زينون لليارس؟؟

[kehso]

السلام عليكم ....حد ركب زينون لليارس ولو ركب فى التوكيل ولا برة و سعره كام؟؟
شكرا ارجو الافادةزز

[BLOODY_STONE]

متااااااااااااااابع باهتمام

[a7mode]

الزينون اسعاره بتبدء من 400 جنيه وممكن تلاقى بـ 300 جنيه .

الياريس لمبه واحده بس عالى وواطى مع بعض و رقمها h4

مش معنى كدا انك لازم تجيب الزينون عالى وواطى ممكن تجيبو واطى بس او عالى بس عادى مفهاش مشكله

انا كنت جايبو من 6 7 شهور كدا كنت جايب طقم بـ 800 جنيه زينون نور عالى فقط والواطى اصفر عادى ..

اى اسأله تحت امرك .

[BLOODY_STONE]

طب ايه الماركات و منين نركب في اسكندرية؟

[a7mode]

الماركات حتلاقى 90 % منها صينى فى نوع بوش المانى نضيف وجميل اوى بس نادرآ لما تلاقيه ..

اللنوع الصينى الكويس دلوقتى هوا ال hud plus

بس انا ركبت عند شمس استايل فى شارع بورسعيد بس منصحكش تركب عندو لانو غالى حبتين ولو حصل حاجه للزينون وهوا فى الضمان بيعد يحور وبتاع ويخنقك بس فى الاخر بيغيرهولك ..

بص روح عزبه سعد واسأل فى سموحه ومتشتريش انواع عجيبه هوا يا hud يا hud plus يا بوش دا لو لقيتو اصلا ..ولو لقيت بوش حاول انك تجيييبه بس إتأكد انو اصلى .

[zinc]

الماركات حتلاقى 90 % منها صينى فى نوع بوش المانى نضيف وجميل اوى بس نادرآ لما تلاقيه ..

اللنوع الصينى الكويس دلوقتى هوا ال hud plus

بس انا ركبت عند شمس استايل فى شارع بورسعيد بس منصحكش تركب عندو لانو غالى حبتين ولو حصل حاجه للزينون وهوا فى الضمان بيعد يحور وبتاع ويخنقك بس فى الاخر بيغيرهولك ..

بص روح عزبه سعد واسأل فى سموحه ومتشتريش انواع عجيبه هوا يا hud يا hud plus يا بوش دا لو لقيتو اصلا ..ولو لقيت بوش حاول انك تجيييبه بس إتأكد انو اصلى .

الزينون نوعه hid و فيه منه كوري ايضا - و موجود هنا في توكيل تويوتا القاهره- ( hid الكوري) ب 1100 جنيه بالتركيب و ضمان سنه

[a7mode]

اه صح كدا انا مكنتش فاكر الاسم بالظبط حتى كنت شاكك فى hud دى بس حاولت اقربو بقدر الامكان .

[mshmshm3]

هات عالي وواطي افضل

[designer1]

التركيب مش حوار يعني
مجرد انك بتشيل اللمبه القديمه وتركب مكانها لمبة الزينون
وتوصل كبلات الكهربا بتاعة العربيه في محول الزينون

[kehso]

الف الف شكر على المعلومات الجميلة ..بس

اروح عند مين فى عزبة سعد؟؟

[boamengo]

الزينون سالت عليه فى التوكيل كان عامل 1400 جنيه مصري

عالى وواطى

بس انا اعرف ان الزينون اساسا اللى هو الاصلى بيبقي عالى بس

؟؟

[BLOODY_STONE]

1400?? ده على كده رخيص بالنسبة للتوكيل ولا ايه؟