toyota X.A 2004

[modyz]

السلام عليكم ورحمه الله وبركاته ....

يا جماعه انا معروض عليه عربيه تويوتا X.a خليجى موديل 2004 و العربيه ما شاء الله ممتازه ... بس انا كنت عايز اسأل هل فعلا قطع غيار العربيه دة زى بتاعت الياريس ونظام الصيانه واى معلومات عن العربيه لو سمحتم .. و شكرا

[BLOODY_STONE]

بص .. هو انا حصل معايا موقف مرة كنت في التوكيل و كان في واحد معاه واحدة خليجي برضك و كان عايز تيل فرامل .. و التوكيل (محرم بك اسكندرية) قالوله حنبعت نجيبلك من اليابان .. و سألهم مينفعش بتاع الياريس .. قالوله لأ .. فهي ممكن تتعبك شوية في قطع الغيار على اساس انها بطلت تنزل من زمان ... بس حضرتك ممكن مثلا تجيبها و تعملها صيانة في التوكيل و تبعت تجيبلها قطع الغيار اللي ممكن تحتاجها بعد كده زي الاكصدامات و التيل و الكلام ده او سيور مثلا
اتمنى اني اكون قدرت افيدك

[mr_sameh]

شكلها ايه التويوتا دي

[modyz]

والله انا متشكر لحضرتك ... بس افهم من كده انى يوم ما احب اعملها صيانه هجيبلها حاجتها من بره على حسابى .. ده كده الموضوع هيبقى مكلف جدا .. ولا ايه رأى حضرتك

[modyz]

ممككن حضرتك تخش على جوجل و تكتب toyota xa 2004

[BLOODY_STONE]

هو طبعا حيكون مكلف لأن في الغالب مش حتلاقي قطع برة و حتضطر تجيبها من التوكيل اللي حيبعت يجيبها من اليابان .. فهي من الاخر وجع دماغ
انا والله كان معروض برضك عليا واحدة جاية من السعودية و كانت والله زيرو و لسه بكيسها بس رفضت عشان موضوع قطع الغيار ده و كنت حتشل و انا بقول لصاحبها "" لا والله شكرا ما ابيها هذه السيارة يابو الشباب .. ماهي زينة.. ""
هههههههههه
هي الدنيا كده بقى حنعمل ايه ...