لمبة الabs بتنور فى الياريس ......

[myself112]

من يومين كده و انا ماشى لمبة ال abs مرة واحدة كده لاقيتها نورت , المهم ركنت وبطلت العربية و دورت تانى لاقيتها اطفت , قولت خير و كملت طريقى ...
النهاردة برده و انا ماشى كده لاقيتها نورت تانى , عملت نفس الى عملته اول مرة و برده اطفت ...
ده بيحصل ليه ؟؟؟ و ايه حله ؟

يا ريت يا جماعة لو حد حصل معاه الحوار ده او يعرف حاجة عنه يقولى اعمل ايه ...؟ و يا ريت لو حد يعرف اى مركز معتمد او حد بيفهم فى المنصورة , يقولى عليه علشان اوديله العربيه يشوفها ...

[Samir Elshahawy]

ياريت حضرتك تقول العربية عاملة كام كيلومتر

أعتقد أن ده أنذار مبدئي للتذكير بموعد تغيير التيل

بس عموما أكشف علي التالي :
- مستوي زيت الفرامل
- حالة التيل

و لكني انصحك بالاتي فورا :
- الذهاب الي أقرب وكيل أو مركز خدمة معتمد لتويوتا
- يفضل عدم السير بسرعات عالية لأن من الممكن أن تفقد السيارة أتزانها في حالة استخدام الفرامل بشكل مفاجئ

مع خالص تحياتي
م/ سمير الشهاوي

[myself112]

ياريت حضرتك تقول العربية عاملة كام كيلومتر

أعتقد أن ده أنذار مبدئي للتذكير بموعد تغيير التيل

بس عموما أكشف علي التالي :
- مستوي زيت الفرامل
- حالة التيل

و لكني انصحك بالاتي فورا :
- الذهاب الي أقرب وكيل أو مركز خدمة معتمد لتويوتا
- يفضل عدم السير بسرعات عالية لأن من الممكن أن تفقد السيارة أتزانها في حالة استخدام الفرامل بشكل مفاجئ

مع خالص تحياتي
م/ سمير الشهاوي

متشكر جداا يا باشمهندس , ربنا يخليك دائما كده بتفدنى بخبرتك ....
عموما هروح النهاردة اكشف على التيل وربنا يقدم الى فيه الخير .
و يا ريت لو حد يعرف حد كويس او مركز الخدمة المعتمد بتاع المنصورة عنوانه ايه يا ريت يقولى ...

و شكرا ليك مرة تانية يا باشمهندس سمير .

[Samir Elshahawy]

انا عملت بحث علي موقع "تويوتا" بمصر من خلال اللينك ده :
Toyota - Dealerfinder
ووجدت الاتي :

وكيل "تويوتا" بالمنصورة :

[Samir Elshahawy]

معلش مش عارف المشاركة اللي فاتت نصها طار ليه
عموما أنا هأكتب لحضرتك أرقام التليفونات اللي وجدتها لوكلاء تويوتا كالاتي :

(1).. بالمنصورة :
050-2223292

(2).. بدمياط :
057-362791

(3).. ببورسعيد :
066-3777322
066-3777355

و علي فكرة هو ده اللي فيه مركز خدمة اما اللي في المنصورة و دمياط فموزع قطع غيار معتمد

مع خالص تحياتي
م/ سمير الشهاوي

[asemx1]

باشا
لو انتا من المنصوره بلاش شغل التوكيلات والكلام دا روح لعفشجى اسمه ايمن راجح موجود فى سكه سندوب
وب10 جنيه خليه يغيرلك التيول ويكشفلك على العيب دا بكل بساطه انا بعد ما تجيب التيل الاصلى من الخضرى لان انا مش مرتاح للتوكيلات وقطع الغيار بتاعتهم دى
وياريت تقولنا دا كان مشكله ايه ؟

[myself112]

شكرا يا جماعة , ربنا يجازيكوا كل خير .......
و شكر خاص للباشمهندس سمير الى بيتعب معايا جامد .

[myself112]

باشا
لو انتا من المنصوره بلاش شغل التوكيلات والكلام دا روح لعفشجى اسمه ايمن راجح موجود فى سكه سندوب
وب10 جنيه خليه يغيرلك التيول ويكشفلك على العيب دا بكل بساطه انا بعد ما تجيب التيل الاصلى من الخضرى لان انا مش مرتاح للتوكيلات وقطع الغيار بتاعتهم دى
وياريت تقولنا دا كان مشكله ايه ؟

شكرا جداااا يا باشا .
بس ممكن اعرف هو العفشجى ده مكانه فين بالضبط فى سكه سندوب , و يا ريت لو حضرتك تعرف ثمن التيل الاصلى بكام ..

و متشكر لحضرتك مرة تانية ....

[asemx1]

بص يا بوب ادخل سكه سندوب قبل الكبرى بتاع المرور هتلاقى طريق مسفلت كدا حلو لحد نصه وبعدها تكمل حبه لحد ما تلاقى تقاطع كدا كمل على طول ملكش دعوه هتلاقى الطريق بقى تراب كدا امشى حبه عليه هوا على شمالك هيبان اوى من منظره عنده مجزره عربيات كتير هههه
اسال هناك لو مش لقيته اسمه ايمن راجح ولو عايز تظبط زوايا عند احسن واحد اسمه عصام ابو حطب قبله على طول
بص ادى رقمى اهو اول ما تطلع تروحله كلمنى وانا هوصفلك الطريق 0114441014
وتمن التيل بصراحه معرفش بس اشتريه من عند الخضرى الى ادام عوضالله الجديد
بس قولى عربيتك عامله كام كيلو الاول قبل ما تغير التيل

[احمد فهمى]

من يومين كده و انا ماشى لمبة ال abs مرة واحدة كده لاقيتها نورت , المهم ركنت وبطلت العربية و دورت تانى لاقيتها اطفت , قولت خير و كملت طريقى ...
النهاردة برده و انا ماشى كده لاقيتها نورت تانى :h_angry[1]:, عملت نفس الى عملته اول مرة و برده اطفت ...
ده بيحصل ليه ؟؟؟ و ايه حله ؟

يا ريت يا جماعة لو حد حصل معاه الحوار ده او يعرف حاجة عنه يقولى اعمل ايه ...؟ و يا ريت لو حد يعرف اى مركز معتمد او حد بيفهم فى المنصورة , يقولى عليه علشان اوديله العربيه يشوفها ...

لازم تغير زيت الفرامل كل 15000 كيلو على الأقل وتنزل القديم كله وتكشف على حساسان العجل ممكن هليها طين او حاجه وربنا معاك