كورولا 2006 1.8

[m073med]

بسم الله الرحمن الرحيم
بخصوص الكورولا الشكل القديم 2001_2007 و خاصة 1800 سي سي في حد جربها بس هي بتنزل في الخليج مش مصر وكلنا عارفين السبب طبعا المهم انا جربت العربية دي 1800و1300 بصراحة فرق شاسع بين الاتنين 1800 قوة وسحب قوي جدا والكيك داون بتاعها بيخلي جسمك مشدود لورا دايما من قوة السحب وثباتها جميل جداوالتكييف مش بيأثر خالص على العربية لو في حد عنده العربية دي في مصر ياريت يقولي ازاي نزلها مصر علما بان العربيه البكلمكم عنها موديل 2006 1.8 ابانوس ومرايات كهرباء وفل اوبشن اوتو في دبي قريبا هنزلكم صورها بس مشغول شوية.

[M.Akef]

انا عندي واحد صحبي عدل واحده من 1.3 الي 1.8 و مخدشي الي هو عوزه من العربيه و بعها صرف كتير و كله راح علي الارض
انت جربت العربيه دي دلوقتي طب جرب بقا لانسر بومه لما بيتسقط لها الموتور الميفك ال1800 سي سي 170 حصان و قول لي ايه رايك يا مان!!!!
الثبات في الكورولا الشكل القديم مش حلو يا مان و ده معروف و جرب البومه وانت تحس بالفرق

[sa3dawy]

انا برده فكرت فى فترة اول ما ييجى فلوس اجيب الموتور دا واسقطه للياريس واعرض الكاوتشات واغير العفشة والفرامل واعمل القلق دا كله ههههه والى شجعنى ان الياريس بتنزل بالمتور ال 1800 دا فى اوروبا وبجنوط 17 كمان
وتسارعها بيوصل ل 8 ثوانى من صفر ال 100 يعنى تسارع جامد جدا
تقدر تقوول طلقة .

بس الفكرة ان الموتور دا صعب انك تلاقيه فى مصر
لان مفيش 1800 وصلت مصر اساسا

لكن ممكن تجيبه من الخليج
بس مش عارف ازاى ؟؟

عموما بينى وبينك الواحد بيصعب عليه يلعب فى العربية اللعب دا
وبيرجع يقول على ايه دا كله
عشان ثانيتين تسارع زيادة !!!

[yoko]

انا ركبتها وهنا في مصر وركبتها في السعوديه ودي يا تدفع جماركها يا إما ............ (معلش مش هقدر أقول الحل التاني عشان فيه قطع رقاب)