركش في تصنيعها او تصميمها !!

التوكيل هنا مش "هيخترع" الحل !! .. هو لقا شكاوي بعت للشركة الام عشان "تخترع" حل للمشكلة .. الهي "تويوتا"

و كان في خبر هنا في المنتدى بيقول ان التوكيل هيتحمل التكاليف لوحده الهي 20 مليون جنيه تقريبا .. و انا شايف ان دة منتهى الظلم

فكروا يا جماعة و فرقوا بين مين الفي ايده الحل و مين لأ .. يعني هو التوكيل هيبقى عنده القطع و مطنش ؟ .. ماهو كمان عايز يخلص من الموال دة !!

و دة رد آخر

http://www.nilemotors.net/Nile/3872390188-post9.html

[ahmedhee]

انا مع القضية اذا كانت للاسباب الاتية :-
1-وجود عيب في السيارة يهدد حياة الملاك و تويتا ترفض اصلاحه
2-وجود عيب في السيارة (تسبب في حادثة لمالكها)
3-وجود عيب في التصميم لا يمكن اصلاحه
4-وجود بعض مكونات السيارة عمرها اقل بكثير من مثيلاتها في السيارات الاخري
5-التدليس
انا ضد القضية اذا كانت بسبب
-انخفاض سعر السيارة من الوكيل (السوق عرض وطلب. الوكيل خفض السعرمرة و السوق لم يستحب و اذا كان لم يخفضة مرة اخري كان خسر ثمن السيارة بالكامل)
- انخفاض سعر اعادة البيع (السيارات الصيني مثلا سغرها بينزل 25 الف جنية بمجرد شرائها و الناس لسا بتشتريها. سيارتي النيسان كانت يابني و سعرها نزل علشان بقي في زيها بيتعمل في مصر :( )
عدم الارتياح في القيادة( خصوصا اذا كان في ناس مرتاحة في قيادة نفس النوع-لان المفروض نظريا انك بتجرب قبل ما تشتري و اذا مجربتش دا برضة مسئوليتك لانك مش مجبر تشتري النوع دا بالتحديد
طبعا يخالف النقطة دي اذا كان في اختلاف في اداء السيارة من واحدة لواحدة. يعني انت جربت وكانت كويسة بس لما سوقت عربيتك لاقيتها حاجة ثانية خالص )

[mandomax]

انا مع القضية اذا كانت للاسباب الاتية :-
1-وجود عيب في السيارة يهدد حياة الملاك و تويتا ترفض اصلاحه
2-وجود عيب في السيارة (تسبب في حادثة لمالكها)
3-وجود عيب في التصميم لا يمكن اصلاحه
4-وجود بعض مكونات السيارة عمرها اقل بكثير من مثيلاتها في السيارات الاخري
5-التدليس
انا ضد القضية اذا كانت بسبب
-انخفاض سعر السيارة من الوكيل (السوق عرض وطلب. الوكيل خفض السعرمرة و السوق لم يستحب و اذا كان لم يخفضة مرة اخري كان خسر ثمن السيارة بالكامل)
- انخفاض سعر اعادة البيع (السيارات الصيني مثلا سغرها بينزل 25 الف جنية بمجرد شرائها و الناس لسا بتشتريها. سيارتي النيسان كانت يابني و سعرها نزل علشان بقي في زيها بيتعمل في مصر :( )
عدم الارتياح في القيادة( خصوصا اذا كان في ناس مرتاحة في قيادة نفس النوع-لان المفروض نظريا انك بتجرب قبل ما تشتري و اذا مجربتش دا برضة مسئوليتك لانك مش مجبر تشتري النوع دا بالتحديد
طبعا يخالف النقطة دي اذا كان في اختلاف في اداء السيارة من واحدة لواحدة. يعني انت جربت وكانت كويسة بس لما سوقت عربيتك لاقيتها حاجة ثانية خالص )

+1111111111

[OilMan]

ليس لا اى معنى سوى بعض الدعايه الانتخابيه ومتهيالى صاحب الموضع الاساسى حيفهم كلامى كويس
العيوب وجارى تصليحها يبقى ايه معناه انى ارفع قضيه على شئ جارى تنفيذه من اصله

وعامة خلليه يرفعها اهو نتسلى على الاقل احسن من قضية مرتضى وشوبير

[solycar]

بخلاف مشكلة الفتيس

من شهرين بس العربية دى كانت حلوة و مافيهاش الهوا

فجأة كدا بقدرة قادر تحولت لمستنقع عيوب

انا حاسس ان الناس بتمشى فى الزيطة و خلاص

[OilMan]

كلام مظبوط والدليل لما سعرها نزل فى العرض الاخير بقت عربيه مش ليها حل وايه احسن الالوان فيها وهما هما نفس الناس برده اللى بيشتموا فيها دلوقتى

بخلاف مشكلة الفتيس

من شهرين بس العربية دى كانت حلوة و مافيهاش الهوا

فجأة كدا بقدرة قادر تحولت لمستنقع عيوب

انا حاسس ان الناس بتمشى فى الزيطة و خلاص

[sas5]

الاخوه الاعزاء السلام عليكم ورحمه الله

اولا انا مع رفع القضيه من اجل ان يكونوا حذرين فى المستقبل
ثانيا ماذنب الذين اشتروا السياره ووجدا سعرها نزل النصف خلال سنه ومش عارفين يبيعونها.
لماذا رئيس تيوتا ياخذ فى الاعتبار اى رد فعل امريكى ويعتذر لهم
ولايعاملنا نفس المعامله
بلاش العاطفه فى الدفاع عن تيويتا
انا سابقا كنت املك نيسان واليوم تيوتا وغدا لو ربنا اعطانا طول العمر ووسع علينا ممكن افكر فى bmw او مرسيدس
المقصود هنا ان تيويتا ليس من باقى اهلنا

[wwaeel]

يا جماعه قبل ما تتكلمو علي توكيل تويوتا بصو بره اتعمل كام ري كول من سنه 92 حتي الان وتم تصليح كام عيب نازل في عربيات تويوتا وده مش معناه ان تويوتا وحشه بس الي اقصده احنا بقي هنا في مصر متعملش ولا ري كول واحد واول ري كول اتعمل بتاع 6500 عربيه ال mmt وبعد الشكوي وتصعيد الامور وده معناه ان تويوتا ميهمهاش حياه المستهلك المصري وبيعتبرونا صفر علي الشمال شركه تويوتا نزلت العربيات دي وهي فيها عيوب وعارفه بي ده لانها سحبتها من اوروبا بعد الشكوي منها للعلم القطع الجديده الي بيقولو هتحل المشكله دي موجوده من سنه 2005 واتركبت في سيارات اوروبا لما اشتكو من البديهي انهم لما نزلوها مصر سنه 2008 ينزلوها بالقطع المطوره مش ينزلوها بعيبها وكل ما حد يحصل معاه مشكله يفهموه انها مشكله فرديه وينيموه في العسل واضح انهم بيضحكو علينا مفهاش اي شك

[ashrafE51]

يا جماعه قبل ما تتكلمو علي توكيل تويوتا بصو بره اتعمل كام ري كول من سنه 92 حتي الان وتم تصليح كام عيب نازل في عربيات تويوتا وده مش معناه ان تويوتا وحشه بس الي اقصده احنا بقي هنا في مصر متعملش ولا ري كول واحد واول ري كول اتعمل بتاع 6500 عربيه ال mmt وبعد الشكوي وتصعيد الامور وده معناه ان تويوتا ميهمهاش حياه المستهلك المصري وبيعتبرونا صفر علي الشمال شركه تويوتا نزلت العربيات دي وهي فيها عيوب وعارفه بي ده لانها سحبتها من اوروبا بعد الشكوي منها للعلم القطع الجديده الي بيقولو هتحل المشكله دي موجوده من سنه 2005 واتركبت في سيارات اوروبا لما اشتكو من البديهي انهم لما نزلوها مصر سنه 2008 ينزلوها بالقطع المطوره مش ينزلوها بعيبها وكل ما حد يحصل معاه مشكله يفهموه انها مشكله فرديه وينيموه في العسل واضح انهم بيضحكو علينا مفهاش اي شك

انا معك وباذن الله سوف اتصل بك لكي انضم اليكم ---
لان هناك نقط قلتهامن قبل : -
1- يوجد مشكلة لدي تويوتا اييجبت - لابد من حلها . ( اخر مكالة ان المهندس قال ان القطع لم تاتي بعد -- !!!! )
2- ليس من المنطق ان يكون عملاء ( امريكا و أوروبا والصين وكوريا ارواحهم افضل لدي تويوتا - لازم الرجال بتاع تويوتا يجيبي ويبكي ايضا في مصر!!!! لان سيارات تويوتا التي عليها المشكال تباع في مصر ايضا فلابد ان ياتي مصر - الا اذا تويوتا ايجيبت لا تخاف علي ارواح عملائها!!!!!!
3- لم اقتنع بعد بان تغير القطع في السياراة كورلا سوف يغير شي لان السياراة موجوده في اوروبا فكان من الاولي ان يحدث تغير باوربا لان من الواضح الاتي - ان هذه القطع هي موجوده فعلا باوروبا من اليابان ولكن لم تم تصنيها بجنوب افريقيا ادي الي ان الخامات تؤدي الي التاكل وعمرها الافتراضي اقل وبالتالي كانت المشكله !!!! هل صيح ام لا - لان مشكلة ال n موجوده في اوروبا من زمان!!!!!!!!
4- سؤ معاملة التوكيل لعقول العملاء كان من منطلق الخداع وايضا كان تقليل سعر العربية له الاثر علي انهم فعلا اساسها الخداع فقط لان هناك فرق 25000 سعر فقط معنها ان خداع وتربح غير منطقي وان انخفاض سعر السيارات بالتوكيل شي طبيعي ولكن الانخفاض علي اساس مؤشرات السوق وليس علي خداع الوكيل للعملاء ...

[محمد محمد]

انا واحد من الملاك مقدرش اقول ان القطع دي حل مؤقت غير لما اجربها....العربية كويسة والفتيس برده كويس مش وحش لكن مشاكله هي دي اللي اسأت الي سمعته ....ماهو موجود في الأوبل والفيات وعادي خالص.....يعني انا معنديش ضرر من الفتيس ومغيرتش حاجة فيه من ساعة ماجبنا العربية....لكن الأضرار الواقعة عليا هي اضرار معنوية ومادية....معنوية لأن مجرد ما تقول لواحد انا راكب الكورولا اللى بالفتيس الجديد ينظملك قصيدة هجاء معتبر في الفتيس ودي حاجة تغم الواحد وتجيبله احباط....اضرار مادية مش حقول الحرق المتعمد لسعر السيارة فقط ولكن عدم نزولها بالفتيس مرة تانية...بالنسبة الى موضوع ان رئيس تويوتا يجي يعتذر انا شايفها خطوة مالهاش لازمة هو راح اعتذر في الدول اللى فيها مصانع لتويوتا والعربيات بتخرج مكتوب عليها اسم هذا البلد وده اكيد يضر اقتصادها وانا الحقيقة مستغرب من الكلام بتاع حزب شباب مصر كل هدفهم في الدعوي فضح ممارسات تويوتا وفضح مش عارف ايه طب وده هيعود عليا بأيه انا مش فاهم....وفي الأخر التوكيل ميلومش بعد كده الا نفسه.

[elnour_toktok]

الاخوة البيقولو ان المشكلة موجودة فى اوربا من 2005 ممكن يقولو لينا هل تويوتا فى اوربا غيرت الفتيس او بدلت العربيات للعملاء وبعد كدة نشوف احناممكن نعمل اية

[solycar]

لكن الأضرار الواقعة عليا هي اضرار معنوية ومادية....معنوية لأن مجرد ما تقول لواحد انا راكب الكورولا اللى بالفتيس الجديد ينظملك قصيدة هجاء معتبر في الفتيس ودي حاجة تغم الواحد وتجيبله احباط....اضرار مادية مش حقول الحرق المتعمد لسعر السيارة فقط ولكن عدم نزولها بالفتيس مرة تانية....

انت لو قلت لحد بردو ان معاك بوما هتسمع بردو قصيدة هجاء محترمة

و لو قلت سيراتو يبقى هتسمع مدى الخطر اللى يهدد حياتك

ولو

ولو


مفيش عربية هيتقالك عليها كلام حلو من كل الناس

يمكن دلوقتى انت حاسس بكدة عشان الوضع الراهن المصحوب بالاخبار الخارجية عن المشاكل
كلها برة مفيش حاجة هنا خالص
غير موضوع الفتيس مع حماية المستهلك

اما بالنسبة للاضرار المادية

فى كل انحاء العلم عربية 2009 دلوقتى بسعر التراب على اساس انها مستعملة
يمكن فى مصر الموضوع مختلف و المستعمل عالى شويتين عن برة
بس مش ذنب الشركة ان السوق نزل لعربية ما لان اسعار السوق مرطبطة بالعرض و الطلب و الاخبار و الاشاعات و اللذى منو

احمد ربنا على نعمة عدم المشاكل و ربنا يدمها عليك يارب

[sadany18]

الاخوة البيقولو ان المشكلة موجودة فى اوربا من 2005 ممكن يقولو لينا هل تويوتا فى اوربا غيرت الفتيس او بدلت العربيات للعملاء وبعد كدة نشوف احناممكن نعمل اية

الريكول فعلا اتعمل فى اوروبا ("بس بردو ودي زي عندنا كده") يعني مش هتلاقى حاجه official بالكلام ده وبردو الريكول كان تغير القطع بنفس القطع جديده (ليس بها تغير) و الناس بردو مرتحتش و الكلام ده موجود في منتديات كتير في اوروبا .

الحاجه الغريبه ان الشكاوى فى اوروبا اختفت تقريبا من 2008 ؟؟؟؟؟؟!!!!!
يعني اما تعمل سيرش هتلاقي المشاكل قلت اوي فى اوروبا محدش بيتكلم عن حل ,,الناس سكتتت خالص !!!!
Check MMT Auris