معدل استهلاك البنزين فى الياريس ...

[myself112]

عايز اعرف معدل استهلاك البنزين لتويوتا ياريس ....... يعنى لو حد حسبه يقولنا , علشان نعرف المتوسط كام .

[Samir Elshahawy]

شوف حضرتك ...

أنا هأقولك علي حساباتي من واقع سفري بالعربية داذما :
- سعة الخزان 42 لتر
- متوسط المسافة المقطوعة ذهابا و أيابا = 520 كم
- كمية البنزين المستهلك في عملية أعادة التفويل = 48 لتر

من خلال هذا ..
متوسط الاستهلاك = 520 كم / 48 لتر = 10.8 كم / لتر

مع ملاحظة الاتي :
- متوسط سرعاتي أثناء السفر : (120 - 140) كم/ساعة
- متوسط عدد لفات المحرك : (3000 - 4500) لفة/دقيقة
- التكييف : يعمل طوال الرحلة ذهابا و عودة
- الحمولة : أنا فقط
- الطريق : القاهرة / بورسعيد / دمياط و العكس
- مقاومة الهواء : شديدة أحيانا في رحلة الذهاب و من متوسطة الي خفيفة أثناء العودة ليلا
- حالة الاطارات : جيدة جدا (بنسبة 85 %)
- العربية : أوتوماتيك موديل 2008

طبعا السرعات اللي ذكرتها سرعات غير أقتصادية و لكن أعتقد أن في السرعات الاقل (90 - 100) كم/ساعة سيكون الاستهلاك أقل بكثير و لكني لم أجرب السفر علي هذه السرعات بشكل فعلي


مع خالص تحياتي
م/ سمير الشهاوي

[a7mode]

التفويله بتكفى للمشى مسافه حوالى 420 كيلو داخل البلد.. دا من التفويل لحد ما توصل لاول شرطه فى التانك وطبعآ حيكون لسه فاضل الشرطه الاخيره حتمشى معاك شويه بردو بس بلاش توصل العربيه للشرطه الاولى

[Samir Elshahawy]

التفويله بتكفى للمشى مسافه حوالى 420 كيلو داخل البلد.. دا من التفويل لحد ما توصل لاول شرطه فى التانك وطبعآ حيكون لسه فاضل الشرطه الاخيره حتمشى معاك شويه بردو بس بلاش توصل العربيه للشرطه الاولى

الشرطة تقريبا بتعمل 70 كم و كل شرطة = 5 لتر

بس يفضل تعيد ملو التانك قبل الثلث الاخير يعني تقريبا عند الشرطة الثالثة

[myself112]

شكرا يا جماعة على المشاركة .......

بس معلش يا باشمهندس سمير الحته دى مش فاهمها ... يعنى ايه ؟

- كمية البنزين المستهلك في عملية أعادة التفويل = 48 لتر

[ابوشريف]

عربيتى 2008 مانيوال

بتعمل فى السفر من 340الى 360 كيلو

وداخل المدينه من 290 الى 310

هذا مع تشغيل التكييف فى اوقات الظهيره فقط

يعنى اعتبر تشغيل التكييف فى نصف المسافه فقط

وبستخدم بنزين 90

كنت بستخدم 92 لكن لاحظت ان 90 آداء افضل

بصراحه مريحانى جدا فى استهلاك البنزين

[Samir Elshahawy]

- كمية البنزين المستهلك في عملية أعادة التفويل = 48 لتر

شوف حضرتك ..
أنا بأفول التانك يعني 8 شرط = 42 لتر

و لما بأعمل اللفة اللي قولت لحضرتك عليها و بأرجع أفول تاني بتكون علي الشرطة الاخيرة و بتدي فلاشر
في الحالة دي بتاخد 38 لتر

معلش غلطت في الرقم بدل ما أقول 38 قولت 48 لأن كان معايا عربية تانية كانت بتأخد حوالي 52 لتر
أسف علي الغلطة دي

[mohd79]

بتعمل في الصفيحه (20 لتر)
- داخل المدينه: 260- 280 كم
- السفر: 300 - 320 كم

وعلى فكره أول شرطه بتختفي بعد 7 لتر وبعد كده كل شرطه 5 لتر

[alisleman]

يا جماعه داخل المدينه بيختلف لو العربيه عملت 350 كيلو فى التفويله يبقى كتر خيرها قوى وانتا كمان كدة موقفتيش فى اشارات كتير لكن فى السفر انا الشرطه الواحدة ممكن تعمل معايا من 70 الى 80 كيلو يعنى 5 لتر

[dode2002]

اخر مشوار الجمعه الماضيه طنطا الاسكندريه الكيلو 21 ولف داخل النخيل والعوده من الكيلو 21 الي طنطا العربيه اخذت 20 لتر يعني صفيحه مش فاكر كام كيلو بالتحديد بس تقريبا من 250 كيلو الي 300
السرعه كانت من 90 الي 120 الحموله 2 فرد

[asemx1]

تمااااااام على المواضيع المفيده دى
اقول انا استهلاكى بقى
1- مع بنزين 92 بيوووور بتعمل متوسط 70 كيلو فى الشرطه ال 5 لتر خارج المدينه
2- مع بنزين 90 السحب يقل حبه صغننه بس تعمل 75 كيلو خارج المدينه
3-مع خليط 1 الى 1 من بنزين 90 و 80 السحب يقل حبتين بس تعمل من 80 الى 85 كيلو فى ال شرطه ال 5 لتر
وبصراحه برتاح فى الخليط دا علشان سحب العربيه فى الطلعات بيبقى صعب حبتين لدرجه انى كذا مره اخبط بسبب كدا ومش بعرف اركن براحت بسبب السحب دا

[sa3dawy]

اولا الاوتو بتفرق عن المانوال يعنى الاوتوماتيك بتستهلك زيادة

انا عندى اوتوماتيك

جوه البلد زى المنصورة مفيش فيها اى طريق تفتح فيها
الصفيحة بتعمل حوالى 240 كيلو

لكن على الطريق الصفيحة لم تقل عن 350 كيلو مع قيادة متوسطة لا هادية ولا رياضية .

عموما الياريس من افضل السيارات فى العالم فى استهلاك البنزين
ودا بشهادة الاجانب ومواقع عديدة اجنبية شهيرة

طبعا دا بغض النظر عن السيارات الهجينة

مع الوضع فى الاعتبار ان الياريس نازله من 2006 يعنى كويس اوى انها كده

فما بالكم بالجيل القادم فى 2011 انا سمعت انه هيكون ثورة فى استهلاك البنزين وهيبقى فى منه هجين .

وفى النهاية اسلوب القيادة بيفرق كتير جدا فى المسالة دى
والار بى ام هو الى بيحدد استهلاك البنزين .

[asemx1]

اولا الاوتو بتفرق عن المانوال يعنى الاوتوماتيك بتستهلك زيادة

انا عندى اوتوماتيك

جوه البلد زى المنصورة مفيش فيها اى طريق تفتح فيها
الصفيحة بتعمل حوالى 240 كيلو

لكن على الطريق الصفيحة لم تقل عن 350 كيلو مع قيادة متوسطة لا هادية ولا رياضية .

عموما الياريس من افضل السيارات فى العالم فى استهلاك البنزين
ودا بشهادة الاجانب ومواقع عديدة اجنبية شهيرة

طبعا دا بغض النظر عن السيارات الهجينة

مع الوضع فى الاعتبار ان الياريس نازله من 2006 يعنى كويس اوى انها كده

فما بالكم بالجيل القادم فى 2011 انا سمعت انه هيكون ثورة فى استهلاك البنزين وهيبقى فى منه هجين .

وفى النهاية اسلوب القيادة بيفرق كتير جدا فى المسالة دى
والار بى ام هو الى بيحدد استهلاك البنزين .

ياعينى ياعينى عليك والله شاعر فى كلامك هههههههه
على فكره انا من المنصوره برضو يا باشا واكيد يارستك لونها فيرانى حاسس انى بشوفك كتير مش كدا ؟

[ahmedyaris]

يا جماع المفروض كل شرطه 5 لتر لكن ده مش صحيح لان التانك مش اسطوانى بيختلف يعنى تانى شرطه من فوق مش زى بقية الشرط اللى تحتها افضل شئ تفول وبعدين تسافر مع تصفير العداد طبعا وبعدين تفول تانى وتشوف خدت اديه

[KiNgMaX]

جوه البلد اقصى استهلاك 8 لتر / 100 كم مع الوقوف والتكييف
فى السفر اقل استهلاك 6 لتر / 100 كم على سرعة 90 او 100
8-9 لتر / 100 كم سرعات 160 او اعلى
ايوه الرقم صحيح 160 الى 190
مع العلم انى غاوى حرق وشد وقرص على الغيارات دايما