الحمد لله 200 الف كيلو

[Nile Heart]

عربيتى العزيزه اتمت امس بحمد الله 200 الف كيلو متر

العربيه كورولا 2003 . والحمد لله مازالت بحاله ممتازه واداء رائع

غدآ باذن الله سوف انشر قايمه بجميع مصاريف العربيه طوال ال 7 سنين شاملة/
-الصيانه الدوريه بالتوكيل وخارجه
-قطع الغبار
-المستهلكات كالكاوتش والبطاريه

الخلاصه ان العربيه بتتكلف حوالى 11 قرش لكل كيلومتر (غير البنزين طبعآ)
وده اذا كان المالك عايز يحافظ عليها وتعمر معاه

وتحت امركم فى اى سؤال

[myself112]

ربنا يحفظهالك يا رب , وفعلا العربيات التويوتا ليها اعتمادية عالية جدااااا بسم الله ماشاء الله عليها .

[Ahmed Galal]

ربنا يباركلك فيها و مش غريبة على التويوتا الواحد ما عشقهاش من شوية بس ربنا ينجى تويوتا من ازمتها الحالية و ترجع للطريق الصحيح انا باعتبر سنة 2010 السنة الاكثر صعوبة فى تاريخ تويوتا العريق كله

[hero]

ما شاء الله لا قوة الا بالله.....

ربنا يباركلك فيها ويملهالك بركة...ويكفيك ويكفيكها شر الطريق....

دة شيء متوقع من عملاق انتاج السيارات في العالم....وفعلا والله كل ما احوال اشوف اخبار باقي العربيات او لو الواحد حب يغير تويوتا يغير باية.......الاقي ما زالت تويوتا تتربع علي عرش افضل السيارات اعتمادية واداء ....وافضلهم اقتصادية في الامتلاك والتشغيل...

عقبال الـمليون كم ....او الكورولا الجديدة....وبرضة تعمل بيها مليون كم....

[sab3aawy]

مبروك يا باشا ال 200 ألف وعقبى للمليون

[omar-saad]

الف مبروك ال200 الف كم وعقبال المليون
العربية دى فعلا والله مابتقولش لا

[Nile Heart]

صيانات دوريه العدد تكلفه كليه
رئيسيه عند 40, 80, 120, 160, 200 الف 5 6900
متوسطه عند 20, 60, 100, 140, 180 الف 5 2700
زيت وفلتر عند 10, 30, 50, ….190 10 3000

اصلاحات تكلفه كليه
طقم دبرياج عند 130 الف 1000
تيل امامى عند 135 الف 330
كومبريسور-استيراد عند 190 الف 2200
فونيس اماميه - تايوانى عند 195 الف 550
مساعدين خلفى عند 200 الف 700

مستهلكات تكلفه كليه
طقم كاوتش عند 60 الف 1500
طقم كاوتش عند 130 الف 1600
طقم كاوتش) عند 200 الف 1700
بطاريه عند 180 الف 300

مجموع المصاريف جنيه 22480
تكلفه شهريه جنيه 252.6
تكلفة الكيلومتر قرش 11.2

[M.FOUAD]

ربنا يباركلك فيها و تكمل المليون ان شاء اللة
بس هو انت غيرت طقم الدبرياج فين و فية منة انواع و لا لا
و الكومبريسور اية اللي حصل فيه.

[ramy01011]

ربنا يبارك لك فيها و عقبال 2 مليون عندي سؤال هي عربية حضرتك مانيوال ولا اوتو و لو اوتو ممكن اعرف اي نوع زيت للجير يكون احسن و هو بيتغير كل اد اية؟

[shaddadfalcon1]

انا الحمد لله عديتهم من كام شهر بس باللانوس من غير مااغير حاجه في الموتور

بعديها غيرت جوان وش سيليندر واولسيه صباب

[Nile Heart]

ربنا يباركلك فيها و تكمل المليون ان شاء اللة
بس هو انت غيرت طقم الدبرياج فين و فية منة انواع و لا لا
و الكومبريسور اية اللي حصل فيه.

انا جبت طقم الدبرياج من عرفه جابر الموزع المعتمد.. وفى منه انواع تايوانى بنص التمن
وانا لا انصح به مطلقآ لآن ألأصلى زى مانت شايف بيعيش اكتر من 100 الف.. فماجتش على ال 300 جنيه دول

اما الكومبريسور ده بقى حكايه
وده باظ بسبب اهمالى انا .. اللى حصل ان التكييف ضعف شويه,, ولما والدى عرف بالصدفه قاللى على واحد صنايعى "ممتاز" .. جاللى تحت البيت واشتغل فيها نص ساعه والتكييف بقى تلاجه..
6 اشهر وسمعت صوت جامد طالع من الموتور... رحت رايح للميكانيكى بتاعى اللى اعرفه من 40 سنه.. قاللى ان الكومبيسور هو اللى بايظ وغيره..وقاللى ان فى حد لعب في العربيه..قلتله عرفت منين..قاللى ان الشخص ده لغى الكتاوت بتاعت التكييف وعمله "ديرتك" direct يعنى!!! يعنى الصنايعى السافل ده خللى الكومبيرسور شغال بلا توقف طول م انا مشغل التكييف.. والموضوع كان محتاج بس valve فى دوره التكييف تمنه 160 جنيه..

محدش بيتعلم ببلاش

[Nile Heart]

ربنا يبارك لك فيها و عقبال 2 مليون عندي سؤال هي عربية حضرتك مانيوال ولا اوتو و لو اوتو ممكن اعرف اي نوع زيت للجير يكون احسن و هو بيتغير كل اد اية؟

الله يبارك فى حضرتك

العربيه مانيوال

اما موضوع الزيت ده فانا جربت موبيل وان و شل الترا... الأتنين بيتغيروا كل 10 الاف
الفرق غير محسوس الحقيقه.. بس انا مش خبير عشان اجاوب

الأفضل تاخد برأى الاساتذه زى سبعاوى او كريم منير أو ناس كتير هنا

[Nile Heart]

انا الحمد لله عديتهم من كام شهر بس باللانوس من غير مااغير حاجه في الموتور

بعديها غيرت جوان وش سيليندر واولسيه صباب

الله يطمنك :)

[shaddadfalcon1]

الله يطمنك :)

لا يابشا انا مش بفول ولا حاجه والله

ده موضوع حصل بسبب نسيان مقاس الزيت مش في مكانه والعربيه مشت اسبوع من غير زيت تقريبا وده اللي بوظ الدنيا يعني لو ده محصلش كانت ممكن تعدي كده بكتيير

وان شاء الله عربيتك تكمل المليون من غير ماتضرب فيها مفتاح