مصاريف ترخيص الياريس؟؟؟

[goodwave]

السلام عليكم

برجاء إعطائي فكرة شاملة ومفصلة عن المصاريف اللازمة لترخيص الياريس لاول مرة. كل المصاريف علشان أعمل حسابي إن شاء الله وأنا برخص.... وكمان الإكراميات وبتتدفع فين.

معلش أخوكم جديد وأول مرة أرخص عربية إن شاء الله.

وهل في فرق في ترخيص إسكندرية عن أي محافظة أخرى؟.... وشكرا

[hazem_khidr]

اهلا و سهلا يا باشا نقول الف مبروك و لا لسه:)
بالنسبه لمصاريف الترخيص فكل اللي بتدفعه حوالي 150 جنيه من ضريبه وتأمين للسنه الواحده.
50 جنيه ضريبه و 20 جنيه تامين لوحات و 74 تامين .
بالنسبه للاكراميت بقي ف انا مش بدفع اكراميات خالص:)

[goodwave]

حازم باشا الله يبارك فيك بس لسة والله مستني الدفعة إللي جاية اول مارس.... دعواتك

وشكرا على الافادة بس كنت سمعت إن في مصاريف زيادة على العربيات إللي مش تقفيل محلى وكدة.... ممكن توضحلي لو عندك فكرة؟

وشكرا

[hazem_khidr]

يا احمد بيه انا قولتلك قبل كده انت ملكش دعوه بالكلام دا لان انت الملك الاول.
الكلام دا لما بتشتريعربيه مستعمله و مصاريف التسجيل في المرور هي اللي بتفرق ساعتها بين انها تجميع محلي او تقفيل خارج

[goodwave]

تماااااااام كدة
معلش اصل فهمي على قدي

[hazem_khidr]

يا راجل ما تقولش كده انت ابو المفهوميه:)

[Abonora]

Goodwave
انا لسه مرخصه انهارده الخميس فى مرور ابيس
التكاليف بالضبط 625ج
و مبروك مقدما

[Sharky]

الف مبروك يا باشا إنضمامك للتويوتاوية و إن شاء الله ربنا يبارك لك فيه

[goodwave]

شاركي باشا .... الله يبارك فيك وإدعيلي ربنا يوفقني وأخلص.... على فكرة مواضيعك وشرحك لمميزات الياريس كان من الاسباب إللي خليتني أرجح كفة الياريس.

السندريلا --- اولا ألف ألف مبروك على العرببية وربنا يبارك لك فيها ويكفيكي شرها
ثانيا إنتي جبتيها منين وبكام وكماليات إية؟
ثالثا والاهم 625 جنية لية؟؟؟؟؟ ممكن تقوللي بالظبط إية المصاريف والبنود إللي بتصرفي فيها؟؟؟؟ اصل حازم قالي إنهم 150 جنية بس!!!

واسف لكثرة الأسئلة

[amr123]

مبرووووووووووووك عليك الياريس
و عقبالي يارب بس لسه شوية على الصيف كده اكون ظبط المسائل

ياريت بس حضرتك تقولنا على حاجة ..هو في فروق بين موديلات 2007 و الجديدة 2008 و لا هي هي نفس العربية

[Abonora]

السندريلا --- اولا ألف ألف مبروك على العرببية وربنا يبارك لك فيها ويكفيكي شرها
ثانيا إنتي جبتيها منين وبكام وكماليات إية؟
ثالثا والاهم 625 جنية لية؟؟؟؟؟ ممكن تقوللي بالظبط إية المصاريف والبنود إللي بتصرفي فيها؟؟؟؟ اصل حازم قالي إنهم 150 جنية بس!!!

واسف لكثرة الأسئلة

اولا : الله يبارك فيك - اشكرك
ثانيا:جبتها من توكيل تويوتا اللى فى مصطفى كامل ش ابو قير
ب 89 ألف - و التأمين 2225ج - فول اوبشن مانيوال
ثالثا:625 ترخيص 3 سنين
حازم كان بيتكلم عن ترخيص سنه واحده
البنود انا طبعا معرفهاش
كل اللى اعرفه ان الطفايه ب 200ج
احنا كنا 3 عربيات بترخص مع بعض
التوكيل باعت مع كل عربيه مندوب
بصراحه محسناش بحاجه - هما زى النحله و طبعا معروفين هناك و لهم ناسهم اللى مظبطنهم
الحاجه الوحيده اللى عملناها بنفسنا اننا دخلنا كل واحد بورقه للظابط اخد امضاء
و موظفه بتبص علينا فى الاخر علشان الرخصه تتعمل
هما خلصوا لنا كل حاجه و جم اخدوا من كل واحد 625ج
و بس
و لو لسه محجزتش و عايز تليفونات التوكيل او اى مساعده متترددش و انا فى خدمتك
و بالتوفيق

[hazem_khidr]

كل اللى اعرفه ان الطفايه ب 200ج

لييييييييييييييييه؟
انا شاريها من المرور ب 90 جنيه يعني لو كنت جايبها من بره كانت حتبقي اقل من كده.

[Abonora]

لييييييييييييييييه؟
انا شاريها من المرور ب 90 جنيه يعني لو كنت جايبها من بره كانت حتبقي اقل من كده.

ههههههههههه ليه الاحراج ده يا حازم
عموما بكرر هما 625ج و سيبكوا من تفاصيلهم
بجد معرفش ؛؛؛؛؛