موضوع رهيييييييب وجامد موت

[asemx1]

دلوقتى ياجماعه انا هفتح موضوع ما اتفتحش قبل كدا واتمنى من الاعضاء الى يردوا يكون ردهم ايجابى مش مدمر
يعنى محدش يقولى لو مش عارف تركب ماتدفعش وكلام من دا
طبعا ناس كتيرر مننا نفسها موووت تحط بنزين 80 الى ب 90 قرش ( يابلاش ) وتبعد عن البنزين ال 92 الى اللتر فيه اغلى من لتر البيبسى
عربيتى ياريس 2009 وكلكم هتقولوا ازاى واحد يدفع 100 الف على عربيه اساسا مابتستهلكش بنزين ويتكلم فى سعر البنزين
بس الى بتكلم فيه انك لو بتدفع 69 جنيه فى تفويله كامله ممكن تدفع 35 جنيه فى نفس التفويله
طيب ناس كتير هتقولى ايه الهبل دا استحاله وكدا ومحدش يجيله قلب يعمل كدا
هقوله هوا الى صمموا العربيات دى عملوها علشان الدول الى فيها بنزين عالى الاوكتان بس
فى دول اكيد مافيهاش 90 واخرها 80 علشان غالى هل ساعتها مش بينزلوا العربيات دى عندهم ؟
ولا بتنزل عادى وبيحطوا 80
طيب االتاكسيات دول بيحطوا 92 على طول ولا اكيد كلهم بيحطوا 80
طيب محدش جرب انا جربت انى احط 80 فى ماتريكس وليفادا وماتسوبيشى سوبر اكشن ودايو لانوس وكلهم جابوا نتيجه واحده وهى ( مافيش فرق خالص ) غير بس فى التسارع المفاجىء جدا للماتور من سرعه السلانسيه ودى استحاله تعملها برجلك لو ضغطت فجاه الا لو كنت قاصد
بالنسبه للسحب عادى برضو مافيش فرق والاستهالاك مش محسوس
وبعد دراسه كبيره اوى للبنزين وتاثيره على الماتور لاحظت ان ال 80 دا مش بيعمل اى حاجه خالص غير الكركره او السقفه ولو ماحصلتش مافيش حاجه هتحصل وان الشركات بتعمل ال92 علشان تمنع الكركره عن الناس الى بيخلوا العربيه تكركر زى الى مش بيعرفوا بسوقوا او مايخلوش العربيه تكركر
موضوع طويل اوى بس دا الى استنتجته من تجربتى معاه ومن دراستى لمحركات الاحتراق الداخلى
انا طالب فى هندسه قسم ميكانيكا قوى
وياريت الناس تستبعد كلمه الشوائب والرشاشات والكلام دا كله مش مظبوط
نظافه البنزين من المحطه بس ومن نظافه الخزان مش اكتر
طولت عليكم وانا فاتح النقاش وبلاش سلبيات لو سمحتوا

[w-m-a]

انا شخصيا من ساعة البنزين ما غلى بحط 80
ربنا يديمها علينا نعمة ويحفظها من الزوال
الهم امين

[3ateef]

انا شايف ان انت فى سعيك لتوفير مصاريف البنزين حتدمر العربية بتاعتك....
وكل واحد حر فى عربيته......

[Khaled_Nowaihy]

على حد علمى ان كمية الرصاص أعلى فى البنزين 80 ويعتبر شوائب-ونواتج الاحتراق أيضا تتوقف على هذه الشوائب.
ما تفسير حضرتك يا باشمهندس؟

[asemx1]

انا شخصيا من ساعة البنزين ما غلى بحط 80

ربنا يديمها علينا نعمة ويحفظها من الزوال
الهم امين

هههههههههههههههه امين يا باشا
بس انتا مش بتحط 80 فى عربيات حديثه اانا بتكلم عن العربيات الحديثه فقط

[asemx1]

انا شايف ان انت فى سعيك لتوفير مصاريف البنزين حتدمر العربية بتاعتك....
وكل واحد حر فى عربيته......

مع افتراض ان المصاريف الى هوفرها هتدمر العربيه
العربيه هتدمر على اخرها بعد اد ايه ؟؟؟
على حسب علمى ودراستى ان الماتور احتمال ضعيف انه يتاذى لو كركرت جااااااااااامد جدا يعنى طلعت على الرابع فجاه مثلا لمده ساعتين او تلاته ودى استحاله تحصل
المواد المصنوع منها الماتور رهييييييييييبه وقويه جدا وبتستحمل الطرق والحراره والاجهادات الرهيبه
طيب لو قولنا ان الماتور هيتدمر اكيد اكيد مش هيتدمر الا بعد 10 سنين هل العربيه هتقعد معاك 10 سنين .؟....

[3ateef]

مع افتراض ان المصاريف الى هوفرها هتدمر العربيه
العربيه هتدمر على اخرها بعد اد ايه ؟؟؟
على حسب علمى ودراستى ان الماتور احتمال ضعيف انه يتاذى لو كركرت جااااااااااامد جدا يعنى طلعت على الرابع فجاه مثلا لمده ساعتين او تلاته ودى استحاله تحصل
المواد المصنوع منها الماتور رهييييييييييبه وقويه جدا وبتستحمل الطرق والحراره والاجهادات الرهيبه
طيب لو قولنا ان الماتور هيتدمر اكيد اكيد مش هيتدمر الا بعد 10 سنين هل العربيه هتقعد معاك 10 سنين .؟....

انا قلتلك كل واحد حر فى عربيته....
بس اللى انا فهمته من كلامك ان انت بتدمر العربية للى حيشترى منك....
واستنى رأى باقى الاعضاء.....

[asemx1]

على حد علمى ان كمية الرصاص أعلى فى البنزين 80 ويعتبر شوائب-ونواتج الاحتراق أيضا تتوقف على هذه الشوائب.
ما تفسير حضرتك يا باشمهندس؟

البنزين ليس له علاقه بالرصاص والرصاص دا كان موجود اه ايام زمان بس اتمنع وضعه فى البنزين علشان ضار بالبيئه وبيسبب التخلف العقلى لانه بيترسب فى جسم الانسان ومش بيخرج منه الا كميه قليله
الى بيتعلق بيتضاف للبنزين بعض الاوكتان الى بتمنع الانفجار المبكر للوقود
وبالنسبه للشوائب استحاله ان ال 80 فيه شوائب اكتر من ال 90 لان الاتنين بيخرجوا من نفس المرحله فى التكرير البترول
بس الرقم دا بيدل على نسبه خلط البنزين بالاوكتان او نسبه اضافه الاوكتان للبنزين

اى استفسارات يا باشا

[asemx1]

انا قلتلك كل واحد حر فى عربيته....
بس اللى انا فهمته من كلامك ان انت بتدمر العربية للى حيشترى منك....
واستنى رأى باقى الاعضاء.....

ياباشا استحاله تدمر دى مش لعبه وبعدين لو قولنا انها هتبوظ دا يبقى انتا قاصد انك تسمع صوت الكركره لو ظبطت رجلك استحاله تبوظ ولو عربيه اوتوماتيك مش هتكركر اساسا لان الاوتو مريح للماتور
انا عايز الى جرب ال 80 على عربيه حديثه يقول وياريت تكون تويوتا اعلى من 2003 انجكشن يعنى

[asemx1]

اضافه رائى
مع النصب والغش الى فى البلد دى والسرقات
محدش يقنعنى ان كل حاجه فيها غش ماعادا البنزين
انتم ايش عرفكم ان الى بتحطوه دا 92 او 90 مش ممكن يكون 80 مش ممكن يكون خليط من 80 و90 وبيتباع ليكم على اساس انه 92
انتم لازم تجربوا وهتصدقوا انكم اتضحك عليكم

طب جربوا تحطوا نص التانك 90 والنص التانى 80
هتلاقوا مافيش
فى ناس بتقول ان البنزين بيختلف من بنزينه للتانيه
دا اكيد طبعا على حسب الغش
والى عملوا العربيات دى اكيد مش هيخلوا الموضوع حساس اوى انك تحط 80 فى مره يبوظ الماتور
فى اساله كتير اوى فى دماغى ونفسى حد يجاوبنى صح لان بجد انا الى جربته فعلا نتائج مزهله

[Ahmed Galal]

انا اما كنت فى الكلية كان الدكاترة بيقولوا احنا بينضحك علينا و كل البنزين زى بعضه بس الواحد ما بيستريحش للبنزين ال 80 مش عارف ليه اللى يفصل فى الموضوع ده معمل تحليل منتجات بترولية و ياخد عينة و يطلع نتايج لان كل تجاربنا ديه ما تديش نتيجة علمية صحيحة

[asemx1]

لو قولتلك ان ردك صح بنسبه كبيره اوى
البنزين العالى دا رفاهيه زياده يعنى على حسب احتياجك انتا ومزاجك راحتك فيه

[Eng.Sameh]

مش مقتنع أن مفيش فرق بين 80 و 92 !!!!!!!!!!!

[Ramy.Gamal]

البنزين 80 لونه بمبى وال92 اخضر نفس لون ميرندا تفاح الاخضر و البنزين كل ما الاوكتين بتاعه يزيد تلاقى اللون الاخضر زاد يبقى البنزين ال80 اللى لونه بمبى ازاى يتقارن مع ال90 و ال 92 و مره عن تجربه تم وضع بنزين 80 فى نيسان صنى 2002 اوتوماتيك مش عاوز اقولكم انه بعض 4 تفويلات بس العربيه جابت طرمبه بنزين واتغيرت ب 1200 جنيه

[د.محمود صلاح]

كان عندي جيلي 1600 سي سي زيرو موتورها مشابه جداً لمواتير الكرولا الملكة انجكشن ,, كنت باحطلها بنزين 80 على طووول بدون اي مشاكل لمدة سنة ونصف

أعتقد ان المشكلة في الكركرة اللي ممكن تتلف الموتور على المدى البعيد