السفر بالياريس

[محمد يوسف]

السلام عليكم

أخوكم طالع مطروح بالعربية كمان كام يوم

عربيتى ياريس 2008 أوتوماتيك كاملة

تنصحونى بايه بالنسبةلتجهيز العربية قبل السفر؟

وهل الياريس بتتشحم؟ وفين أفضل مكان تشحيم ( غير الوكيل الحرامى طبعا)

وهل تنصحوا أفضى زيت موبيل 1 وأحط شل هيليكس 10000 اللى بيشكروا فيه؟

مستنى ردكم

[Samir Elshahawy]

حضرتك ممكن تلاقي الاجابة في الموضوع التالي :

http://www.nilemotors.net/Nile/165183-a.html

مع خالص تحياتي و تمنياتي لك برحلة سعيدة
م/ سمير الشهاوي

[محمد يوسف]

شكرا ياباشا.. طب بالنسبة للتشحيم؟

[yahiahelaly]

وحضرتك عايز تشحمها لسة اصلا يا فندم
وسؤال جانبي جيبت الشقة ولا الشالية بكام ؟؟

[asemx1]

من خبرتى الطويييييييييييييله فى السفر :d :d بعمل 25 الف كيلو فى ال9 شهور
لو العربيه فيها اى حاجه تتطلب ان حد يمد ايده فيها من العفشجيه او الميكانيكيه سبها كدا وسافر بيها
ورائى ان اقصى حاجه تعملها تشوف ضغط العجل فقطططططططططططط لا تربط عفشه ولا تظبط زوايا ولا الكلام دا ولا توديها مشحمه ولا اى حاجه سيبها بعفنها كدا هو وسافر بيها صدقنى ان عيب ممكن يظهر اثناء الشغل يعكنن عليك السفر

اعمل شك على السوائل فقط وشوف ضغط العجل فقط فقط اياك تنظف حاجه اياك تربط او تعمل اى حاجه
من الاخر اى شغل فى العربيه ممكن ينتج عنه عيب انتا مش هتشوفه بس هيظهر مع المسافات الطويله وبدام عربيتك ماشيه تمام بقالها فتره طويله بدون ما تعمل فيها حاجه يبقى هيا مستعده للسفر وعلى البركه يا معلم

[محمد يوسف]

وحضرتك عايز تشحمها لسة اصلا يا فندم
وسؤال جانبي جيبت الشقة ولا الشالية بكام ؟؟

أنا عايز أشحمها عشان المية والبحر والرمل ممكن يأثر ع العفشة

الشقة ب 250 جنيه اليوم

[محمد يوسف]

من خبرتى الطويييييييييييييله فى السفر :d :d بعمل 25 الف كيلو فى ال9 شهور
لو العربيه فيها اى حاجه تتطلب ان حد يمد ايده فيها من العفشجيه او الميكانيكيه سبها كدا وسافر بيها
ورائى ان اقصى حاجه تعملها تشوف ضغط العجل فقطططططططططططط لا تربط عفشه ولا تظبط زوايا ولا الكلام دا ولا توديها مشحمه ولا اى حاجه سيبها بعفنها كدا هو وسافر بيها صدقنى ان عيب ممكن يظهر اثناء الشغل يعكنن عليك السفر

اعمل شك على السوائل فقط وشوف ضغط العجل فقط فقط اياك تنظف حاجه اياك تربط او تعمل اى حاجه
من الاخر اى شغل فى العربيه ممكن ينتج عنه عيب انتا مش هتشوفه بس هيظهر مع المسافات الطويله وبدام عربيتك ماشيه تمام بقالها فتره طويله بدون ما تعمل فيها حاجه يبقى هيا مستعده للسفر وعلى البركه يا معلم

أنا كنت ناوى أكشف زوايا وتربيط عفشة وأغير زيت شل هيليكس 10000 وأظبط عجل نتروجين على 30 و أشحم العربية

كده كويس ولا فيه مشكلة؟

[hero]

من خبرتى الطويييييييييييييله فى السفر :d :d بعمل 25 الف كيلو فى ال9 شهور
لو العربيه فيها اى حاجه تتطلب ان حد يمد ايده فيها من العفشجيه او الميكانيكيه سبها كدا وسافر بيها
ورائى ان اقصى حاجه تعملها تشوف ضغط العجل فقطططططططططططط لا تربط عفشه ولا تظبط زوايا ولا الكلام دا ولا توديها مشحمه ولا اى حاجه سيبها بعفنها كدا هو وسافر بيها صدقنى ان عيب ممكن يظهر اثناء الشغل يعكنن عليك السفر

اعمل شك على السوائل فقط وشوف ضغط العجل فقط فقط اياك تنظف حاجه اياك تربط او تعمل اى حاجه
من الاخر اى شغل فى العربيه ممكن ينتج عنه عيب انتا مش هتشوفه بس هيظهر مع المسافات الطويله وبدام عربيتك ماشيه تمام بقالها فتره طويله بدون ما تعمل فيها حاجه يبقى هيا مستعده للسفر وعلى البركه يا معلم

تمام كدة ....خصوصا لو العربية جديدة ولسة في فترة الصيانة ...يعني لسة بدري علي معاد الصيانة القادم...

وربنا يوفقك

[asemx1]

أنا كنت ناوى أكشف زوايا وتربيط عفشة وأغير زيت شل هيليكس 10000 وأظبط عجل نتروجين على 30 و أشحم العربية

كده كويس ولا فيه مشكلة؟

لالا لا صدقنى كل دا هلس حتى تغيير الزيت غلط برضو لو فى الزيت القديم 3000 كيلو سيبه برضو وظبط العجل على الهوا الى انتا بتمليه مش تغير لنيتروجين الا لو انتا نيترجين اساسا وماتشحمش العربيه
من الاخر اطلع كدا اى عيب ممكن يظهر هيعكنن عليك السفر

اولا تغيير الزيت لو الى بيغيرلك الزيت مش رابط الطبه كويس او الفلتر او اى حاجه ممكن يحصل مشكله
والنيتروجين ممكن عجله تريح معاك اى حاجه تحصل وانتا ماشى مش هتلاقى نيتروجين تملا تانى
وتشحيم العربيه غلط غلط لازم تسيبها فتره طويله علشان ممكن سينسور ييجى عليه ميه او حاجه يحصل عطل فى الماتور
بص والله من الاخر كل دا انا مريت بيه اصلى موسوس ولما بحب اسافر مشوار طويل كنت بعمل اكتر من كدا كمان لكن دايما باجى فى نص الطريق ويحصل مشكله وتعطل منى والرحله تبوظ
شوف مافيش احسن من انك تطلع عين العربيه فى السفريه دى وتمصمصها كلها وبعدين لما تييجى تعمل كل دا هتلاقيها بقت تمام معاك
تحياتى
م/ عاصم

[asemx1]

وبالنسبه للتربيط او الزوايا لو حد كسر مسمار او صاموله اثناء التربيط انتهى هتقعد جنب العربيه لحد ما تصلحها وهتبوظ سفريتك
العربيه جديده مش محتاجه بعد ما تيجى اعمل كل دا وهتدعيلى وابقى افتكرنى هناك :d :d

[محمد يوسف]

وبالنسبه للتربيط او الزوايا لو حد كسر مسمار او صاموله اثناء التربيط انتهى هتقعد جنب العربيه لحد ما تصلحها وهتبوظ سفريتك
العربيه جديده مش محتاجه بعد ما تيجى اعمل كل دا وهتدعيلى وابقى افتكرنى هناك :d :d

ياباشا من غير حاجة بادعيلك جزاك الله خيرا

بس انت خوفتنى قوى..هو النتروجين لو قل مش ممكن أكمل هوا؟ والزيت الشل سامع من بره ومن المنتدى انه بيفوق الموتور بشكل غير عادى

طب لو رحت التوكيل من غير حجز وطلبت أعمل الحاجات دى مش يبقى أمان؟

[asemx1]

صدقنى لو انتا مش بتشتكى من حاجه منها ماتعملهاش وسيبها على عفونتها وكل حاجه فيها كدا وروح كدا وزود الهوا بس وانطلق
اى حاجه ممكن تحصل هتعكننك والله اصلى عارف اكيد انتا من النوع الى تحب كل حاجه تبقى تماااااااام قبل ما تسافر علشان تبقى نفسيتك مبسوطه
اه مش هقولك يعنى حاجه اكيد ممكن تحصل لا بس لو حصلت حاجه او اى عيب ظهر هتتعكنن جدا وهتبقى مخنوق
سيبها على وضعها وسافر بيها كدا
وبعد ما تيجى من السفر اعمل فيها الى ما اتعملش هتحس انها رجعت جديده ويبقى مزاجك ميه ميه