تقيم مالكى تويوتا 99

[max52lolo]

السلام عليكم
ارجو الافادة من الاخوة الاعضاء مالكى سيارة تويوتا على السيارة كورةلا 99 انا على اعتاب شراء سياة 99 1300
اية رايكم ارجو الافادة

[Omar.Shawki]

لو حالتها كويسة وشكلها بتحبه (زى حالاتى كده) يبقى التقييم 100/100
عربية قطع غيارها موجودة منها الاصلى واليابانى والاسيوى(كورى - تايوانى...) والاستيراد
وهى اصلا مشاكلها قليلة جدا (طبعا شرط الحالة اللى اشتريتها عليها) وهى زيها زى الملكة اللى الناس كلها بتشكر فيها بس هى مظلومة شوية عشان الفوانيس العيون مش عاجبة معظم الناس مع ان المرسيدس فى منها عيونورأيى الشخصى الشكل الداخلى احسن من الملكة طبعا عشان موديل احدث وبرضه سعر اعادة البيع جيد ..مش عارف اقوللك ايه تانى بس ربنا يوفقك وتجيبها حالتها ممتازة ومبروك مقدما..

[kar!m]

كانت مع واحد صاحبى أوى و باعها و جاب لانسر كريستاله و فى رأيه ان الكريستاله أحسن منها بكتير .. و بالمناسبه هو غيرلها اسطوانة دبرياج مرتين .. و معظم قطع الغيار اللى فى السوق مضروب حتى اللى مكتوب عليه Made in Japan
و بالصدفه ركبتها من فتره بسيطه مع واحد صاحبى و لقيت فيها مشكلة اسطوانة دبرياج برضه .. مش عارف دى مشكله عامه ولا ايه.

[Omar.Shawki]

المشكلة دى مش عندى خالص ياباشا

[mr_sameh]

انا كنت احد ملاك العربيه دي وهي عربيه جميله جدا ومظلومه قوي
وفعلان غيرتلها دسك واسطوانه مع ان كنت شاريها شبه زيرو
ودور في المنتدي انا كنت عامل مقارنه بينها وبين الملكه

[ouba2]

يعني هي ولا الكرستالة؟؟

[mr_sameh]

مقارنه صعبه بس من وجهة نظري هيا افضل

[Ahmed Galal]

لو حالتها كويسة وشكلها بتحبه (زى حالاتى كده) يبقى التقييم 100/100
عربية قطع غيارها موجودة منها الاصلى واليابانى والاسيوى(كورى - تايوانى...) والاستيراد
وهى اصلا مشاكلها قليلة جدا (طبعا شرط الحالة اللى اشتريتها عليها) وهى زيها زى الملكة اللى الناس كلها بتشكر فيها بس هى مظلومة شوية عشان الفوانيس العيون مش عاجبة معظم الناس مع ان المرسيدس فى منها عيون:f_eyeb1[1]:ورأيى الشخصى الشكل الداخلى احسن من الملكة طبعا عشان موديل احدث وبرضه سعر اعادة البيع جيد ..مش عارف اقوللك ايه تانى بس ربنا يوفقك وتجيبها حالتها ممتازة ومبروك مقدما..

كلام ممتاز و كنت هاقول كده بردك بالظبط بس انا بقا باحب شكل الملكة من الداخل اكتر منها و كلها ازواق و ما فيش خلاف ان العربية ديه من افضل السيارات اللى انتجتها تويوتا ربنا يوفقك فى وحدة كويسة

[Ahmed Galal]

يعني هي ولا الكرستالة؟؟

بدون تحيز لعربيتى و عن تجربة للاتنين باقول الكورولا انا شايف الملكة و العيون اوسع من الكريستالة سواء صالون او شنطة و اعلى منها شوية و صيانتهم اسهل شوية بردك و تتميز الكريستالة عنهم فى الثبات ورخص قطع غيارها الاصلية عن الاصلى بتاع التويوتا بس الكريستالة ارخم فى المطبات لو اتحملت عن الملكة و العيون

[Ahmed Galal]

كانت مع واحد صاحبى أوى و باعها و جاب لانسر كريستاله و فى رأيه ان الكريستاله أحسن منها بكتير .. و بالمناسبه هو غيرلها اسطوانة دبرياج مرتين .. و معظم قطع الغيار اللى فى السوق مضروب حتى اللى مكتوب عليه made in japan
و بالصدفه ركبتها من فتره بسيطه مع واحد صاحبى و لقيت فيها مشكلة اسطوانة دبرياج برضه .. مش عارف دى مشكله عامه ولا ايه.

القطع الاصلية موجودة و معروف اماكنها و حاجت الكورولا الاصلى معمرة جدا جدا جدا بس غالية و الحمد لله باجيب الاصلى و عارف كفائته كويس قوى و حاسس بيها وموضوع الاسطوانة و الدسك ده غريب و ما سمعتش عنه قبل كده و لا عيب مشهور و لا اى حاجة

[ouba2]

بدون تحيز لعربيتى و عن تجربة للاتنين باقول الكورولا انا شايف الملكة و العيون اوسع من الكريستالة سواء صالون او شنطة و اعلى منها شوية و صيانتهم اسهل شوية بردك و تتميز الكريستالة عنهم فى الثبات ورخص قطع غيارها الاصلية عن الاصلى بتاع التويوتا بس الكريستالة ارخم فى المطبات لو اتحملت عن الملكة و العيون

اصل انا داخل علي شراء عيون موديل 98 ياريت تفيدوني في الثبات لاني هاسافر بيها كتير و اية اخبارها لما بتكون معدية جنب تريلا او اوتوبيس علي السريع؟؟

[Ahmed Galal]

اصل انا داخل علي شراء عيون موديل 98 ياريت تفيدوني في الثبات لاني هاسافر بيها كتير و اية اخبارها لما بتكون معدية جنب تريلا او اوتوبيس علي السريع؟؟

العربية كويسة فى الثبات و ما فيش مشاكل بس عموما و انت معدى جمب تريلا فى اى عربية هايبقا فيه نوع من المرجحة شوية لان التريلا بتاثر على طبقات الهوا بينها و بين العربية الصغيرة و المرجحة ديه هاتفرق طبعا من عربية صغيرة مثلا زى الماروتى لعربية كبيرة و ثابتة مثلا زى المرسيدس الاس كلاس يعنى الخلاصة العربية كويسة فى الثبات و السفر و ما فيش مشاكل منها و تقدر تتحكم فيها كويس و طبعا قبل ده كله تكون عفشتها و عجلها و الات الجر سليمة عشان تاخد منها الاداء المطلوب

[seadaelbeda]

هو نوع البنزين ايه لانى سمعت الناس بيحطوا 80 وبيمشى كويس لانها كربراتير

[ahmedbibo]

انا اعرف ناس كتيير انجيكشن وبيحطوا 80 متعرفش ازاى وعلى فكره هيا احسن من الكريستاله وسعر اعاده بيعها احسن من الكريستاله بس تقيله

الملكه احسن من العيون فى اعاده البيع و التداول بس تقريبا واحد

بس الملكه اعتقد واطيه عن العيون وده بيفرق فى الثبات

و الكورولا دايما بيبقى حالتها احسن عشان معظم اللانسر يبقى شباب و فرك بقى وتخميس

[Omar.Shawki]

كلام ممتاز و كنت هاقول كده بردك بالظبط بس انا بقا باحب شكل الملكة من الداخل اكتر منها و كلها ازواق و ما فيش خلاف ان العربية ديه من افضل السيارات اللى انتجتها تويوتا ربنا يوفقك فى وحدة كويسة

ربنا يخليك ياأحمد باشا
هى فعلا اذواق واللى بيسألنى بين الملكة والعيون بقوله اللى شكلها عجباك هاتها هما الاتنين اخوات