أستفسار بخصوص الياريس

[HAMADASAIED]

أولا تحية طيبة لجميع أعضاء تويوتا
انا معايا تويوتا ياريس 2007 و أتعرضت أنى أغير رفرف شمال أمام و أكصدام خلفى
و رشيت العتب و الباب أمام شمال و يمين لكن تم كل شئ داخل التوكيل
فهل عند بيع السيارة بيبان الحاجات دى ولا مادام تم عملهم فى التوكيل يبقوا أصلى مثل الفبريكة
ولا بيتعرف أنى راشش الأبواب و مغير الأكصدام و الرفرف
منتظر الرد

[BLOODY_STONE]

لو في التوكيل يبقى عادي جدا ولا حاجة بتبان لانه ببساطة بيغير عالطول مش بيصلح
انا كان عندي خبطة في الباب اليمين و الرفرف و غيرتهم و محدش من الناس اللي اعرفها قدر يشوف حاجة حتي المهندس بتاع التوكيل لما قابلته بعد كده عشان الصيانة معرفش يميز الخبطة كانت فين
فأطمن مفيش اي قلق

[HAMADASAIED]

شكرا لك على الرد
لكن انا رشيت العتب هل بتبان الرش ولا لا
وشكرا

[ابوشريف]

عايز الصراحه

اامفروض فى حالة البيع تصارح المشترى بكل شئ

حتى لو مش ظاهر

علشان ربنا يبارك لك فى ثمنها ويكرمك فى الدنيا والآخره

[BLOODY_STONE]

اطلاقا ... مفيش اي حاجة تبان ... و بعدين انت لو قلتله انها تصليح توكيل ده مش حيأثر على حاجة ولا ايه؟ لأنها كأنها متصلحتش ..

[HAMADASAIED]

شكرا ليكم جميعاً

[sam_zen_elden]

الصراحة افضل الطرق كما تعلمنا جميعا وطالما انك اصلحت العيوب ما المانع من الصدق

[mohamedkandel]

الصراحة افضل الطرق كما تعلمنا جميعا وطالما انك اصلحت العيوب ما المانع من الصدق

+11111111111
كلام تمام

[Samir Elshahawy]

أخي الكريم ...

انا كان عندي نفس الشئ في سيارتي السابقة (لانوس) و كانت الخبطة شديدة لدرجة ان القائم الامامي تضرر و بشدة لكن تمت الاصلاحات علي الوجه الامثل و لم أبخل عليها في شئ لدرجة اني غيرت كل شئ (رفرف - باب - فانوس - زجاج - مراية) بقطع أصلية أستيراد و رشيت العربية كلها (ماعدا السقف) علشان يكون اللون كله واحد و فعلا العربية رجعت من جديد كالفبريكة و لدرجة أني عرضتها علي 3 تجار (معارض سيارات) و لم يستطيعوا تمييز أي تغيير أو أصلاحات فيها و لكن ...

عندما بدات في بيعها اخبرت المشتري بالحقيقة و اطلعته علي تفاصيل الحادث و الاصلاحات و طمأنته بأن السيارة عادت كما كانت جديدة و فعلا أقتنع و شكرني علي صراحتي معه و مازالت بيننا معرفة حتي الان

فعلا ألصدق هو اقصر الطرق للأقناع

مع خالص تحياتي
م/ سمير الشهاوي

[HAMADASAIED]

شكرا للأفادة