استفسار بخصوص سى سى الموتور

[zumawy]

استفسار بخصوص سى سى الموتور

لدى سيارة تويوتا ستارليت مو 1992 وكود الموتور الموجود على البلوك 1E والسيارة مسجلة فى الرخصة 1300 cc , و الرقم الموجود فى الرخصة هو نفس الرقم على الموتور و المعروف ان كود 1E هو للمواتير التويوتا سعة 1000 CC , فهل الموجود فى الرخصة نتيجة تسجيل خطأ من قبل المرور ام هناك شئ اخر لا اعرفة و فى حالة صحة هذا الافتراض ما العمل هل عند الترخيص يجب تعديل البيانات وكيف اعرف ان الموتور الموجود 1300 CC ام 1000 CC

[Ahmed Galal]

الموتور ال 1e ده 1000 سى سى و بتنزل بيه الستارلت فى مصر و بيبان من الحوض عن ال 2e و ده ال 1300 و نازل فى الكورولا اكيد عربيتك 1000 و لازم تتغير فى الرخصة و انت بتجدد هاتلفت نظرهم للموضوع ده و هايعدلوها بناء كمان على ورق العربية الاساسى فى الملف و افراجها الجمركى و ده لنك ويكيبيديا اللى ياكد موضوع ال 1000 سى سى

Toyota E engine - Wikipedia, the free encyclopedia

Toyota Starlet - Wikipedia, the free encyclopedia

و ده منظر المكنة

http://carphotos.cardomain.com/ride_images/3/1482/2541/28703770003_large.jpg

[zumawy]

بس الصورة دى مش بتاعت الموتور اللى عندى , اللى عندى اكبر شوية ومكتوب على الوش الاسود 12 valve
, هل الصورة اللى انت حاططها للموتور دى ستارليت 1000 cc عموما انا عندى صورة للموتور بتاعى

Yfrog Image : yfrog.com/20mystarletmotorj

[Ahmed Galal]

خلاص انت كده جبت من الاخر ديه المكنة ال 1300 بتاعت الكورولا و لو عربيتك مش نازلة بيها يبقا متسقطلها المكنة ديه و اتعملها ورق فى المرور المكنة ديه راكبه عندى نسخة طبق الاصل يبقا كده ما تقلقش ال 1300 فى الرخصة صح

[Ahmed Galal]

و ده لنك بالصور لكود العربية تقدر تحدد منه الموتور اللى راكب عليها بتاع الفابريكة عشان تتاكد من موضوع التسقيط ده
اللنك بيقصد رقم شاسيه العربية هاتاخد رقم الشاسيه و تقارنه
How to check what type of model your car is... - Toyota Forums :: Toyota Nation

[zumawy]

استاذ احمد انا متشكر جدا ليك و مبسوط اوى ا فى حد متخصص اوى كدة فى التويوتا كدة انت طمنتنى بنسبة كبيرة يعنى الموتور اللى عندى دة مش موتور ستارليت دا موتور كورولا الملكة با سيدى لحسن تزعل محدش بقدر يغلط فيها
طيب اخيرا بقى ازاى موتور الكورولا دة عندى على البلوكة بتاعتة كود 1e هل دة لية تفسير وهل ممكن يتم تغيير الجزء اللى فوق فقط من الموتور بس مع الحفاظ على البلوكة القديمة بتاعت الموتور الستارليت 1000 cc وإن كانت معلوماتى المتواضعة ان البلوكة دى هى الجزء المسؤول عن السي السي , فهل من إفادة فى هذا الامر

واخيرا يا ا/احمد انا سعيد جدا لمعرفتك واتمنى التعرف اكثر بيك

[Ahmed Galal]

استاذ احمد انا متشكر جدا ليك و مبسوط اوى ا فى حد متخصص اوى كدة فى التويوتا كدة انت طمنتنى بنسبة كبيرة يعنى الموتور اللى عندى دة مش موتور ستارليت دا موتور كورولا الملكة با سيدى لحسن تزعل محدش بقدر يغلط فيها
طيب اخيرا بقى ازاى موتور الكورولا دة عندى على البلوكة بتاعتة كود 1e هل دة لية تفسير وهل ممكن يتم تغيير الجزء اللى فوق فقط من الموتور بس مع الحفاظ على البلوكة القديمة بتاعت الموتور الستارليت 1000 cc وإن كانت معلوماتى المتواضعة ان البلوكة دى هى الجزء المسؤول عن السي السي , فهل من إفادة فى هذا الامر

واخيرا يا ا/احمد انا سعيد جدا لمعرفتك واتمنى التعرف اكثر بيك

لا شكر على واجب انا اللى سعيد بمعرفتك اكتر و موضوع البلوك ده مظبوط زى ما حضرتك قلت هوا المسؤل عن السعة اللترية او السى سى و بنسبة كبيرة ما ينفعش تركب وش المكنة ال 1300 على ال 1000 لان قطر الغرفة مش واحد بس ممكن غطا التاكيهات يركب و هوا اللى مكتوب عليه 12 صباب و ده اللى خلانى اقول هيا نفس المكنة بالظبط لانه نسخة من اللى عندى بس بردك شكل المكنة اللى فى الحوض ده 1300
بس انت حيرتنى بموضوع 1e اللى على البلوك لان عندى 2e على البلوك بتاعى فكده هاترجعنى تانى اقول انها المكنة ال 1000 سى سى انا نفسى احترت فى الصورة اللى انت صورتها بس مش هاهدى الا اما اجيب صور المكنة ال 1e من على النت باذن الله عشان نقدر نحل الموضوع ده

[Ahmed Galal]

انا عمال ادور حاليا لقيت معظم الصور اللى فى النت لناس مسقطة مكنة 1300 2e بالكربراتير او المكنة التربو بس اللى لفت نظرى الردياتير بردك ده حاجة تاكدلك موضوع ال 1300 اللى عندك لو الردياتير بتاعك كبير يبقا المكنة 1300 لو الردياتير صغير يبقا ال1000 و كمان المكنة بتنزل بفتيسها فلو فتيسك 5 نقلات يبقا بردك ال 1300 و اخير السحب بتاع المكنة ال 1300 على عربية صغيرة زى الستارلت هايخليها ما شاء الله طلقة وده بقا تقدر تحكم عليه بسواقتك للعربية

[zumawy]

واللة يا احمد انا مش عارف اية الحل بس انا جبت صورة الموتور ال 1e من النت ودى صورتة وهو نفس الشكل اللى عندى اما الرادياتير بردو عندى مش صغير اما لخصوص السرعة و السحب مش قادر احكم الا لما اسوق سيارة 1300 cc ساعتها هكم على الموضوع بس عموما انا ممكن اجيب سرعات عالية على الغيارات مش عارف دة لية علاقة بالسى سى بس طبعا صوت الموتور بيعلى يعنى الثانى ممكن 80 والثالث ممكن 110-120

0611Image003.jpg kostenlos von Uploading.com herunterladen

0611Image009.jpg kostenlos von Uploading.com herunterladen

هتلاقى الكود موجود على جنب الموتور على الورقة الموجودة بجانب سير الكاتينة

اما الفتيس عندى 4 سرعات مش خمسة
مش عارف هل لديك راى فى الموضوع دة

[Ahmed Galal]

انا خدت بالى من الكود اللى على المكنة بس ممكن اللى غير المكنة ما غيرش الفتيس بس التجميع اللى بتحكى فيه ما شاء الله عالى يمكن عشان الفتيس 4 نقلات بس كلامك ان البلوك عليه 1E هوا اللى مجننى لان ده رقم ما ينفعش يتلعب فيه و بياكد ان المكنة 1e ما فيش غير حل من تلاتة:
1-يا اما حد يشوف الوضوع يكون معاه ستارلت 1000 و يفيدنا
2-يا اقابلك و نقارن المكن
3- يا ننزل السوق نشوف عربية 1000 و نقارن

[pro_samir]

انتو محتارين في الاستارليت ومحدش يقولي ؟ ينفع كدة ؟

الموتور بتاعي 1000 ونفس الصورة اللي انت حاططها و 12 فالف برضو

وبالنسبة للسرعات اللي بتجيبها علي الغيارات دي غريبة شوية واضح انك بتفحت العربية ! التاني عندي اخرة 70 و التالت 100 ومجربتش احرق عليهم اكتر من كدة بصراحة لأن كدة معقول جدا علي 1000 سي سي مع العلم ان عندي اربع غيارات برضو

وصعب تبقي 1300 و اربع غيارات الا لو متغير الموتور علي نفس الفتيس لو ينفع !

[pro_samir]

لاقيتلك صورة للموتور عندي

في المرفقات ...