تركيب Xenon فى توكيل تويوتا أبو رواش

[MohSalah]

أنا لسه جايب عربيه كورولا 1600 جديدة من أبو رواش من شهرين كده و رحت عملت صيانة الـ1000 KM هناك وكانوا منظمين.

أنا شوقت عندهم فى قسم الاكسسوارات لمبات Xenon من نوع HID اذا مكونتش فاكر الاسم غلط.

عايز حد جربها يئولى ايه اخباره وحيعمل فرق مع الاضاءة للعربية ولا ايه و اذا كان التوكيل كويس فى الحاجات دى .

سعره كان حوالى 1200LE .

[Abdallah]

انت تقدر تجيب الزينون من عند اى حد مش لازم من التوكيل وانا انصحك بالالمانى وابعد عن الكورى والصينى وبيعمل من 1850 الى 1450 عالى و واطى وعالى بس بيعمل من 1450 الى 1200 وطبعا بيفرق كتير جدا فى اضاءة السيارة وتقدر تشوف الموضوع الى كنت عامله قبل كدة فى قسم التعديلات عن الزينون وهتعرف الفرق, لكن فى نقطة لازم تعرفها وهى انك لما تشترى الزينون متغلوش عمال على بطال لان اللمبات ليها عدد ساعات معين بتشتغلها وبعد كدة بتبدى تضعف وسعر اللمبة الواحد من 250 الى 400 جنيه فى العالى والواطى.

[Karim_Monir]

باشمهندس محمد ازيك يا باشا ومبروك عليك الكرولا
ربنا يديك خيرها ويكفيك شرها
شوف ابعد عن التوكيل في التركيب ده لانه هايبقي غالي موووت
ال HID هو اللي انا مركبة عندي
وغالبا هايركب عندك واطي وعالي في لمبة واحدة
انا كنت مركبة ب 2000
دلوقتي ممكن يكون ب 1800
وده نوع ممتاز عن تجربة اكتر من 8 شهور واكيد انت شوفتة بنفسك في عربيتي
اما عن الالماني الاصلي ده بيبدأ من 6500 جنية لغاية 15 الف
لكن ال HID Plus ده كوري
والوكيل بتاعة في الرحاب
وفي ناس بتركبة في شارع دمشق وانا عارف واحد ممتاز وموزع معتمد للنوع ده
خد بالك ان في نوع تاني اسمه HID مضروب مش بعدبة بلس
ده وحش جدا ومن غير ضمان ولو حصل اي حاجة فيه يقولك عيب يوزر
لكن اللي انا مركبة ضمانة محترم سنة كاملة علي الجهاز واللمبات كمان
مساء الفل

[MohSalah]

مساء الجمال يا كيمو
الله يبارك فيك و يوفقك فى اختيارك الجديد إن شاء الله.
بص يا باشا العلبة اللى أنا شوفتها هناك كان مكتوب عليها HID PLUS علبة كده بيضا مع سماوى.
كان فبه شركة فى معرض أوتوماك السنة اللى فاتت عارضينه هناك أظن ده كان الوكيل بتاعها.
المهم أنا الفانوس بتاعى فيه 2 لمبه واحد واطى و واحد عالى.
اللى أنا خايف منه أن ساعات ناس تركب Xenon والنور أزرق وبس من غير تركيز على الأرض قدامك.
با ترى فانوس الكورولا حيساعد فى كده ولا إيه.

[Karim_Monir]

هيا دي اللي انا مركبها
اقولك انت مركب تركب زينون واطي بس عشان لما تحب ترعش ترعش براحتك علي الطريق من غير ما تستني لحد ما الزينون يفتح
الواطي بس ممكن يعمل 1400 تقريبا
وبالنسبة لفرش النور ده انت بتتحكم في الرجلاش بتاعة من الفانوس نفسة
توطية تضربة في الارض او ترفعة فوق
بس هو ميزة الزينون كمان انه بيفرش
يعني بيجيب من الجنب للجنب التاني

صباح الفل
وعموما انا اونلاين علي السيم تايم لو في حاجة

[fighter_ss11v]

طيب العربيات الهاي لاين فيها زينون

ده نظامه ايه؟

[fighter_ss11v]

طيب العربيات الهاي لاين فيها زينون

ده نظامه ايه؟

بما ان محدش رد


انا هرد لاني اتصلت بالتوكيل


كورولا الهاي لاين الزينون بتاعها واطي!!
مش عارف لزمته ايه
ما كان يكون عالي احسن

[omar91119]

مفيش منه عالى ولا ايه

[KoDaK_Gti]

يااااااااااااااه الموضوع من سنتين ونص