عوده N Error بعد تغيير القطع الجديده

[wwaeel]

انا كنت من اول 5 غيرو القطع الجديده وكانو مبعوتين من اليابان مش من مصنع جنوب افريقيا وكنت عامل ساعتها 80 الف كم ركبت القطعه في شهر 1 يوم الاربعاء السابق حدث معى ان ايرور تاني الفتيس فصل ومبقاش قابل اي غيار وزقيت العربيه وركنتها علي جنب الطريق وطفيتها لمده ربع ساعه وشغلتها راحت ماشيه روحت مشوار وبعد كده فصلت تاني روحت عامل محضر اثبات حاله في القسم وبعد كده تاني يوم الساعه 8 الصبح روحت توكيل تويوتا ابو رواش عشان ادخلها الصبح بدري لقيت المهندس مدير الورشه بيقولي لا بدل العيب جه تاني بعد القطع الجديده احنا عندنا تعليمات نستلم العربيه ونخليها بقي لحد ما يجي فريق الدعم الفني يكشف عليها بنفسه وفريق الدعم الفني كل يوم في فرع من فروع توكيلات تويوتا وقالولي استني لحد الساعه 9 نشوف هيجو ابو رواش ولا لا قولتلهم انا عاوز ادخل العربيه دلوقت واستلمها اخر النهارده قالولي استني مدير الاستقبال لما يجي جه المدير قولتله انا جالي ان ايرور وعامل محضر بيه والعربيه هتدخل دلوقت وتخرج النهارده قالي صعب و مش هينفع قولتله ده الي هيحصل انا مش بسئل ينفع ولا مينفعش وروحت مكلم مدير العلاقات العامه وقولتله انا الي كنت مقدم شكوي في جهاز حمايه المستهلك وركبت القطع الجديده وجالي ان ايرور تاني قالي ازاي دي اول مره تحصل بعد القطع الوحيد طيب اقفل 5 دقائق وهكلمك فعلا كلم المدير وقلب التوكيل المدير جه قالي العربيه هتدخل دلوقت و هتستلمها اخر النهار الكلام ده كان يوم الخميس طبعا العربيه كان عاوزه تغير مساعد وكاسيت ودينامو عشان فيه بليه خشنه قولتلو خلي العربيه هستلمها السبت بس كل حاجه تكون خلصانه فيها وفعلا روحت استلمتها يوم السبت بس لسه الدينمو والكاسيت سي دي الدنمو طالبينه من بره من شهرين وقالولي لسه مجاش هيجي يوم 5/7 والسي دي لسه بقي هيطلبوه :) الله اعلم هيجي امتي وغيرولي المساعد والقطع الجديده لتاني مره قولتلهم بقي دلوقت القطع الجديده محلتش حاجه ايه الحل كان ردهم المفجع انشاء الله مشي هيجي تاني الان ايرور جرب بس :) طبعا محدش يقولي من طريقه السواقه لان محدش فاهم العربيه زي وبحسس عليها يعني بعامل الفتيس ده بحساسيه عاليا الان ايرور جالي بعد 20 الف كم من تغيرر القطع الجديده اول مره يعني انا عامل 100 الف دلوقت يا ريت الناس الي جالها ان ايرور بعد القطع الجديده ابلاغ جهاز حمايه المستهلك بذلك لان شركه تويوتا بتتحجج بي القطع الجديده قدام جهاز حمايه المستهلك والقطع الجديده زي القديمه بالظبط مفيش اي اختلاف ولا حلت عيوب حتي

[moosaleh]

اغير القطع الجديده لمجموعه الدبرياج ولا مالوش لزمه

انا مع تجربتى مع الmmt انه محتاج كل فتره اروح التوكيل اعمل تضبيط سوفت وير بس علشان الخبطه والرجه فى الموتور هل انا فعلا محتاج اغير القطع الجديده مع وجود نفس المشاكل مع العلم انى سألت مهندس بالتوكيل وقالى ان فكره القطع الجديده ان مجموعه الدبرياج الجديده اضعف من القديمه و علشان كده مش حتحس بالنتشه ولا n errorا المهم كلام يلخبط كله وكله طبعا توهان لغايه مايخلص الضمان ويقلك تعلا بقى وادفع ياحبيبى ايه الحل بجد يا جماعه .

[wwaeel]

للاسف جهاز حمايه المستهل متضامن مع شركه تويوتا ومبيخدش اي موقف الا لما بيحصل ضغط عليه او ان يكون الناس الي بتشتكي متجمعين ورايحين مع بعض عدد كبير انا غيرت القطع الجديده مرتين والعمليه مسئله وقت القطع الجديده دي محلت اي عيوب خالص وجهاز حمايه المستهلك عرف بده وروحت وقعدت مع لجنه السيارات ومخدوش اي موقف كل الي عملوه قالو لشركه تويوتا لازم تصلحيله العربيه ولو العيب متصلحش تغيري الفتيس بي ام ام تي جديد :( قولتله ماهو الفتيس فيه عيب صناعه في كل العربيات مش عندي بس قالي مهو مقدرش اخليهم يغيرو العربيه ليك او الفتيس بي اوتوماتيك عادي عموما انا مستني العربيه تجيب ان ايرور تاني ومش هصلحها هروح اعمل بيها تقرير في كليه هنسه وهنشوف بقي اخرتها معاهم ولو التقرير اتفبرك زي ما عملو مع ناس قبل كده هرفع قضيه عليهم ومش هسيب حقي لان كليه هنسه سعات الشركه بتظبطهم وبطلعو التقرير السياره بها عيب يمكن اصلاحه مع ان شركه تويوتا مش عارفه ولا هتعرف تصلح العيب ده اصلا

[wwaeel]

لا يوجد ضمان علي الفتيس اضافى الضمان الاضافى خدعه

[Veroman]

ازاى حضرتك بتقول الضمان الاضافى خدعة انا لسة كنت يوم الاتنين اللى فات فى التوكيل وقالولى الضمان سنتين و يبدا من اول ما اتركبت القطعة ؟؟ ممكن يكون بيضحك عليا مثلا ؟؟

[wwaeel]

الضمان علي القطعه الي اتغيرت فقط انما اي حاجه تحصل تاني في الفتيس علي حسابك وللاسف القطعه دي لما بتلخبط او بتبوظ بتاثر علي اجزاء اخري في الفتيس وانت الي بتتحملها بيستعبطو يعني من الاخر

[Veroman]

طيب و هل ممكن الفتيس دة يتغير كلة فى التوكيل و لو اتغير هيتكلف كام سواء مانيوال او اوتوماتك

[Veroman]

وبعدين عاوز اعرف هى ممكن تعطل منك كل ماتخرج مشوار ولا اية نظامها

[heshamelfawal]

يا حماعة انا ناوي اشتري كورولا (2008-2009) بس خايف من موضوع الفتيس ده فياريت اصحاب السيارة يوضحوا هل هو عيب قاتل ولا حاجة بتحصل كل سنة مرة...وهل لما يحصل لو تركت العربية تبرد 10 دقائق ومشيت بيها تاني يبقي مفيش مشكلة (يعني يمكن التعامل معه) ولا لوجه لازم اروح التوكيل....وما معدل تكراره.....ياريت نصيحة اخوية خصوصا اني لاقيت سعر الخليجي غالي عليا ولا اشوف حاجة تانية زي السيراتو او اللانسر شارك

[wolshtine]

مشكله في فتيس mmt

يا جماعه انا عندذ n error ده. العربيه مبتنقلش من ال n علي اي حاجه تان عاوز اعرف ايت اللي تم معاكو علشان انا خايف يقولولي انه استهلاك مش عيب صناعه وانا من اسوان يعني مشوار محترم افيدوني ارجوكم

[hanosh]

يا جماعه انا عندذ n error ده. العربيه مبتنقلش من ال n علي اي حاجه تان عاوز اعرف ايت اللي تم معاكو علشان انا خايف يقولولي انه استهلاك مش عيب صناعه وانا من اسوان يعني مشوار محترم افيدوني ارجوكم

اتصل بتويوتا ايجبت 16550 واحجز على التجمع وحيعملهوالك ان شاء الله انا لسا كنت عندهم من حوالى اسبوعين والدنيا تمام هناك ولو فى مشكلة ادخل على مدير مركز الخدمة الاستاذ مصطفى انسان محترم