Tweet
تويوتا كرولا 96
السلام عليكم . الحمد لله ربنا كرمنى و اشتريت عربيه تويوتا كرولا 96 و حالتها كويسه بس دى أول عربيه ليه و تعبت جدا من البحث عليها لحد ما وجدتها بس كنت محتاج اضبط شوية حاجات فيها و محتاج رأى الخبراء فى المنتدى الجامد نايل موتورمحتاج أغير الفوابيس و أجيب الفوانيس الجاهزه الرياضيه ( الفانوس مع الأشاره قطعه واحده و متقسم من الداخل عدسات و كريستال )و كمان محتاج أركب جنوط إسبور و تكون عريضه من غير تغيير فى العفشه و تديها ثبات أكتر .محتاج أركب عداد ر بى ام ( العربيه 1300 كربرتير مانول خليجى ) و شكرا للجميع
-
-
انا اقدر افيدك فى اساسيات العربية ان شاء الله لكن التعديل ما ليش فيه قوى عربيتى زى بتاعتك بالظبط بس انا 94 و بالنسبة للفوانيس موجودة بره ممكن تجيبها من على ال ebay بس فى مصر معرفش و بالنسبة لعداد الار بى ام عندك سعرين اللى لقيتهم واحد ب 350 وواحد ب 550 و التوصيل سهل عند اى كهربائى و الجنوط ممكن تجيبها استيراد احسن و سمعت ان الموديلات اللى بعد ال 2000 ممكن تركب عندنا يعنى ممكن تلاقى جنط 14 او 13 حلو من بتاع الكورولا ال 2003 و انت طالع و الله اعلم بس العربية ثباتها كويس بجنوط المصنعالمشاركة الأصلية كتبت بواسطة Hadidy مشاهدة المشاركة[SIGPIC][/SIGPIC] -
أنا متشكر جدا لحضرتك لرد بالسرعه دى و كمان أنا قرأت موضيع كتير عن التويوتا كرولا الملكه و كان لحضرتك أراء جامده فيها و مره تانيه متشكر جدا بس ممكن تفدنى بالنسبه لعداد ر بى إم الموجود فى السوق دا جديد ولا مستعمل و كمان دا بيركب فين يعنى فى مكان تانى ولا بغير العدات كلها بعدادات تانيه فيه العداد بتاع ر بى ام و مكان بيعه و غيه الفرق بيت الأتنين و النسبه للجنوط أحب اعرف العربيه دى ممكت يتركب لها جنط لحد كام ( المقاس ) من غير مشاكل فى العفشه أو تعديل فيها أنا تقلت على حضرتك بس حاجه أخيره فين مكان العدات و الجنوط فى مصرComment
-
لا شكر على واجب و بالنسبة لعدادات الار بى ام عندك سكتين العدادات بتتباع لوحدها جديدة و لقيتها فى التوفيقية عند محلات الاكسسوارات مش الناس اللى قاعده فى الشارع و فى شارع دمشق كمان و بيبقا عداد كبير بيتثبت فى نصف الطابلوه و بيتوصل عند الكهربائى بياخد فردة كهربا و فردة ارضى ووصلة للاسبراتير عشان يقرا اشارة و العداد هاتلاقى شباب كتير مركبينة فى عربياتهم و اسعاره من حوالى 290 جنيه لحد 550 على حسب ما شفتالمشاركة الأصلية كتبت بواسطة hadidy مشاهدة المشاركة
السكة التانية و كنت قريت عنها فى النت انك ممكن تشيل العدادات اللى عندك و تجيب العدادات بتاعت الفابريكة اللى فيها ار بى ام و تركبها هاتشتغل على طول لان اللى اتقال فى النت ان التوصيلات جاهزة بس ديه عايزة نزلة للحرفيين عند بتوع الاستيراد و تنقى عداد حلو و تركب هناك و تجرب كل المؤشرات بس هاتضطر تتعايش مع قراءة الكيلومتر اللى موجودة فى العداد الجديد بس موضوع ان العدادات بتركب مكان بعض و التوصيلات واحدة ده من النت و ما جربتوش و العفشة ينفع للعربية ديه لحد جنوط 14 و بتبقا كويسة بس تجيب طقم حلو كده استيراد يكون مخلوع من عربية واحدة و ما تخشش فى ال 15 لانه هايبقا زيادة قوى قوى و هايضر العربية[SIGPIC][/SIGPIC]Comment
-
الف مبروك علي العربيه واعرف انك راكب احسن ما انتجت تويوتا يعني هتستريح معاها جامد وكمان ممكن تعدل فيها زي ما انت عاوز يعني لو الزجاج عادي ممكن تحوله كهربه وده هيكلفك في حدود 1200 جنيه وهيكون ده سعر الفرش والمكن ولوحة المفاتيح وهيكون زي الفل طبعا استيرادالمشاركة الأصلية كتبت بواسطة hadidy مشاهدة المشاركة
وكمان ممكن تركب عداد استيراد فيه ار بي ام وده هيكلفك في حدود 250 جنيه وبيركب كمان علي طول
بالنسبه للفوانيس الكريستال كنت سالت واحد مركبهم قالي مكلفيني حوالي 1000 جنيه
وكمان ممكن تسقط موتور انجكشن 1500 او 1600 او 1800 والمواتير بتركب علي طول بدون تعديل في العربيه وده هيكلفك بالتركيب في حدود 4000 جنيه وبيبقي زي الفل طبعا الموتور بالفتيس بالضفيره وكمان ممكن تحولها اتوماتيك بنفس السعر
بالنسبه للجنوط الاسبور 13 او 14 غير كده منصحكش وكمان منصحكش تعرض الكاوتش جامد لان العربيه ثابته جدا ومش محتاجه
كمان ممكن تركب مرايات كهرباء وهيكلفك في حدود 600 جنيه
ربنا يوفقك وكمان عندك المهندس احمد جلال خبير في الموديل ده ودائما بنرجعله لما بنحتاج حاجه[CENTER][B]سامح البقري
المحامي[/B][/CENTER]Comment
-
اوعى تعمل نفس غلطتى انا جبت جنوط سبور قرفانى خليك فى بتاع الفبريكه احسن ونصيحه الجنوط لو مش اصليه هتتعبك جدا وهتقرفك
و رينجات ومساميرر تتقطم وحاجه اخر ارف بلاااااااااااااااااااااااش وهيا عربيه كويسه جدا ومبروك علييييييييييييك[marq="3;right;3;scroll"]فياتاوى و اعتز ... زملكاوى و افتخر والى مش عاجبه ينتحر[/marq]Comment
-
انا متشكر جدا لحضرتك يا بشمهندس أحمد على المعلومات والأفاده و دايما يارب عامر .ممكن استفسار صغير لانى عرفت ان العدادات الفبريكه الموجود فيها ر بى م بتكون اتوماتك و جايه من امريكا و اناعربيتى مانول يعن معتقدش هينفع علشان العلامات بتاعت الأوتوماتيك .Comment
-
ممكن تركب عداد في ار بي ام فابريكه بس ده قليل شويه[CENTER][B]سامح البقري
المحامي[/B][/CENTER]Comment
-
شكرا يا أستاذ سامح على النصيحه بس لو تعرف حد بيبيع الحاجات دى ممكن تقولى على مكانه و لو فى رقم تليفون يبقى كد واجب جامد و شكرا مره تانيه لحضرتكالمشاركة الأصلية كتبت بواسطة mr_sameh مشاهدة المشاركةComment
-
ممكن تسئل بتوع الاستيراد في الحرافيين[CENTER][B]سامح البقري
المحامي[/B][/CENTER]Comment
-
لا شكر على واجب و تقدر كمان تستفيد من الاستاذ سامح هوا بردك متخصص و انا اتعلمت منه حاجات كتير و العدادات الفابريكة بتاعت العربية فيها كذا شكل سواء للمانيوال او الاوتوماتك و انا رفعتلك اشكال العدادات كلها اللى بتركب على الملكة و مش صحيح ان الاوتوماتك بس اللى فيها ار بى ام المانيوال كمان فيها و هاتلاقى العدادات فى الحرفيين عند اى حد بتاع استيرادالمشاركة الأصلية كتبت بواسطة Hadidy مشاهدة المشاركة
و ده لنك صور العدادات
MEGAUPLOAD - The leading online storage and file delivery service[SIGPIC][/SIGPIC]Comment
-
متقلش كده ياباش مهندس انت ملك الملكه هنا في المنتدي واحنا اللي بنتعلم منكالمشاركة الأصلية كتبت بواسطة ahmed galal مشاهدة المشاركة[CENTER][B]سامح البقري
المحامي[/B][/CENTER]Comment
Comment