لو حد يقولى على مركز لاستعدال شاسيه

[walidabdelaziz]

سلام عليكم

للاسف عملت حادثة بالعربية من قدام واتعوج زاوية السلاح الامامى ,,,,,,, والحوض بصفة عامة

كنت عايز لو حد يدلنى على مركز يكون محترم متخصص استعدال شاسيهات لانى سمكرت العربية وكل حاجة وعملت زراجين عند السمكرى بس للاسف بهدل صاج البطاحات ومقاسات الحوض مش مضبوطة
الله ي ..... يسامحه

علشان كدة لو حد يجيب لى مقاسات الحوض على اساس ان المركز يبقى على على علم برده ويشتغل صح المرة دى

ولكم جزيل الشكر

[walidabdelaziz]

ايه يا جماعة مفيش اى معلومات خالص عن مراكز شاسيه ........ !!!!

[Ahmed Galal]

لو عاوز تكمل مع العربية ديه هاتروح بيها التوكيل يحطوهالك على جهاز اسمه السيليت و بيقيس الابعاد بمنتهى الدقة و تستعدل العربية صح و يعملوا اللى فيها و لو العملية هاتفتح يبقا ما تزعلش منى بيعها على عيبها ده و عرف اللى هايشترى و ربنا يوفقك لاحسن منها

[walidabdelaziz]

خلى بالك يا استاذ احمد انى باتكلم على الكورولا 85 مش 07- الحمد الله

التوكيل مش يرضى يدخل موديل قديم

خد بالك انها ماشيه لكن الشاسيه هو اللى مازال عايز زرجينه 2 - 3 سم بس المهم اتجاه المحاور

[Ahmed Galal]

خلى بالك يا استاذ احمد انى باتكلم على الكورولا 85 مش 07- الحمد الله

التوكيل مش يرضى يدخل موديل قديم

خد بالك انها ماشيه لكن الشاسيه هو اللى مازال عايز زرجينه 2 - 3 سم بس المهم اتجاه المحاور

انا بصيت فى البيانات عندك لقيت السيارة رقم 1 تويوتا 2007 فافتكرت هيا و بناء عليه قلتلك التوكيل و مع ذلك بردك لو هاتدخل عربية موديل سنة 1900 التوكيل هاياخدها ما تقلقش من النقطة ديه المهم بس الموضوع هاينفع معاك انت و لا لا ممكن تتصل بالرقم بتاع تويوتا و تسال على استعدال الشاسيه هايكلف كام و تحدد و لو ممكن تعمل جولة فى الحرفيين فيه هناك كذا مكان شغال باجهزة ظبط شاسيه كنت شفتهم فاكيد هايظبطوهالك ان شاء الله

[أبومعاذ]

في واحد في المطرية بس متعاملتش معاه لو عايز عنوانه اوصفهولك

[Doush_csf]

في محطة بنزين في ميدان الاسماعيلية مشهورين قوي بـظبط الزوايا والترصيص (أنا شخصيا مجرب ال 2 و ما شاء الله كفاءة) و عندهم برده زراجين و كده

[pro_samir]

انزل الحرفيين واسأل علي سمير علي دة معروف جدا وشغلة كويس

والدي مجربة في كذا عربية بتوع ناس معارف منهم bmw وكرولا 2006 كانت حالتها كرب وهتكلف في التوكيل اكتر من 20 الف جنية عملها ب700 جنية بعد الفصال

[walidabdelaziz]

انزل الحرفيين واسأل علي سمير علي دة معروف جدا وشغلة كويس

والدي مجربة في كذا عربية بتوع ناس معارف منهم bmw وكرولا 2006 كانت حالتها كرب وهتكلف في التوكيل اكتر من 20 الف جنية عملها ب700 جنية بعد الفصال

روحت سمير على ورفض على اساس انهم ما بيحبوش يشتغلوا مكان شغل سمكرى تانى, طيب يا عم يهديك يرضيك اعتبره ما اشتغلش, برده لآ! انا عارف سمعتهم حلوة بس اهو راكب دماغه

في محطة بنزين في ميدان الاسماعيلية مشهورين قوي بـظبط الزوايا والترصيص (أنا شخصيا مجرب ال 2 و ما شاء الله كفاءة) و عندهم برده زراجين و كده

بالنسبه البنزينه المصر البترول فى ميدان الاسماعيلية, لما المهندس بص فى العربية قالى دى شغلها عند سمكرى , هما عندهم الشغل التيارى فقط لا غير.

[walidabdelaziz]

انا بصيت فى البيانات عندك لقيت السيارة رقم 1 تويوتا 2007 فافتكرت هيا و بناء عليه قلتلك التوكيل و مع ذلك بردك لو هاتدخل عربية موديل سنة 1900 التوكيل هاياخدها ما تقلقش من النقطة ديه المهم بس الموضوع هاينفع معاك انت و لا لا ممكن تتصل بالرقم بتاع تويوتا و تسال على استعدال الشاسيه هايكلف كام و تحدد و لو ممكن تعمل جولة فى الحرفيين فيه هناك كذا مكان شغال باجهزة ظبط شاسيه كنت شفتهم فاكيد هايظبطوهالك ان شاء الله

بالنسبة التوكيل يا عم احمد سألت العباسية والعبور هناك قالوا ما بيدخلوش قبل 2001 اى حاجة شغل زى ده لان تكلفتها هتبقى عالية جدا, ده كفايه بس انها تطلع تقعد على الجهاز بس بالشىء الفلانى...!!

بس ايه رايكم يا جماعة, فى شغل الزقازيق عامة من ناحيه نضافة شغل وتكاليفها .... ولا بلاش؟