التكييف بيقطّع

[fighter_ss11v]

ازيكم يا شباب تويوتا

في مشكلة عندي في التكييف ومش عارف هل هو عيب ولا شئ طبيعي
ولو عيب يكون ايه المطلوب

لما بشغل التكييف سواء والعربية واقفة او ماشية بسمع صوت كده (انا عارف انه صوت التكييف الطبيعي لاني بسمعه من ساعة ما جبت العربية) الصوت بتاع التكييف ده بقة بيجي وبيروح بيجي وبيروح
(المفروض اني لما اشغل التكييف يفضل موجود على طول)
الصوت تقريبا بتاع الكمبريسور وبينضاف لصوت الموتور لما التكييف يشتغل

امبارح الظهر الجو كان حر وكنت مشغل العربية (والموتور كان في حرارته الطبيعية) فشغلت المكيف لقيت الصوت بيروح وبيجي بشغل غبي فدوست بنزين شوية فاستمر فترة بصورة مستمرة
وبعدها قعد يقطع تاني

ملحوظة:
العربية كانت مرفوعة لمدة سنة وست شهور ولسة مكشفتش على المكيف لانه بيبرد ده غير اني قولت استنى للصيف علشان اشوفه هيعمل ايه

ايه الحل
اصلي قلقان قوي من الموضوع ده
يا ريت تطمنوني
اصل في قسم الورشة بيبقو متعبين شوية لحد ما ناخد الخبر اليقين فعملت موضوع تاني هنا لعل وعسى اطمئن

[ahmedhee]

ازيكم يا شباب تويوتا

في مشكلة عندي في التكييف ومش عارف هل هو عيب ولا شئ طبيعي
ولو عيب يكون ايه المطلوب

لما بشغل التكييف سواء والعربية واقفة او ماشية بسمع صوت كده (انا عارف انه صوت التكييف الطبيعي لاني بسمعه من ساعة ما جبت العربية) الصوت بتاع التكييف ده بقة بيجي وبيروح بيجي وبيروح
(المفروض اني لما اشغل التكييف يفضل موجود على طول)
الصوت تقريبا بتاع الكمبريسور وبينضاف لصوت الموتور لما التكييف يشتغل

امبارح الظهر الجو كان حر وكنت مشغل العربية (والموتور كان في حرارته الطبيعية) فشغلت المكيف لقيت الصوت بيروح وبيجي بشغل غبي فدوست بنزين شوية فاستمر فترة بصورة مستمرة
وبعدها قعد يقطع تاني

ملحوظة:
العربية كانت مرفوعة لمدة سنة وست شهور ولسة مكشفتش على المكيف لانه بيبرد ده غير اني قولت استنى للصيف علشان اشوفه هيعمل ايه

ايه الحل
اصلي قلقان قوي من الموضوع ده
يا ريت تطمنوني
اصل في قسم الورشة بيبقو متعبين شوية لحد ما ناخد الخبر اليقين فعملت موضوع تاني هنا لعل وعسى اطمئن

=============================

قبل ما تجرب حاجه حاول تجربتظيف السياره . خصوصا الجزء حول الثلاجة و السربتينة.و مجري الهواء لان غالبا حيكون في شوية عوالق من الركنة
و استنا شويه كدا لان في حاجات حتكون عندك من الركنة(ترسبات حول قطع السيارة المختلفة) واذا كان كدا اسبوع و تلاقيها راحت لوحدها

[د.محمود صلاح]

أكيد الغاز سرب ,, المطلوب انك تراجع على الوصلات والأويل سيل والفريون عند ورشة تكييف

[Mahmoud Mosaad]

على فكرة أنا معايا الكورولا ٢٠٠٠ اللي هي الرموش والتكييف بيعمل كدة من أول مجبتها بس كان بيشتغل وبيفصل بسرعة أوي أنا عرف إنه المفروض إنه يفصل ويشتغل بس مش بالسرعة اللي كان بيعملها عندي لكن هي سفرية واحدة بعد ما اشتريت العربية لحد شرم الشيخ كدة حاجة بسيطة يعني وبعدها إتظبط
وباءة زي الفل
بس الطبيعي إنه يفصل ويشتغل تاني بس مش بسرعة أوي وعلى حسب سرعة المروحة لأن السنسور بتاع الكومبرسور بيشتغل على ضغط الفريون على ما أعتقد ولاحظت كمان ف أول ما ضغط الفريون يقل يفصل ود معناه أما بيقل إنه مبيسحبش حرارة من العربية يعني الحرارة بأت قليلة فبيفصل لكن لو فصل أبل ما الحرارة جوا العربية تبئة كويسة يبقى ضغط الفريون ناس شوية ومحتاج شحن زيادة .
والله أعلم .

[Samir Elshahawy]

سيدي الفاضل ..

احتمال كبير أن التكييف يكون بيفصل نتيجة للأتي :
1- نقص غاز الفريون :
و لكن ده ها يصحبه عدم تبريد و أحساس بحرارة الجو

2- انخفاض كفاءة التبادل الحراري :
و ده نتيجة لوجود اتربة علي السربنتينة أو المواسير تمنع عملية التبادل الحراري و تبريد غاز الفريون و برضه هاتشعر بأرتفاع حرارة الجو

3- خلل في دائرة الكونترول :
نتيجة لوجود خلل بالدائرة او الحساسات بتحدث عملية فصل الضاغط و تشغيله و في الحالة دي أنصحك ماتشغلش التكييف تاني و اطلع علي طول علي التوكيل أو أقرب مركز خدمة يكون كويس يكشف لك علي التكييف و الدائرة

برضه ياريت تجرب الاول انك تغسل الموتور و الردياتير و تنفضه بالهوا قبل ماتروح التوكيل لو العيب ده زال يبقي خلاص لكن انا افضل أنك تروح التوكيل للأطمئنان و الابتعاد عن فتاوي الصنايعية و الورش

مع خالص تحياتي
م/ سمير الشهاوي

[fighter_ss11v]

هو اوقات بيفصل واوقات لأ يا شباب تويوتا

ولكن في بعض الاحوال بيعمل زي ما الاستاذ
اليوم, 08:24 PM #4 mahmos2000

mahmos2000
بيقول و ان شاء الله هبقى اكشف عليه بقة


بس هو موضوع بسيط مش كده؟
اليوم, 08:24 PM #4 mahmos2000

اليوم, 08:24 PM #4 mahmos2000

[fighter_ss11v]

ملحوظة

التكييف بيبرد معقول ولو ركزت الهوا على وشي مدة طويلة بسقع
يعني نقدر نقول ان اداءه متوسط او فوق المتوسط

[mr_sameh]

انا كان عندي حاجه زي كده روحت لواحد كهربائي فك فيشه الكمبروسر ورش عليها اسبراي منظف وظبط بعدها علي طول جرب كده

[momran]

عربيتك نوعها ايه و موديل كام؟

[elsherif_2000]

تقريبا الفريون اتسرب

[fighter_ss11v]

شكرا يا شباب

يعني خير ان شاء الله الموضوع مش كبير

هوافيكم باخر الاخبار بس لما اخف ان شاء الله
(عندي التهاب كبدي وبائي أ والكبد هو اللي بيقطع دلوقتي مش التكييف خخخخ)

وشكرا لكل من شارك
(للاخ او الاخت اللي بتسأل العربية نوعها كورولا 99 عيون)

[mr_sameh]

عربيتك نوعها ايه و موديل كام؟

كورولا 94

[labibread]

ممكن مفتاح التكييف فى التابلوة عايز تنظف اطرافه

[Nile Heart]

الكومبريسور هايبوظ قريب خللى بالك والله ده بالضبط اللى حصل معايا من 3 اشهر

روح راجع دورة الكهرباء اولا.. ثم اعمل صيانه شامله لدورة التكييف بالكاامل
وربنا يكرمك