كيفية عمل المفتاح الذكى بتاع الكورولا

[TemTem1]

معلش انا لسة جايب العربية و عند قلق من المفتاح دة ازاى اضمن ان العربية مقفولة من غير محد يقدر يفتحها مع العلم لم اقرب من العربية من مسافة 2 او 3 متر ممكن اى حد يفتح الباب و لم انزل من العربية بدوس على الزار اللى فى الباب يقفل العربية و بعدين اشد الاكرة بلاقى انها قفلت بس لو شديت الاكرة مرة تانية يفتح على طول
انا عاوز اقفل متفتحش تانى اللى لو ظغطت على الرموت مش اول مقرب تفتح

وشكرا مقدما لكل اللى هيرد و يحل المشكلة دية لحد مروح للتوكيل فى صيانة 1000 انشاء الله

[د.محمود صلاح]

الباب يقفل العربية و بعدين اشد الاكرة بلاقى انها قفلت بس لو شديت الاكرة مرة تانية يفتح على طول
انا عاوز اقفل متفتحش تانى اللى لو ظغطت على الرموت مش اول مقرب تفتح

مبروك العربية وهو ده نظام السمارت كي ,, ممكن تسيب السمارت كي في حنة بعيدة وتجرب فتح وقفل الأبواب هتلاقيها اتقفلت معاك

[mohamed Gamal]

متقلقش العربية مش ممكن تتفتح غير لو كان المفتاح في range متر واحد
وساعت متيجي تقفل العربية حتسمع صوت صفارة قصيرة. كدا تبقا اتقفلت
وممكن تجرب تفتح الباب اللي ورا علشان تتأكد
ولو كان في اي باب مفتوح ودست على الزرار اللي في الباب هتسمع الصفارة طويلة علشان تنبهك انها متقفلتش. جربها بردو علشان تبقى عارف الفرق بينهم.

[TemTem1]

شكرا ليكم بس انا لسة مش مستريح برده لسة عندنا ثقافة المفتاح مفيش احسن منة

[2faster]

ههههههه


السمارت كاي ده مشكله

طيب ما تسيب السمارت كاي بعبد وبعدين جرب الابواب لو فتحت بحق

[TemTem1]

ههههههه


السمارت كاي ده مشكله

طيب ما تسيب السمارت كاي بعبد وبعدين جرب الابواب لو فتحت بحق

عندك حق بس لسة مش متعود على التكنولوبيا بس بحاول و لسة مش قادر استوعب الفكرة

[feras_elngar]

السمارت كى من احسن الحاجات اللى هتعجبك فى العربية بس بعد ما تاخد عليه

خللى بالك ان باب السواق موش بيفتح غير لما تلمس القطعة السودهه اللى فى المقبض من جوه بس
ولما تقرب من العربية من غير ما تفتحها هتلاقى لمبة الصالون نورت
لما تخرج من العربية اضغط على الزرار الاسود لغاية ما تسمع صفارة واحدة تقريبا
غير لما تفتح بتديك صفارتين
لو عايز تتاكد من ان العربية مقفولة شد الاوكرة الورانيه

لو انك فتحت العربية غلط ولا حاجة يعنى مثلا دوست على الزرار خطا ومفتحتس الابواب لمده 30 ثانية العربية هتقفل لوحدها تانى

وخلى بالك من ان الشنطة بتفتح برده عن طريق حتت كوتشه صغيرة برده تدوس عليها والمفتاح فجيبك

ومبروك عليك العربية

[hazemhassan]

على فكرة دة من احسن الكماليات
بس لما تاخد علية هتلقية كويس جدا
وفعلا زاى ماقلو الزملاء

[TemTem1]

السمارت كى من احسن الحاجات اللى هتعجبك فى العربية بس بعد ما تاخد عليه

خللى بالك ان باب السواق موش بيفتح غير لما تلمس القطعة السودهه اللى فى المقبض من جوه بس
ولما تقرب من العربية من غير ما تفتحها هتلاقى لمبة الصالون نورت
لما تخرج من العربية اضغط على الزرار الاسود لغاية ما تسمع صفارة واحدة تقريبا
غير لما تفتح بتديك صفارتين
لو عايز تتاكد من ان العربية مقفولة شد الاوكرة الورانيه

لو انك فتحت العربية غلط ولا حاجة يعنى مثلا دوست على الزرار خطا ومفتحتس الابواب لمده 30 ثانية العربية هتقفل لوحدها تانى

وخلى بالك من ان الشنطة بتفتح برده عن طريق حتت كوتشه صغيرة برده تدوس عليها والمفتاح فجيبك

ومبروك عليك العربية

الله يبارك فيك و شكرا على الرد و هجرب و ربنا يستر

[marwan_147]

موضوع مفيد