سؤال على التيوتا كورولا 93-97

[amrseba]

هو ليه تيوتا كورولا المصرى 1300 سى سى كربريتير عدادها اخره 200
والتيوتا اليابنى 1500 سى سى انجكشن عدادها اخره 180
والاوربى 240 او 260 زى مانتوا بتقولو طب ليه مادام المكنه واحد مابين 1300 الى 1500 الى 1600 الى 1800

كمان1500 اقل من 1300 فى العداد ايه النظريه فى كده ياعنى عايز افهم بس

[Ahmed Galal]

اللى انا اعرفه من زمان ان فى اليابان فيه شوية قوانين حكومية كده بتنظم سوق السيارات عندهم
من ضمنها ان فيه ليميت للاحصنة اللى بتطلع من السيارة للمصنعين يعنى جت فترة كده كانت العربيات ما بتزيدش عن 280 حصان و تلاحظها فى العربيات الرياضية زى الامبريزا و السكاى لاين و السوبرا جوا اليابان كل المواصفات لا تزيد عن 280 حصان الكلام ده كان زمان فى التسعينات مش عارف ايه اللى بيحصل دلوقتى
قيس على كده بقا عربية زى الكورولا الملكة جيل التسعينات يعنى كانت بتسرى عليها القوانين ديه فاكيد فى فئتها كان فيه ليميت للاحصنة و المكن و بالتالى السرعة فيبيعوها جوا اليابان بموتور محدد الاحصنة عشان يبقا قانونى و بالتالى السرعة على العداد اقل
لكن لما يصدروها برة هاتترفع القوانين ديه فيرفعوا الاحصنة و بالتالى السرعة
و عشان العربية فيها كذا نسخة و كذا مكنة فبتوصل لسرعات مختلفة هاتلاقى المصرى الكربراتير عدادها 200
الاوروبى 1600 معدى ال 200 و كمان الامريكى لو مش بالميل معدى بردك ال 200
الكلام ده اجتهاد منى لكن معلومة ليميت الاحصنة حقيقية اتمنى اكون افدتك و اكون قربتلك الصورة شوية

وده لنك عن العربياتن ال JDM او سيارات السوق المحلى اليابانى و اللى كان ليها قوانين خاصة بيهم و ديه اللى بتيجى معاقين و مستوردة
Japanese domestic market - Wikipedia, the free encyclopedia
و ده لنك تانى على موضوع ليميت الاحصنة فى اليابان
Japan Dumps 276-hp Pact - Car News - Car and Driver

و اللى فهمته ان الموضوع ده تقريبا اليابان لغيته و بقت ماشية عادى

[hobaz]

اتفق مع الباشا الكبير أحمد جلال..........

[amrseba]

فعلا انا سألت الراجل الى جبت منوا العربيه قالى انهم بيكتبوا السرعه القصوه ياعنى عندنا يكتب مثلا لانوس 220 وفى الحقيقه اللانوس متعرفش تجيب سرعه

[whoiswho]

انا اعتقد ان السرعة القصوي في العداد دي بتبقي قدرة ةالبودي بتاع العربية علي تحمل السرعات مش قدرة السيارة علي بلوغ هذه السرعات