يا جماعه ساعدوني بسرعه ارجوكم

[midotefa11]

انا معايا كورولا 2006 اتوماتيك في زرار اسمو shift lock دوست عليه بالغلط وعرفش ده بتاع ايه بس من ساعه ما دوست عليه و هو في صوت تاكه كده كل ما ادوس فرامل والفتيس على ال p ايه الحل عشان الصوت ده يروح متشكر يا جماعه و مستني ردودكم

[Samir Elshahawy]

زر ال shift lock بيستخدم في حالة أذا لم تتمكن من نقل ذراع ناقل الحركة من الوضع p الي أوضاع أخري بالرغم من ضغط دواسة الانتظار

الزر ده بيقوم بتحرير قفل ذراع ناقل الحركة في وضع الانتظار
علشان كده بتسمع صوت التكة دي كل ماتدوس فرامل لأن وضع القفل مش موجود و الذراع متحرر

جرب تدوس عليه تاني و الذراع في وضع n و بعدين أنقل الذراع الي الوضع p أثناء ضغط الزر ده (يعني عكس اللي عملته قبل كده)

مع خالص تحياتي
م/ سمير الشهاوي

[midotefa11]

انا عملت الي حضرتك قولت عليه و برضو لسه في التكه دي

[mr_sameh]

راجع الكتالوج بتاع العربيه

[Samir Elshahawy]

معلش هو حضرتك دوست عليه ازاي ؟؟
- و العربية واقفة ؟؟
- و العربية شغالة ؟؟
- و هل كنت دايس علي الفرامل في نفس اللحظة ؟؟
- هل الفتيس بينقل معاك دلوقتي من وضع الانتظار الي أي وضع دون الضغط علي دواسة الفرامل ؟؟

[midotefa11]

انا جربت كل حاجه و برده التكه لسه زي ما هي انا عملتو والعربيه كانت ماشيه و كنتش دايس فرامل

[BLOODY_STONE]

التكة دي طبيعية .. دي لما العربية تبقى على ال p عشان متزحلقش او تتحرك و هي عال p

[Samir Elshahawy]

التكة دي طبيعية .. دي لما العربية تبقى على ال p عشان متزحلقش او تتحرك و هي عال p

التكة دي بتسمعها لما تجيب الفتيس علي الوضع p و تشيل رجلك من علي دواسة الفرامل و تحس أن العربية أتحركت سنة لقدام أو لورا لو واقف علي أرض مايلة

ده طبيعي لأن كده معناه أن نظام القفل أشتغل الي وضع الاغلاق


أستاذ / ميدو ..

بصراحة انا بحثت كتير في الموضوع ده و لم أجد مشكلة مماثلة لمشكلتك و بصراحة لا أعرف أذا كان هناك مشكلة أم لا, عموما عايزك تجرب حاجة أخيرة و تقولي النتيجة أيه
بس يا ريت حضرتك تجاوب علي كل سؤال من دول علي حدة :

(1).. في حالة أذا كان المفتاح علي الوضع on ,هل من الممكن تحريك الفتيس من الوضع p ؟
(2).. في حالة و المفتاح علي الوضع on , هل ممكن تحريك الفتيس من الوضع p مع الضغط علي دواسة الفرامل ؟
(3).. في حالة اذا ما كان الفتيس خارج الوضع p (أي أنه في أي وضع أخر و ليكن n) هل من الممكن لف المفتاح الي الوضع lock و اخراج المفتاح ؟
(4).. في حالة وضع الفتيس علي الوضع p مرة أخري , هل يمكن وضع المفتاح علي وضع lock و أخراجه ؟

أذا كانت الاجابة عن كل هذه الاسئلة بنعم , فليس هناك أي مشكلة سيدي الفاضل و لاداعي للقلق

مع خالص تحياتي
م/ سمير الشهاوي

[Ahmed206]

التكة دي طبيعي
this is the shift lock lever
we can apply some kind of greace but it will come back