العربية بتقطع (بتترجرج)

[wahba87]

السلام عليكم

عندى فى الكورولا فى السرعات البطيئة اوى فى الزحمة , العربية بترجرج بشكل مبالغ فيه !!! , انا بكون على Es و بكون لامس دواسة البنزين يادوب


توقعت ان العربية هتتظبط فى صيانة ال 30 الف , بس للاسف مش انا اللى عملت الصيانة و اللى عمل الصيانة مقلهمش على المشكلة و العربية زى ما هى و الرجرجة دى بتزيد


حد حصل عنده المشكلة دى

[Doush_csf]

غالبا محتاج تعمل رجلاج للدبرياج و كان لازم اللي بيعمل الصيانة يقول.
عامةً هو موضوع سهل و بيتعمل من غير فلوس, كل اللي بيتعمل إنهم بيوصلوا العربية بالكمبيوتر و يظبطوا الخلوص

[amrseba]

انا عندى نفس المشكله بس انا عندى اوتو العربيه وهيا ماشيه على 40 كده بترجرج ولما بشد جامد وبعدى ال100 بحس ان العربيه بتنط منى مع انى ظابط زوايا و مرصص و ضغط الهواء مظبوط معرفش بقى فيه ايه والعربيه فيها رعشه فى الدركسيون و العربيه بترعش على ال 40 او ال50 بعد كده تبدى تتنطط

معرفش بقى ده بسبب الجنوط الاسبور مع انها زى مقاسات العربيه ولا مشكله فى الطنابير ولا البليه ولا ايه بظبط

[Doush_csf]

هو في السرعات العالية بيبقى السبب عادة هو الترصيص (جايز حضرتك مراصص عند واحد مش اد كده )
موضوع 40-50 ده ممكن يبقى كبالن.
المشكلة بتاعت حضرتك كانت عند واحد صاحبي (بين 60 و 70 ) و فوق ال 110
رصصنا الأول و هو هيصبر شوية على الكبالن عشان يعني الرعشة مش ملحوظة قوي بس السبب هو الكبالن

ملحوظة صغيرة: الطنابير تبقى فيها ريجة لما تحصل رجرجة أثناء الفرملة و خاصة عند النزول من السرعات العالية
آسف للتطويل و أرجو ان اكون افدتك

[amrseba]

لأ مش كبالن العربيه انا مركبلها جنوط سبور والجنوط السره بتعتها اوسع من سره الى فى الطنابير ومحمله على المسامير فهو ده الى انا شاكك فيه بس انا رصصت عند واحد كويس مش وحش ومرصص عندو التمبرا بتاعتى امبارح وجبت بيها 150 على الدائرى وكانت زى الفل الحمد لله

[Doush_csf]

لأ مش كبالن العربيه انا مركبلها جنوط سبور والجنوط السره بتعتها اوسع من سره الى فى الطنابير ومحمله على المسامير فهو ده الى انا شاكك فيه بس انا رصصت عند واحد كويس مش وحش ومرصص عندو التمبرا بتاعتى امبارح وجبت بيها 150 على الدائرى وكانت زى الفل الحمد لله

أنا عشان كده اللي بيقولي هاركب جنوط سبور بقوله بلاش نظرا لامانة المستوردين و ثقتي إنهم بيجيبولنا منتجات ممتازة تتخطى جميع مقاييس الأمان والسلامة
نصيحة اخوية ارمي الجنوط وخليك في الفبريكة أحسن

و معلش سؤال , هي إيه أخبار التمبرا مع حضرتك ؟

[amrseba]

بسم الله مشاء الله والله مش عايز اقولك احسن منها

خامتها نضيفه وتقفلها حلو اوى عشان يمكن بتاعتى جايه من ايطاليه حتى لما تفتح الباب تلاقيه مبطن وتحس ان العربيه معموله صح

والباب تقيل كده وقفلته مميزه وعدادات دجيتال وبسم الله مشاء الله ثبات جميل جميل وغرز براحتك ولا كأنك حاسس بحاجه والعربيه قبل كده جبت بيها 150 من غير ما احس

بس عيبها حاجه ان لو حالتها وحشه هتكرها و هتكره نفسك العربيه تبقى حالتها حلوه

تعمل بيها الى انت عاوزه وبصراحه عرفت الفرق بين الاسياوى و الاوروبى فعلا الفرق فى قطع الغيار و السعر يستحق حتى كورولا الجديده ركبتها وركبت الفيات لينيا بصراحه فيه فرق برده وانا اسف لملاك الكورولا بس ديه تجربتى مع الاتنين

انا معايا يابانى و اوروبى عارف الفرق فيه فرق فى كل حاجه وعلى فكره الاتنين كان سعرهم زى بعض تقريبا زيرو


انا عارف ان المشكله مش فى العربيه ديه اكيد مشكله جنوط او بلى او الزور بتاع الطنابير وفيه واحد قالى لازم يركب رينج او حلقه كده بتتعمل فى المخرطه عشان تساعد عشان الجنط ميحملش على المسامير بس وانشاء الله تتحل انا هشوفها و احكيلكم انشاء الله

[amrseba]

ولو قولت الحكايه ديه لاى واحد معاه اسيوى هيتريق عليك عشان ميعرفش الاحساس ده بجد

و على فكره انا بعشق حاجه اسمها 505 العربيه ديه جواها وحش بمعنى الكلمه وحش وحش وحش ضارى يموت اى حد والعربيه ديه بجد قمه فى الروعه ولو قالولى تختار العربيه بيجو 505 ولا سيراتو ولا النترا بشكلها بتابلوها ب امكانيتها و سلاطتها بباغنوجها هختار ال 505

[amrseba]

و يا باشا لو الجنوط ملوحه او بايطه او العفشه فيها حاجه مكنش العربيه اتظبطت زوايا الراجل الى روحت عنده ده فى الحى السابع وبيشتغل بكاميرات و ليزر و كمبيوتر وارقام والحاجات مظبوطه لو فيه حاجه فى الجنوط او العفشه مكنش الزوايا اتظبتت بالملى صح ولا انا غلطان

[Doush_csf]

و على فكره انا بعشق حاجه اسمها 505 العربيه ديه جواها وحش بمعنى الكلمه وحش وحش وحش ضارى يموت اى حد والعربيه ديه بجد قمه فى الروعه ولو قالولى تختار العربيه بيجو 505 ولا سيراتو ولا النترا بشكلها بتابلوها ب امكانيتها و سلاطتها بباغنوجها هختار ال 505

على فكرة أنا والدي عنده تمبرا موديل 2000 و عاملة 15000 كم (أيوه 15 مش 150 ) و هي مرفوعة.
أنا بس بأسأل يعني بشوف إيه نظامها معمرة و كده و ثابتة ولا إيه الكلام عشان أنا عمري ما سقتها بصراحة .

و طبعا ال 504 وال 505 عربيات لن تتكرر أبدا.
دي كلمة من واحد راكب بيجو من يوم لما اتولد (احنا عندنا 504 و 405 و 605 و ابن خالتي معاه 505 ) و كلهم فبريكة بره و جوه و موتور و فرش الحمد لله (ال 504 بس اترشت بره نضافة من سنتين و كان الناس اللي في الشارع ماشيين يقولولي حراااام عليك بس أنا كنت عايزها بس تستعيد بياضها تاني مش أكتر.
و أنا صحيح من المدافعين بـشدة عن الكورولا الجديدة (ال MM-T ) بس فرق شاسع لما بأنزل من ال 504 واركبها. كفاية كرسيها و صوت موتورها و سحبتها و ثباتها

[amrseba]

دا انتم بقى واخدين توكيل بيجو فى مصر هههههههههههههههههههههه

وبصراحه لما تسوق التمبرا وتظبطها بعد الرفع طبعا هتحس بجد انها عربيه جميله جربها بس وهتعرف انها عربيه كويسه جدا

[Doush_csf]

دا انتم بقى واخدين توكيل بيجو فى مصر هههههههههههههههههههههه

وبصراحه لما تسوق التمبرا وتظبطها بعد الرفع طبعا هتحس بجد انها عربيه جميله جربها بس وهتعرف انها عربيه كويسه جدا

احنا عشق للبيجو
ال 504 وال 605 وال 405 جدي جايبهم من فرنسا وال 505 من الكويت


بالنسبة للتمبرا فأنا مش هسوقها أبدا عشان والدي زي كده مش بيحب حد يلمس عربيته