سؤال فى الياريس

[asemx1]

هل الياريس ال 2009 بها فصل التكيف اوتوماتيك
يعنى لما بشغل التاكيف واعمل المروحه على 2 واعمل البكره على الازرق
هل بيفضل شغال على طووووول وبضطر انا افصله لما احس بالسقعه اوى او لما اعوز اريح الكمبروسور ولا بيفصل لواحده كدا ويظبط الكلام :d

[BLOODY_STONE]

بيفصل لوحده ...

[Samir Elshahawy]

في موديل 2008 بيفصل لوحده لذا أعتقد في موديل 2009 برضه بيفصل لوحده

[asemx1]

امال مش بحس انه فصل ليه وازاى احس انه فصل او اعرف انه فصل وازاى اظبط درجه الحراره او السرعه علشان يفصل ؟

[Samir Elshahawy]

امال مش بحس انه فصل ليه وازاى احس انه فصل او اعرف انه فصل وازاى اظبط درجه الحراره او السرعه علشان يفصل ؟

لو العربية واقفة في مكان هادي و مشغل التكييف هاتعرف من صوته و ممكن تلاحظ من عداد اللفات rpm

[kehso]

اول مرة اعرف اصلا انه بيفصل .... ياريت لو حد عنده معلومات يفيدنا.....

[ghada_zaky]

انا كمان معرفش انه بيفصل
بيفضل ساقع لحد ما انا افصله بنفسى

[ابوشريف]

أكيد بيفصل طبعا وفى اى عربيه مكيفه

لابد يكون للتكييف ثرموستات للفصل

ولكن نظرا لنعومة العربيه لا نشعر بالفصل والتشغيل

ولو الكمبرسور اشتغل بدون فصل درجة السقعان حتزيد بدرجه لا نتحملها

وهذا لا يحد ث الا عند حدوث عطل فى الثرموستات

ويمكنك التحكم فى درجة السقعان عن طريق البكره المدرج عليها اللون الازرق والاحمر

[asemx1]

معلش اصل كان معايا دايو كانت بتفضل موصله التاكيف لدرجه انى بتلج جوا وبيتكون تلج على السربنتينه وكان مقرف بس ساقع كيك
وغير كدا كان بيسحب كتير اوى باور من الماتور
بس فى التويوتا التكيف ملهوش تاثير على الماتور تقريبا :)

[Samir Elshahawy]

أكيد بيفصل طبعا وفى اى عربيه مكيفه

لابد يكون للتكييف ثرموستات للفصل

ولكن نظرا لنعومة العربيه لا نشعر بالفصل والتشغيل

ولو الكمبرسور اشتغل بدون فصل درجة السقعان حتزيد بدرجه لا نتحملها

وهذا لا يحد ث الا عند حدوث عطل فى الثرموستات

ويمكنك التحكم فى درجة السقعان عن طريق البكره المدرج عليها اللون الازرق والاحمر

كلام سليم 100 %

و لو عاوز تتأكد انه بيفصل أعمل الاتي :
- شغل التكييف و خلي درجة الحرارة (البكرة اللي علي الشمال) علي الازرق لأعلي درجة تبريد
- أقفل سحب الهواء من الخارج
- ياريت تكون التجرية دي و العربية واقفة في مكان ظل (زي الجراج مثلا)
- لاحظ عداد لفات الموتور و ركز مع صوت الموتور ممكن تسمع صوت ضاغط التكييف و هو شغال
- لما هايوصل التكييف لدرجة الحرارة اللي المفروض يحققها هتلاقي عدد لفات الموتور أنخفض و صوت ضاغط التكييف أختفي (كده يبقي التكييف فصل)

.... مع ملاحظة ان لمبة التكييف بتفضل منورة و ده اللي بيدي الاحساس بأن التكييف مابيفصلش و لكن اللمبة دي خاصة بالكونترول