محتاج نصيحة في استهلاك البنزين العالي في كورولا 2005 خليجي

[msms90421]

السيارة نازلة من الامارات بعد 30 ألف كيلو استخدام هناك
انا عملت بيها 10 كيلو هنا ومعدل استهلاك البنزلين عالي بشكل ملحوظ
يعني احيانا الصفيحة بتعمل 220 على الطريق السريع و180 جوه البلد
في ناس قالولي اصل البنزين هناك نضيف عن هنا كتير
انا محتاج حد بقولي اعمل ايه
انا روحت مركز الصيانة وعملو كشف على الموتور وقالو سليم
عملت صيانة ال40 الف وقولت هاتتظبط برضو زي ما هيا
لو حد عمدو نصيحة مفيدة ياريت يفيدني لاني بجد متعذب
التانك مش بيكمل 500 كيلو بالعافية بدون تكييف

[asemx1]

كام سى سى يا باشا ؟

[asemx1]

لو 1600 سى سى يبقى دا طبيعى لو 1300 سى سى يبقى استهلاكها عالى ومفروض تعمل 260 كم فى الصفيحه
بس على فكره انا عربيتى 1300 سى سى ياريس وكانت بتعمل 260 كم فى الصفيحه دلوقتى بقت بتعمل 360 كم فى التفويله :d :d مش عارف ليه ؟ يظهر البنزينه الى مونت منها كانت وحشه

[msms90421]

هيا 1300 سي سي
اتوماتيك

كل الناس بتقول انها بتعمل 260 في الصفيحة زي ما asemx1 بيقولي
بس ازاي يعني 360 في التفويلة ؟؟ هيا عملتها معايا مرة برضو

الموضوغ كده هايجنني وخايف حد يلعب في الموتور

[asemx1]

لالا دا طبيعى العربيه بتاكل بنزين جوا البلد جامد بص فول على الاخر خالص لحد ماتلاقى البنزين بقى باين من التنك بقى على الفتحه بالظبط واطلعلك طلعه على السريع :) :) اتفسح كدا على اى طريق يعجبك مايكنش زحمه وامشيلك بتاع كدا 80 كيلو :) تعملهم فى ساعه فسحه
وبعدين روح فول تانى وشوف عملت كام لتر فى 80 كيلو واضرب الرقم الى يطلع فى 20 لتر هيطلعلك بتعمل كام كيلو فى الصفيحه
النتيجه الاكيده هتلاقيها بتعمل 260 كيلو فى الصفيحه
انا سافرت مصر النهارده وتاكدت من الحوار دا طلعت بتاكل كتير جوا البلد والوقفه وانا بشغل التكيف لكن على السريع زى ماهيا
يبقى استهلاكها طبيعى ومش بتاكل بنزين

[asemx1]

اصلى كنت بقف بالساعات مشغل التكيف فعلشان كدا اكلت بنزين كتير

[msms90421]

لا الاستهلاك ده على السريع حوالي 200 ك بالتكييف
او220 بدون التكييف
الكلام ده على الطريق الدولي الساحلي رايح اسكندرية وجاي
يعني سريع بدون ولا مطب وكمان مازودتش السرعة عن 120 عشان استهلاك البنزين
الحل ايييييييييييييييه؟؟ انا هاتجنن

[محمد ابراهيم 1]

فى القاهرة وزحمتها أعتقد إن المعدل ده كويس خصوصا مع تشغيل التكييف
وجرب تستخدم بنزين 90 حتلاقيه أوفر معاك

[boing]

انا معايا كورولا 2006 مانيوال 1300
ايام ما كانت لسه جديده كانت بتعمل من 700 ل 750 على الطرق وفمره كنت رايح مطروح وصلت 800 كم في التفويلة

التفويلة بتعمل كم؟ ده على حسب الاستخدام... جوا ولا برا المدينه وعلى حسب طريقة السواقه
الفرملة المفاجئة والضغط على البنزين بسرعه بيضاعف الاستهلاك.المناورات(الغرز) بتزيد الاسنهلاك..المكيف الخ
ومش لازم جري ممكن على سرعة 100 الحاجات دي تخلي العربيه تاكل بنزين بشراهة

عموما عربيتي بتعمل في التفويله 500 كم جو البلد
600كم على الطرق السريعه
متوسط السرعه من 100 الى 120