ما مدى ثبات الكورولا.....إحكي تجربتك

[Kareem_A]

يا جماعة يعني اية اوتوماتك عادي و mmt اية الفرق يعني انا سمع عن mmt كتير في المنتدي هنا و من كام يوم كنت في توكيل الفطيم بسئل علي سعر الكورولا الجديدة انا عايش في الامارات المهم قلت اسئل بتاع المبيعات عن الكورولا mmt قالي يعني اية ههههههههه انا بجد عايز افهم هو فتيس نازل في الكورولا اللي بتنزل مصر بس و اية هو اساسا؟؟

الmmt هو فتيس يجمع بين الاوتوماتيك و المانيوال في نفس الوقت

عن طريق انه يجعل التحكم في اسطوانة الدبرياج عن طريق الكمبيوتر

يعني مفيش دواسة دبرياج , انما في قوة و عزم السيارة المانيوال

اما الفتيس الاوتوماتيك العادي فهو لا يحتوي على اسطوانة دبرياج من الاساس و لذلك بيفقد قوة و عزم المانيوال

الفتيس بينزل في حتت معينة من العالم و منهم السيارات الجاية من جنوب افريقيا , و لكن الفتيس دة كان آخر موديل له 2009 , و موديلات 2010 كلها اوتوماتيك عادي

يعني مبقاش ينزل مصر حتى

و المفروض مندوب المبيعات العندكم يبقى عارف هو ايه , بس طبعا عشان مش بينزل في الامارات فمعندوش فكرة

[MaroTunning]

ركبتها مع صديق .. لية والعربية ثباتها ممتاز جدا
عند 185
وكانت كورولا 2009

[kemo0o]

في الطرق والملفات المستوية العربية ممتاااااااااااااااااااااااازة جدا جدا جدا انما لو طرق فيها مطبات هوائية مع الملفات تحس ان العربية بتعوم

ولكن اجمالا العربية دي ممتااااااااااااازة جدا جدا

[dr_atom]

انا معايا كورولا 2008 mmt جنوط سبور العربية فعلا عشره علي عشره
كنت علي الدائري امبارح وجبت 200 ولا الهوا والمنحي اللي قبل نزلة طريق مصر الاسماعيلية واخده علي 160 ولا الهوا
في فرق جامد بين الشكل الجديد في الثبات والقديم
بجد عربية تحترم جدا
وفي زميل بيقول ال mmt اخره 200 طبعا اخره 240 ولو ناقص يعدي هيعدي وعن تجربة في طريق مصر اسكندرية الصحراوي
من عاشق الكورولا

[loay]

انا معايا كورولا 2006
بسبب انها عالية عن الارض صباح التعويم وعدم الاتزان - كنت هتقلب بيها كذا مرة
واخر سرعة ليها 165 علشان 1300 اوتوماتيك

[Doush_csf]

الmmt هو فتيس يجمع بين الاوتوماتيك و المانيوال في نفس الوقت

عن طريق انه يجعل التحكم في اسطوانة الدبرياج عن طريق الكمبيوتر

يعني مفيش دواسة دبرياج , انما في قوة و عزم السيارة المانيوال

اما الفتيس الاوتوماتيك العادي فهو لا يحتوي على اسطوانة دبرياج من الاساس و لذلك بيفقد قوة و عزم المانيوال

كلام سليم مع اضافة فرق استهلاك البنزين وانبعاثات ثاني أكسيد الكربون لصالح ال mm-t سواء مقارنة بالاوتوماتيك أو المانيوال
4shared.com - photo sharing - download image Corolla 2008 CO2 emissions.JPG

الفتيس بينزل في حتت معينة من العالم و منهم السيارات الجاية من جنوب افريقيا , و لكن الفتيس دة كان آخر موديل له 2009 , و موديلات 2010 كلها اوتوماتيك عادي

يعني مبقاش ينزل مصر حتى

الفتيس مازال بينزل في اوروبا إنما منزلش أصلا في امريكا واسيا

[KiNgMaX]

طيب ياريت بالمرة حد يقلنا اخبار ال rpm بيبقى كام مثلا على سرعة 100

[Abdo_Eldesokey]

في الطرق والملفات المستوية العربية ممتاااااااااااااااااااااااازة جدا جدا جدا انما لو طرق فيها مطبات هوائية مع الملفات تحس ان العربية بتعوم

ولكن اجمالا العربية دي ممتااااااااااااازة جدا جدا

هيا أحلى ولا السيفيك ؟؟

[محمد محمد]

هيا أحلى ولا السيفيك ؟؟

لولا ان السيفيك واطيه كان الواحد اشتراها بدل الكورولا بس الكورولا بتديك اللى انت عايزه.

[adfarouk]

راسية على الأرض جداً لغاية 180 (أكتر سرعة جبتها)

بس لو فية تيارات هوا شديدة (بمنعى كلمة شديدة) الأحساس بالثبات بيقل من أول 150 و انتا طالع

[ahmed_h_g]

أنا جربت ياريس2006 وكورولا 2008 خليجى
بصراحه الياريس ممتازه فى الطوالى لكن فى الملفات على سرعات سيئه
بالنسبه للكورولا الجديده عالسرعات ممتازه عالطريق المستوى فقط
فى الملفات جيده لكن فى الملفات الشديده مثل ملفات السخنه والملف اللى فى مطلع كوبرى أكتوبر من مدينة نصر والملف الأول داخل نفق الأزهر من ناحية صلاح سالم سيئه جدا" جدا"
وده بسبب ليونة العفشه زياده عن اللزوم وخفة باور الدريكسيون
لكن كتسارع وفخامه ممتاذه .

[amrseba]

انا معايه تيوتا كورولا ملكه 96 جبت بيها 180 وكنت مستريح وانا عربيتى 1.5 سى سى

والعربيه ثابته جدا و مشغل التكييف كمان

[Doush_csf]

لولا ان السيفيك واطيه كان الواحد اشتراها بدل الكورولا بس الكورولا بتديك اللى انت عايزه.

السيفيك واطية (نقطة مهمة جدا في بلدنا ذات الاسفلت الحريري ) وكمان زيرو أوبشن (وانا بشتري كانت نازلة بـ CD audio و سماعتين فقط و بدون فوجات ... إلخ
يعني من الآخر يقولك فول اوبشن تقوله إيه يعني يقولك تكييف و باور و سنتر لوك ( مش فاهمين الفرق بين كماليات و أساسيات )
بس 140 حصان ... مصر الدولة الوحيدة في العالم اللي حققت المعادلة الصعبة و جابت الهوندا 1600 140 حصان والهبل الاوروبيين والأمريكان اتضحك عليهم و جابوها 1800 140 حصان

http://www.honda.com.sg/cars/civic_spec_16.htm

http://www.honda.com.sg/cars/PDF/civic_catalogue.pdf

[wahba87]

اقصى سرعة جبتها كانت 180 فى طريق مستقيم و كان الثبات ممتاز

[محمد محمد]

السيفيك واطية (نقطة مهمة جدا في بلدنا ذات الاسفلت الحريري ) وكمان زيرو أوبشن (وانا بشتري كانت نازلة بـ cd audio و سماعتين فقط و بدون فوجات ... إلخ
يعني من الآخر يقولك فول اوبشن تقوله إيه يعني يقولك تكييف و باور و سنتر لوك :f_eyeb1[1]: ( مش فاهمين الفرق بين كماليات و أساسيات )
بس 140 حصان ... مصر الدولة الوحيدة في العالم اللي حققت المعادلة الصعبة و جابت الهوندا 1600 140 حصان والهبل الاوروبيين والأمريكان اتضحك عليهم و جابوها 1800 140 حصان :pointiy2[2]:
Honda Civic - Admire it, touch it, trust it. Love it.
http://www.honda.com.sg/cars/pdf/civic_catalogue.pdf

فعلا موضوع الأوبشن ده كان عامل حاسم في قرار الشراء....اللى كان عاجبنا في السيفيك ان الصالون بتاعها واسع والثبات افضل شوية .