مش فاهم الياريس بتعمل معايا كده ليه .؟

[myself112]

بعد اذنكم يا شباب كان عندى شوية اسئلة كده عن الياريس ..
انا دلوقتى معايا ياريس , بس حاسس ان الصوت بتاعها عالى شوية مش عارف ليه ؟ مع انها اول ما جبتها ما كنتش كده .؟ يا ترى ده ممكن يكون سببه ايه ؟ دى حاجة ....
الحاجة التانية , لما ببقى ماشى بيها فى شارع مكسر من شوارعنا الجميلة , بلاقى العربية بتتمرجح بيا جااااااااامد جدا ....!!!! يا ترى ده العادى بتاع العربية ولا انا الى عندى مشكلة .....

آخر حاجة , هى العربية بينزل فيها كام سماعة , اصل انا عندى سماعتين بس فى الابواب الى قدام , وهو الكاسيت الى بينزل معاها بيشيل كام سماعة ... و كمان فى زرار كده فى الكاسيت على الشمال تقريبا ده اكواليزر , عايز اعرف هو احسن ظبط ليه ايه ؟

معلش هرخم عليكم شوية , معلش استحملونى ..

[Ahmed Galal]

يا ريت بس تقول العربية عاملة كام كيلو عشان لو عدت كتير يبقا تشوف الصيانات بتاعتها و تغيير الفلاتر و العفشة تربطها و تشوف المساعدين و اتاكد من ضغط العجل لو زيادة بينطط العربية و الكاسيت يشيل اربع سماعات لان بتوع التوصيل بياخدو فرد لورا العربية عند الفبرة اللى ورا الكنبة اما ظبط الاوكولايزر لو عنك صورته هايبقا واضح على الزر بيتسحب و لا بيتلف يبقا احسن لو فيه صورة

و الله اعلم

[BLOODY_STONE]

حضرتك بس روح بيها عالتوكيل يعملولها صيانة و ربط عفشة و تغيير زيت و كلام من ده و حتلاقي كل حاجة تمام ان شاء الله .

[محمد ابراهيم 1]

الياريس صوتها عالى طبيعى ولكن الصوت بيبقى مزعج بعد 110 كم بسبب إنها بكاتينة حديد مش سير تقسيم

العفشة بتاعتها ناشفة شويه وبالتالى تعاملها مع المطبات بيبقى فيه عنف شويه ولكن ده مش عيب

الكاسيت بينزل بأربع سماعات مش اتنين

[myself112]

شكرا يا شباب على الرد و الاهتمام .......
ان شاء الله هخد العربية واروح اشيك عليها كلها واربط العفشة , بس بالنسبة للفلاتر والزيت ده انا غيرهم قريب اول ما اشتريت العربية وهى دلوقتى عامله حوالى 60 الف كيلو ....
بالنسبه لضغط الكاوتش انا ضبطه على 32 نيتروجين يا ترى ده صح ولا غلط ... لان العربية بتنطط بيا جااااااااامد .
بالنسبة للاكويلايزر هو زرار كده بيتلف .
بالنسبه لصوت العربية , هو يمكن مش عالى اوى , بس انا كنت قرأت من مشاركات الاعضاء قبل ما اجيب العربيه ان ملهاش صوت خالص , علشان كده حاسس ان صوتها عالى , و ربنا يسهل واروح برده اسأل على الحكاية دى وانضف فلتر الهوا ونشوف الدنيا هتمشى ازاى ....

متشكر ليكم مرة تانية ...

[mokhtarm]

الياريس صوتها عالى طبيعى ولكن الصوت بيبقى مزعج بعد 110 كم بسبب إنها بكاتينة حديد مش سير تقسيم

العفشة بتاعتها ناشفة شويه وبالتالى تعاملها مع المطبات بيبقى فيه عنف شويه ولكن ده مش عيب

الكاسيت بينزل بأربع سماعات مش اتنين

أنا معايا ياريس وبرده فيها سماعتين
لحد موديل 2007 كانت بتنزل سماعتين وكاسيت من اليابان
بس بعد كده أرْبع سماعات و من غير كاسيت
والتوكيل بيركب الكاسيت ده
وفي ال حالتين بيعملوا كده عشان يقللوا التكلفة

[Samir Elshahawy]

بالنسبه لضغط الكاوتش انا ضبطه على 32 نيتروجين يا ترى ده صح ولا غلط ... لان العربية بتنطط بيا جااااااااامد

أرجع لكتالوج العربية في النقطة دي ....
لأن ظبط ضغط الاطارات بيتوقف علي عدة عوامل منها:
- السرعة اللي بتمشي بيها عادة
- الحمولة القصوي أو المعتادة
- مقاسات الاطارات

لكن عموما انا بأظبطها علي 31 (نتروجين برضه) لأني بأسافر كتير و متوسط سرعتي في السفر 120 كم/ساعة بحد أقصي 160 كم/ساعة

كمان لاحظ أن النتروجين بيقل لذا يفضل مراجعته و ظبط الضغط كل أسبوع أو 10 أيام بالكثير و ألا ممكن ان ينخفض حتي 28 لو اهملته

[myself112]

فى حاجة كمان انا نسيت اقولها .... انا لما اشتريت العربية , رحت بعدها ازبط زوايا لقيت الراجل بيقولى ان فى فردتين كوتش عايزين يتغيروا , يومها قالى ان فرده كاسرة يمين والتانية مش فاكر فيها ايه كده , المهم غيرتهم بس مش نفس نوع الكاوتش الاصلى بتاع العربية , هل ممكن يكون حوار ان العربية بتنطط بيا ده سببه ان الكاوتش مش نفس النوع , و لو دى المشكلة , المفروض بقا تتحل ازاى .... اغير الكاوتش من تانى , ولا ايه ؟؟؟
و هل ممكن يكون كل نوع كاوتش ليه ضغط معين علشان كده فى مشكلة , و لو عايز اعرف الضغط بتاع الكاوتش الجديد اعرفه منين ؟؟

[Samir Elshahawy]

فى حاجة كمان انا نسيت اقولها .... انا لما اشتريت العربية , رحت بعدها ازبط زوايا لقيت الراجل بيقولى ان فى فردتين كوتش عايزين يتغيروا , يومها قالى ان فرده كاسرة يمين والتانية مش فاكر فيها ايه كده , المهم غيرتهم بس مش نفس نوع الكاوتش الاصلى بتاع العربية , هل ممكن يكون حوار ان العربية بتنطط بيا ده سببه ان الكاوتش مش نفس النوع , و لو دى المشكلة , المفروض بقا تتحل ازاى .... اغير الكاوتش من تانى , ولا ايه ؟؟؟
و هل ممكن يكون كل نوع كاوتش ليه ضغط معين علشان كده فى مشكلة , و لو عايز اعرف الضغط بتاع الكاوتش الجديد اعرفه منين ؟؟

شوف يا سيدي الفاضل ..
اللي فهمته من الحوار بتاع الزوايا ده ان كان فيه زوايا مش مظبوطه يعني واحدة فاتحة شوية علشان كده كان فيه تأكل في الفردتين دول

أما نوع الكاوتش أيه مش ده المهم و ضغط الهواء بالاطارات واحد لكل أنواع الكاوتش
و علي العموم الشكل التالي فيه توضيح لكل أسئلتك



مع خالص تحياتي
م/ سمير الشهاوي

[myself112]

شكرا يا باشمهندس سمير , بجد استفدت من مشاركة حضرتك جداااا .. جزاك الله كل خير .

[Samir Elshahawy]

شكرا يا باشمهندس سمير , بجد استفدت من مشاركة حضرتك جداااا .. جزاك الله كل خير .

علي العفو يا افندم أنا تحت امرك و كلنا هنا بنفيد و نستفيد

[waleed24ag]

بعد 50000 الف كيلو

السلام عليكم

احب اوضح لحضرتك تجربتي لاني كان عندي نفس المشاكل
انا عربيتي ياريس 2008 فول اوبشن اتوماتيك من اسبوعين عملت كشف ال 50000 الف و دا يعتبر كشف كبير لانه فيه
تغير السيور
و زيت المحرك
و زيت الفتيس
و سائل التبريد
و البوجيهات
و حاجات كتير جدا قبل الكشف كنت بلاحظ كذا حاجه اولا العربية ناشفه في المطبات و الصوت عالي تسارعها موش قد كده المهم التوكيل (تويوتا ابو رواش) خدها مني و المهندس قالي ان بعد الكشف موش تعرف العربيه و كلامه كان حقيقي اولا متحش بالمطبات و الصوت مفيش و العربيه كانها جديده
علشان كده انصحك تكشف علي السير و البوجيهات و تظبط زوايا و تكشف علي ضغط الاطارات

و ان شاء الله العربية هتكون تمام