كورولا 1300 جميع الكماليات اوتوماتيك 2006...للبيع (نكتة)!!

[hero]

وانا ماشي في مكان ما من ارض المحروصة....لاقيت عند شخص ما من تجار السيارات المعروفين ...والمشهورين في هذا المكان ما.....سيارة كورولا سوداء...مرخصة (مستعملة يعني ) معروضة للبيع....

قومت راكن علي جنب وقلت انزل واسال واهو السؤال لسة علي حد معلوماتي ببلاش....

-بكام يا عم....
-الكورولا السوداء...ولا الفضي....
-انا شايف ان في واحدة سوداء واقفة برة وشكلها مستعمل...
- أة دي موديل 2006 ....كاملة اوتوماتيك...عاملة 80 الف كم...
-يااااة 80 الف كم في سنة وشهر....مش كتير....
- العربية حالة يا بية....
-طيب انت ادري ...اصلي مابافهمش في العربيات....ومطلوب فيها كام...
- نهائي....106 الف...
-ياااة دي لقطة....اومال اية حكاية الفضي...
-لا دي زيرو 2007 اليابايني....واخدلي بالك الياباني مش الجنوب افريقي المضروب....ودي 1600 اوتوماتيك بس...
-طيب فيها اي شيء غير انها اوتوماتيك يعني Abs ولا حتي Rpm...
-لا والله ...هي اوتوماتيك بس وبضمان الوكيل...
-ودي علي كام.....
- 135 الف جنية نهائي.....
- ياااة دي لقطة.....اانتوا اكيد بتخسروا...يابخت ايلي بيشتري منكوا....انا بحسد نفسي علي اني اتعرفت علي حضرتك.....(الجملة السابقة دي كانت في عقلي بس....لاني ماستحملتش وقلتلة سلام وجريت)..

بس فضلت اضحك طول الطريق....عربية اية ايلي تعمل 80 الف كم في اقل من 12 شهر...وعايز فيها 106 الف....اية الهبل دة....وحالة اية ايلي هاتفضل لو العربية عملت 80 الف في سنة واحدة....
ومين ايلي ممكن يدفع مبلغ زي دة في عربية زي دي.....

احفظنا يارب منهم...

[شاهين - بنز]

أنا بجد خدت بالي إن أسعار المستعمل عموما في مصر عالية جدا
بس طبعا الكورلا 2006 تهريج دي لو إتنطتت عمرها ماتعدي ال 90 ألف
وكمان التاجر محسسني إن الجنوب أفريقي صيني مش تويوتا برضه

[fiatmomo]

ههههههههههههههههههههههههههههههههههههههههههههههه 106 الف ... فعلا ديه لقطةةةةةةةةةةةةةةةةةةةةةةةةةة دية رهيبة !!!!!!!!!!!!!!!!!!!!!!

فكرتنى بالتاجر الى كنت عندة من اسبوع بتفرج على الفا 146 ... بيقولى العربية مارشتش برة وفابريكة ... المهم جيت ادور .. البطاريه ضايعة .. لدرجة ان العداد الديجيتال الى مكتوب فى العربية ماشية قد اية .. مكانش بيشتغل .. وتخيل انه خد وصلة من عربيتى علاشان يدورها ....
المهم الى بيقولى العربية مارشتش بردة ... الكبوت كان مقشر من قدام و المعجون باين حتة منة ... والموتور مكانش مظبوط ... وتخيل كان بيقولى 55 الف ... ولما لاقانى كشرت وقولتلة دية بتتباع ب 44 وبحاله احسن كمان ... فهم انى فاهم فيها ... قالى والله يا بية انا صاحب العربية قالى عاوز فيها 49 .. وانا تاجر يعنى حاخد مصلحتى واتكلم معاة وانا حتكلم مع +++ وهنا شتم فى صاحب العربية ... وعرفت انة انسان مش محترم علاشان يشتم فى صاحب العربية وهو مالوش ذنب . وسيبة ومشيت .. وقعدت استعجب على الدنيا والى فيها


صحيح نسيت اقول انة مكانش عارف نوع العربية ولما قولتلة الالفا ال146 .. قالى انهى ؟؟؟؟؟؟؟؟؟؟؟؟؟؟؟؟ الزرقا ولا انهى؟؟؟؟؟؟؟؟؟؟؟؟؟؟؟؟؟؟؟؟؟؟؟؟ تخيلوووووووو

ولخبط فى اسمها وقالى يا باشا دية عربية جوليتا موديل 97 ........... ههههههههههههههههههه

يارب ارحمنا من هؤلاء التجار

[limo]

نكته فعلا
المصيبه الكبرى ان فيه ناس مبتفهمش فى العربيات وبتنخدع بكلام التجار دول وبتشترى