طلب مساعدة في تسعير تويوتا كورولا 2007

[somabakr]

السلام عليكم ورحمة الله وبركاتة

جميع الإخوة الكرام

كل عام وأنتم بألف خير بمناسبة شهر الرحمة والمغفرة

زي ما هو مكتوب في عنوان الموضوع طالب مساعدة في تسعير كورولا 2007

1600cc أتوماتيك وكيل يعني لسة في الضمان.
عاملة 20000 كم صاحبها من ساعة ما إشتراها وهو مسافر وبيجي شهر واحد في السنة.
جنوط إسبور.
فوج لايت.
فوانيس شبورة.
اللون شامبين.

ياريت تردو عليا لأني بصدد شرائها.

[memoo8888]

بدون فسقف طبعا ولا سوبيلر ولا صح ؟؟
لو كده تساوى 90 الف

[C500]

لو الحالة زى ما انت بتقول ممتازة وكأنها زيرو
هاتفرق لو انت هاتركب معاك لغاية 100 انت الكسبان لانها عربية تمام التمام فا متستخسرش فى ركوبة اى فلوس مش زيادة اصلا توبها فى العادى 90 لو معدية 60 الف كيلو وفيها مرمات ودى زيرو يعنى ورقة اخرك
لو هاتبيع بعد كدة اخرك 95 الف وهاتبقى برضة كسبان علشان هاتطلب 110 علشان تبيع ورقة او 103 لزبون عايز يركب تويوتا بعد كدة
وربنا يوفقك

[hatchy]

100000جم مش اكتر ولا اقل

[somabakr]

نسيت أوقولكم إن فيها إسبويلر

انا كنت متخيل إنها هاتعمل أكتر من كدة يعني 110000 ألف مثلا عشان الناس اللي عارضة علي كونتكت بتتكلم في نفس الرينج

أنا عايز أشتريها بس محتار لأن صاحبها بيقولي شوف توبها كام وكدة.

ياريت يا جماعه تفيدوني أكثر.

وجزا الله خيرا كل من ساعدني وقام بالرد

[M.FOUAD]

مش هتقل عن105-106الف 90 الف دة ميحصلش ثمنها 1300
لو مش عايزها ابعتلي لو فعلا 20 الف كيلو بس و حالتها زي عدادها

[Diaby]

انا صاحبى كان معاه وحده زى كده باعها على 105

[Dr.M.Mowafy]

اشتريها ب 100
وتوكل علي الله عربيه محترمه اكيد

[somabakr]

جزاكم الله خيرا يا شباب تويوتا