طلب مراسلة شركة تويوتا الام (ضروري)

[yse]

السلام عليكم يارجالة

انما حاسس ان مشاكل التيوتا كترت

وطبعا بما اني اشتريت تويوتا ولبست في شوية من المشاكل ديه

ده بالإضافة لبعض من المشاكل التانية

انا قررت اراسل شركة تويوتا الاوم على ايميلها او موقعها

ممكن لو سمحتوا حد يقدر يساعدني ويحطلي السايات بتاع الشكاوي أو الإيميل بتاعهم

ولكم جزيل الشكر

[محمد محمد]

السلام عليكم يارجالة

انما حاسس ان مشاكل التيوتا كترت

وطبعا بما اني اشتريت تويوتا ولبست في شوية من المشاكل ديه

ده بالإضافة لبعض من المشاكل التانية

انا قررت اراسل شركة تويوتا الاوم على ايميلها او موقعها

ممكن لو سمحتوا حد يقدر يساعدني ويحطلي السايات بتاع الشكاوي أو الإيميل بتاعهم

ولكم جزيل الشكر

وعليكم السلام ورحمة الله وبركاته...
ممكن نعرف حضرتك عندك مشاكل زي ايه؟

[معتز]

لبست اية بالضبط............

[Berlioz]

من فضلك اشرح لنا المشكلة

[omaroof]

بصراحه انا كمان فكرت 100 مرة قبل ماشترى الكورولا بس كان سبب تمسكى بيها انها يابانى 100%
موش زى اللى موجوده فى مصر وبصراحه الحمد لله عربيه ممتازه وفيها كل اللى تتمناه
بس فى نفس الوقت زعلان على اصحابى واصدقائى اللى حصلهم مشاكل فى مصر واخواتى هنا فى المنتدى اللى اشتكو منها بس الى الان موش عارف فعلا المشاكل دى كلها موجوده ولا معظمها عدم درايه باستعمال الجير التريبتونك
الحمد لله انا عربيتى جير اوتوماتيك عادى

[ahmedbibo]

ياريت تقولنا على المشاكل الى فى العربيه بظبط

والعربيه ممتازه انا ركبتها و شوفتها فى التوكييل روعه وخامتها حلوه

[yse]

المشاكل بالترتيب حسب الأهمية :

1- وجود عيب صناعة في بلية الدبرياج وتم تغييره مرة ولم يذهب العيب والمفروض ان التوكيل قال لي انه هيغيره تاني وادينا معاهم كل يومين تليفونات من شهر 4 .

2- التكييف : ضعيف مقارنة بالميتسوبيشي اللانسر 1300 c.c.
3- وجود فانوس امامي يمين أقوى من الفانوس الشمال الأمامي .
4- وجود صوت زن واضح من الدركسيون.
5- حدفة يمين فلى السرعات العالية فوق 140

ده اللي فاكره دلوقتي

فعلشان كده ياريت لو حد من الإخوة الأفاضل يديني ايميل مراسلة تويوتا الأم لتبليغهم بالكاوي اللي التوكيل معرفش يحلها

علشان الواحد يبقى حاسس انه عمل كل اللي عليه

وشكرا على الاهتمام

[معتز]

اشتكى ..اولا الى جهاز حماية المستهللك ...وانت هتاخذ حقك بس خذ وقتك مع التوكيل شوية ...حاول تضبط الزوايا بره التوكيل لانهم مبيعملوهاش فيه.......
وربنا معاك

[معتز]

بصراحه انا كمان فكرت 100 مرة قبل ماشترى الكورولا بس كان سبب تمسكى بيها انها يابانى 100%
موش زى اللى موجوده فى مصر وبصراحه الحمد لله عربيه ممتازه وفيها كل اللى تتمناه
بس فى نفس الوقت زعلان على اصحابى واصدقائى اللى حصلهم مشاكل فى مصر واخواتى هنا فى المنتدى اللى اشتكو منها بس الى الان موش عارف فعلا المشاكل دى كلها موجوده ولا معظمها عدم درايه باستعمال الجير التريبتونك
الحمد لله انا عربيتى جير اوتوماتيك عادى

هل يوجد الان كرولا يابانى فى الامارات!!!

[feras_elngar]

1- وجود عيب صناعة في بلية الدبرياج وتم تغييره مرة ولم يذهب العيب والمفروض ان التوكيل قال لي انه هيغيره تاني وادينا معاهم كل يومين تليفونات من شهر 4 .

ده ركز عليه

2- التكييف : ضعيف مقارنة بالميتسوبيشي اللانسر 1300 c.c.

التكييف بتاع العربية موش شديد قوى زى عاده الكورولا
انت الاول حاول تنضف الفلتر كل 5000 كيلو بيفرق كتير بجد

3- وجود فانوس امامي يمين أقوى من الفانوس الشمال الأمامي .

انا عندى كده برضه .... قصدك فى النور الواطى الزينون .... تقريبا دى افتكاسة من المصنع اليابانى عشان ميخليش النور يؤذى اللى جاى قصادك

4- وجود صوت زن واضح من الدركسيون.

الصوت ده وانت ماشى عدل ولا وانت واقف وبتلف العجل ؟

5- حدفة يمين فلى السرعات العالية فوق 140

لو كنت غيرت فرده كوتش من اللى قدام او حتى لو مغيرتش روح لواحد بتاع زوايا وهو هيقولك علطول انها فيها زاوية موش مضبوطة

[yse]

التكييف بتاع العربية موش شديد قوى زى عاده الكورولا
انت الاول حاول تنضف الفلتر كل 5000 كيلو بيفرق كتير

هجرب إنم شاء الله في صيانة 10 الاف



انا عندى كده برضه .... قصدك فى النور الواطى الزينون .... تقريبا دى افتكاسة من المصنع اليابانى عشان ميخليش النور يؤذى اللى جاى قصادك

لأ حضرتك انا النور اللي عندي عالي وواطي عادي مش زينون


الصوت ده وانت ماشى عدل ولا وانت واقف وبتلف العجل ؟

وانا بلف العجل



لو كنت غيرت فرده كوتش من اللى قدام او حتى لو مغيرتش روح لواحد بتاع زوايا وهو هيقولك علطول انها فيها زاوية موش مضبوطة

شوفت اتنين بتوع زوايا قبل كده وكله قالي تام ولسه العيب موجود


أشكرك على اهتمام حضرتك وياريت لو تتفضل وديني إيميل الشركة الام لأني عايز امشي في السكتين مع بعض

حماية المستهلك والشكوى المقدمة للشركة الام

[medociv]

السلام عليكم ورحمة الله وبركاته
الكورولا في الامارات :
1600 - صنع اليابان
1800 - صنع تايوان (بلد المنشأ او التقفيل)
المصدر الفطيم وكيل تويوتا في الامارات

[د.محمود صلاح]

عليك وعلى التوكيل قبل مراسلة الشركة الام لحد ما تجيب آخرهم معاك