لمبة الحساس بتاع الحزام مجنناني

[Waleed77]

يا خبراء الكورولا افيدوني افادكم الله
انا عندي تويوتا كورولا موديل 2008 و لمبة الحزام مجنناني ركبته او لأ ما بتتطفيش و تقعد تصفر على طول لما العربية تبتدي تتحرك لمدة حوالى 10 ثواني و بعد كده بتقعد تدي ومضات في التابلوه و مش عارف اعالجها قولوى اعمل ايه لو سمحتم

[ahmedhee]

عقبال لما تصلحها في التوكيل
جرب الطريقةدي

http://www.nilemotors.net/Nile/133462-a.html

.

[BLOODY_STONE]

ممكن تربط الحزام و تلفه من ضهر الكرسي !

[Waleed77]

شكراً يا جماعة على مساعدتكم بس انا كده كده سواء ركبته او لأ بتقعد تصفر و تدي ومضات يا تري ليه قولولي

[sigma]

خد بالك لإن ممكن تكون بتصفر على الكرسى المجاور لكرسى السائق!!
بمعنى إن لو معاك شنطه مثلا وحطيطها على الكرسى المجاور للسائق الحساس حيعتبرها راكب قاعد بدون حزام

[د.محمود صلاح]

جربت تزقها كويس في المكان اللي بتركب فيه ؟ الريشة ممكن تكون معلقة

[Dr. Elsaadani]

خد بالك لإن ممكن تكون بتصفر على الكرسى المجاور لكرسى السائق!!
بمعنى إن لو معاك شنطه مثلا وحطيطها على الكرسى المجاور للسائق الحساس حيعتبرها راكب قاعد بدون حزام

مضبوط كده

اغلب الظن انها بتصفر بسبب الكرسى اللى جنبك لانك حاطط عليه حاجات

جرب تفضيه وقول لنا ايه الاخبار

[Waleed77]

مضبوط كده

اغلب الظن انها بتصفر بسبب الكرسى اللى جنبك لانك حاطط عليه حاجات

جرب تفضيه وقول لنا ايه الاخبار

شكراً يا اصدقائي على النصايح اللى بتقلوها بشأن الموضوع ده بس اللى جنبي ليه لمبة تانيه لوحدها و بتحس بيه لما يركب الحزام و كله تمام مافيهاش مشكلة المشكلة معايه انا في الكرسي بتاعي بس سواء مستخدم الحزام ام لا