ما هى مميزات و عيوب نفخ الكاوتشات بالنيتروجين و شوية أسئلة للافادة

[wrefay]

سؤال يا جماعة ما هى مميزات و عيوب نفخ الكاوتشات بالنيتروجين؟
و اعتقد ان 30 هيكون مناسب لية صيف و شتاء صح؟
وهل فى اى مشكلة لو كاوتش اتخرم و نفختة بالهواء لكن التلاتة الباقين يكون نيتروجين؟
و هل هيؤثر على ثبات العربية او اى شئ من هذا القبيل؟
و هل النيتروجين بؤثر على عمر الكاوتش؟
و هل لية علاقة سلبية على البئة او الصحة؟
وهل لو لاقيت العجلة نايمة شوية هل ينفع اذودها هواء عادى؟
و لو ينفع اعمل اية بعد كدة افضى العجل و املاة نيتروجين و لا ما فيش مشكلة انى امشى كدة؟
سؤال اخير كم سعر نفخ 4 عجلات؟

افتونا يا اهل العلم و لا تبخلوا علينا بعلمكم و لا تسخروا منا لجهلنا. و شكرا
اسألو اهل الذكران كنتم لا تعلمون (فيما معناة)

[remon_111]

السؤال الوحيد اللي اعرف اجابته هو سعر النفخ خمسه جنيه للكاوتش الواحد والاربعه بعشرين

[wrefay]

السؤال الوحيد اللي اعرف اجابته هو سعر النفخ خمسه جنيه للكاوتش الواحد والاربعه بعشرين

مشكور اخى للافادة على الاقل انت عارف اجابة سؤال واحد احسن منى انا مش عارف ولا اجابة منهم و ان شاء الله يطلع لنا ناس فهيمه تقولنا هندفع 20 جنيهة لية فى حاجة ممكن ندفع فيها جنية.

[shooter123]

لا يؤثر علي عمر الكاوتش ويمكنك اضافة فردة هواء عادي لكن عليك بتعديل الوضع قبل 100 كيلو واعادة الاربع فرد الي النتروجين
وهو ممتاز ( عن تجربة ) ويقلل من استهلاك البنزين ويزيد من ثبات السيارة ويقلل الشعور بالمطبات

[mohd79]

و اعتقد ان 30 هيكون مناسب لية صيف و شتاء صح؟

كل عربيه لها مقاس محدد مثلا الياريس 32

وهل فى اى مشكلة لو كاوتش اتخرم و نفختة بالهواء لكن التلاتة الباقين يكون نيتروجين؟

لازم لما تصلح الكاوتش تعيد نفخه بالنيتروجين لأن الكاوتش الي فيه هواء عادى الضغط بتاعه هيتغير ارتفاعا وانخفاضا حسب حرارة الجو عكس النيتروجين الي بيحافظ نسبيا على الضغط بتاعه مع فروق الحراره فلازم يكون ضغط الهواء ثابت في كاوتش العربيه كلها

و هل هيؤثر على ثبات العربية او اى شئ من هذا القبيل؟

لم الاحظ اي فرق في الثبات

و هل النيتروجين بؤثر على عمر الكاوتش؟

طبعا بيطيل عمره لأنه بيحتفظ بالضغط الهوائي ثابت لفتره من اسبوعين إلى ثلاثة اسابيع وبالتالي ضغط الهواء مبيقلش بسرعه خصوصا في الشتاء فبيطول عمر الكاوتش.
كمان بيطول عمر الجنط لأنه بيمنع تكون الصدا على الحنط من الداخل بسبب ان الهواء الجوي العادي قد يكون فيه بعض رزاز ماء وكذلك الأكسجين الي بيساعد على تكون الصداء داخل الجنط

و هل لية علاقة سلبية على البئة او الصحة؟

لأ لأن الهواء الجوي الذي نتنفسه بيحتوي على 78% نيتروجين

وهل لو لاقيت العجلة نايمة شوية هل ينفع اذودها هواء عادى؟
و لو ينفع اعمل اية بعد كدة افضى العجل و املاة نيتروجين و لا ما فيش مشكلة انى امشى كدة؟

لأ لو زودت هواء عادي على النيتروجين لازم تفضي العجله وترجع تملاها تاني.

سؤال اخير كم سعر نفخ 4 عجلات؟

20 جنيه للاربع عجلات

أهم عيب للنيتروجين عدم توافره في أماكن كثيره بس أنا مظبط نفسي كل اسبوعين أعدي على بردجيستون واظبط ولو عجله فيها مشكله بركب الاستبن وبعد مصلحها املاها نيتروجين تاني.