دبرياج ياريس 2007

[ahmed_hafez2001]

السلام عليكم ،،

انا عندى عربية ياريس 2007 عاملة 40000 كم من فترة وبحس إن فى حاجة فى الدبرياج او الإسطوانة أيهما والله اعلم.وسمعت من ناس إن الموديل ده فيه عيب فى الجزء ده.وانا مازلت داخل الضمان.
هل الضمانة الأن تغطى هذا العيب أم لأ.
أرجو الرد سريعا مع الشكر والتقدير....
شكرا....

[ابوشريف]

اذا كنت شارى العربيه بعد منتصف 2007 وطالما مشيت 40000

اذن انت داخل الضمان وتلحق تغيرهم فى الضمان

اما لو قبل ذلك اعتقد انتهت فترة ال 3 سنوات

وعيب اسطوانة الدبرياج كان منتشر فى موديل 2006

على العموم زور التوكيل فى اسرع وقت

وان شاء الله تكون حاجه بسيطه

[Ahmed Galal]

هيا بتاكل دبرياج بسرعة مش عارف ليه و لازم تدوس على الدواسة للاخر و تفعصها و ما يكونش حاجة بتحوشها زى فرش الارضية على العموم اطلع على التوكيل و ان شاء الله خير

[almeya]

الكلام دة غلط الدبياش مفهوش عيوب

[KiNgMaX]

فعلا الدبرياج فيه مشكلة انا برضه 2007 وغيرته مرة عند 10000 ودلوقتى محتاج يتغير تانى وانا عامل 65000 كم
بس المشكلة انهم مش راضيين يغيروه تانى وبيقولو هو كده استهلك مع العلم انى اشتكيت منه كذا مرة قبل كده وفى شكوى متسجلة عند ال 40000 كم

[محمد ابراهيم 1]

الدربياج كان فيه عيب صناعه فى موديلات 2006 و 2007 والتوكيل كان بيتعامل فى الموضوع ده بشكل كويس وكانوا بيغيروا الطقم كله فى الضمان

[KiNgMaX]

طيب ياريت حد يفيدنى فى عملية التغيير للمرة التانية هل ده فيه مشكلة او ماينفعش اغير مرتين فى الضمان
انا عامل مشكلة معاهم
من ساعة اخر صيانة الى زى الزفت فى فرع مارينا الساحل الشمالى

[Khalid_Mostafa]

طيب ياريت حد يفيدنى فى عملية التغيير للمرة التانية هل ده فيه مشكلة او ماينفعش اغير مرتين فى الضمان
انا عامل مشكلة معاهم
من ساعة اخر صيانة الى زى الزفت فى فرع مارينا الساحل الشمالى

شباب ...انا مهتم بمعلومة ان فيه عيب في دبرياج الياريس في موديلات 2006 و 2007

انا معايا 2006 وحاسس ان فيه مشكله في الدبرياج بالفعل....عايز اتأكد إذا كان ده عادي و لا المشكله المشار اليها ...يا ريت حد يوصف العيب ده كانت اعراضه ايه ؟؟؟

انا عندي العربية بتترج عند السرعات البطيئة و بتنتش بين النقلات وكنت فاكر ان الدبرياج عايز يترجلش بس