توكيل تويوتا

[hamedo0]

السلام عليكم علي احلي رجاله
جوز اختي ربنا كرمه اشترى تويوتا ياريس علي 68.500 يوم الجمعه الفائتت قولت ليه نروح نعمل صيانتها في التوكيل عشان نبداء مع العربيه من الصفر المهم روحنا النهارده الساعه 9 الصبح قولنا العربيه لسه جيبنها وعازين نعمل صيانه نغير سيور وقلتر وبوجيهات وزيت قالو 1500 قولنا امين جه المهندس يا خد العربيه لاقته بيقول العربيه دى عامله حادثه تخش نكشف عليها سمكرة و ميكانيكا قولنا امين جوز اختي بيقولي ايه يا محمد اضحك علينا قولت ليه مش عارف المهم التقرير طلع

تقرير الميكانيكا
1- السياره محتاجه صيانه ( طب انا جاى ليه )
2-الرداتير ملحوم هو و السربتينه التكيف ( بس مش بايظين وشغالين و العربيه مش بتسخن )
3- مساعد شمال بايظ هو ومقص شمال ( انا فاحت العربيه من ساعت ما جت 120 140 مافيش عومه ولا في حاجه والعربيه ناعمه
4- عاوزة اربع فرض كاوتش ( عادى كده كده كنا حنجيب )
5- السياره تحتاج عمه هواء ( مع ان العمه موجوده وراكب الحساس بتاعها والفلتر نضيف )

تقرير السمكرى
1- السياره بها صدمه بجنب الشمال
2- تغير الفانوس الشمال ( مع انه شغال بس هو ملحوم بسيلكون )
3- الزجاج الخلفي مش الاصلي ويجيب تغيره
4-السياره تحتاج لسمكرة ودوكو ( العربيه مش فيها خدش والله )
5- رشه اكصدمات ( اعتقد ان ده عادى في شوارع المحروسة )
6- كارتيره الفبر في الشمال مش موجوده ( بصيت عليها لاقيتها )

المهندس خارج يقولنا راجعو العربيه احسن
عاوز راى رجاله ياريس انا شايف العربيه ماشيه تمام ومش فيها حاجه 140 ومش بتعوم وسحبها جميل ده غير نعومه في المطبات مش بدب يعني

[a7mode]

خلاص طالما انت شايف ان كل كلام تقرير التوكيل مش صح وكلو عكس الطبيعى سكت ليه ؟؟ مقولتش الكلام دا ليه هناك وظبطهم !!

[hamedo0]

خلاص طالما انت شايف ان كل كلام تقرير التوكيل مش صح وكلو عكس الطبيعى سكت ليه ؟؟ مقولتش الكلام دا ليه هناك وظبطهم !!

انا نزل عليا بقيت متنح ومش عارف اتكلم وجوز اختي برضه سكت لحد مارجعت مصر الجديده نمت تحت العربيه وشوفت المساعد ورجعت علي البيقولو عليه مش لاقيت حاجه صح

[elassar2010]

روح بالعربية مركز تانى واكشف عليها علشان تعرف الحقيقة اية

[hamedo0]

روح بالعربية مركز تانى واكشف عليها علشان تعرف الحقيقة اية

ان شاء الله حعمل كده بس انا روحت التوكيل الفي العباسيه اروح فين تاني

[elassar2010]

ان شاء الله حعمل كده بس انا روحت التوكيل الفي العباسيه اروح فين تاني

مش هقدر افيدك تروح فين استنى الاعضاء يقولولك مركز كويس متجرب علشان يديك الخلاصة
وبالتوفيق

[hamedo0]

شكرا يا استاذ محمد

[Samir Elshahawy]

ممكن تروح التوكيل في أبورواش دول كويسين ده غير أنك هاتكون متابع عربيتك من الصالة بس ماتجيبش سيرة أنك كشفت عليها في التوكيل (فرع العباسية) و شوف كلامهم هايكون أيه لانهم شكلهم عايزين يعملوا شغل و خلاص

[makram555]

كلام التوكيل صحيح لانه حصل مع صديق لي وفي الاخر طلع كلامهم صح

[hamedo0]

كلام التوكيل صحيح لانه حصل مع صديق لي وفي الاخر طلع كلامهم صح

ربنا يستر يا استاذ مكرم

[hamedo0]

ممكن تروح التوكيل في أبورواش دول كويسين ده غير أنك هاتكون متابع عربيتك من الصالة بس ماتجيبش سيرة أنك كشفت عليها في التوكيل (فرع العباسية) و شوف كلامهم هايكون أيه لانهم شكلهم عايزين يعملوا شغل و خلاص

انا عرفت ان في واحد كان شغال في تويوتا وفاتح ورشه في شبرا ان شاء الله حروح ليه

[Ahmed Galal]

بالنسبة للتوكيل لما بتدخله تعمل فحص بيتلكك على اى حاجة فى العربية لهدفين اولا طبعا عشان يدخل فلوس ثانيا عشان العميل ما يجيش يرجع للتوكيل و يقول العربية طلع فيها كذا و كذا وانتوا ما قلتوش عليه من الاول و كل اللى حكيته فى العربية ما يعيبهاش و لا حاجة و اعمل الاساسى فيها يعنى الصيانة و الكوتش و نفض لمواضيع السمكرة و الرش طالما كله تمام و حتى لو المساعد خفيف استنى شوية و غير طقم قدام و بالنسبة للمقصات ممكن تتاكد عند اى حد بتاع زوايا او عفشجى كويس و ان شاء الله خير

[Nile Heart]

ياريت يا جماعه نبقى موضوعيين

التوكيل مقالوش ان العربيه مقلوبه ولازملها عمره! كل الحاجات دى بسيطه (فبره, وعمة هوا, فانوس,,...)

توكيل تويوتا وان كان مش ملايكه لكنه احسن توكيل فى مصر
وهما بيشتغلوا حلو قوى ومش محتاجين للافلام دى
انا بقالى معاهم من 2003 عملت ييجى 8 صيانات كبيره وعمرهم ما طلعوللى غير حاجات تافهه

ونصيحه لوجه الله... القرش اللى بتصون بيه العربيه النهارده, بيوفرلك خمسه قروش بعد سنتين تلاته

[hamedo0]

ياباشا انا معاك بس ده جمعلي حاجات بــ 25000 كا ميكانيكا

[omaroof]

المشكله ان التوكيل ده فى مصر وبالتالى بيعاملنا من موقف اللى موش عاجبه يضرب دماغه فى الحيط
وان ماحدش بيفهم غيرهم هما وفنينهم النصف كم