طلب تسعير (كورولا 2009)

[sadany18]

العربية اللى معايا الوكيل الجنوب افريقي بالفتيس ال mmt عاملة 67000ك لغاية دلوقتي وداخلة في السنة الثالثة والأخيرة في الضمان العربية معانا من 12-5-2008 تم تغيير مجموعة الدبرياج المطورة عند 60000ك وتم تغيير الطنابير الخلفية عند 62000 ومفتاح الشنطة تم تصليح مؤخرا بس بعد ما دفعت 40ج العربية الحمد لله كويسة معايا مافيش اي مشاكل تذكر غير اللى انا قولته...الثبات بتاعها جيد والموتور ممتاز الحاجة اللى بتضايقني فيها تيل الفرامل مش بيقعد كتير وغالى بس بعد ما بقي فيه تيل تركي وامريكي احتمال مركبش الأصلي تاني.

ايوه كده ادينني تركي و ايراني و صيني لو فيه , انا عايز اعير تيل و لما سألت التوكيل قالوا 1700 جنيه

التركي بكام ؟؟

[محمد محمد]

ايوه كده ادينني تركي و ايراني و صيني لو فيه , انا عايز اعير تيل و لما سألت التوكيل قالوا 1700 جنيه

التركي بكام ؟؟

1700ج ليييييييييييييييه هو غلي ولا ايه ..التركي والأمريكي قابلت واحد في تويوتا العبور هو اللى قاللى عليه جايب الطقم امامي وخلفي مش متأكد بالظبط ب350ج من شارع دمشق وقاللى شغال معايا زي الفل.

[ahmedhee]

هو انا هقابل صاحبها بعد بكره لكن اللى متأكد منه انها 2009
بس مش الفيتيس الmmt ده مشكلته بتتحل فى التوكيل تبع الضمان وبيرجع كويس اصلا انا معنديش فكرة كبيرة عن التويوتا
بس حضرتك بتقول ان كماليات الوكيل احسن لكن قصدى كعربية موتور وتكيف والحاجات دي ايه اللى احسن
ومعلش زهقت حضرتك بأسئلتى الكتير

=========================
لو 2009 هاي لاين اعتقد تسناهل حتي لو mmt بس لازم تعملها اختبار قيادة بنفسك علشان تشوف مرتاح مع الفتيس و لا لا
لان في راي القتيس جيد بس هي طريفة القيادة وفي ناس لحد النهاردة مش قادرة تتعود عليها لازم تجرب بنفسك

[blazer]

انا رأى ابعد عنها لو mmt
الفتيس فيه عيب
وحتى لو مفيهوش عيب هتفضل مقلق نفسك ليه

[sigma]

يا جماعه مع إحترامى للجميع
الراجل بيسأل عن تسعير العربيه يعنى لما دخلت أقرأ المشاركه توقعت ألاقى أرقام
لكن ما قرأته على مدى يومين إمتداد للمناقشات البيزنطيه عن فتيس العربيه إللى كل الناس عماله تفتى فيه مع إن نصفهم ماعندوش الفتيس ويمكن لا ساقه ولا جربه ويدوبك صاحب صاحبه قاله وحكاله لكن فين الإجابه عن الأسعار لاحس ولا خبر
ده حتى صاحب المشاركه نفسه شكله نسى السؤال الأساسى بتاعه ودخل فى مناقشة الفتيس إللى موجود منها الألاف فى المنتدى
يا جماعه العربيه موجوده للتجربه وإللى تعجبه يشتريها وإللى ماتعجبوش ما يشتريهاش وإللى عايز يعرف طريفة سواقتها موجوده فى المنتدى بالتفصيل الممل وأنا شخصيا إستفدت منها جدا وكتير فى المنتدى لم يستفيدو
ياريت ننسى مين مع ومين ضد لإن دى مش إنتخابات الناس حتشترى ولا تبيع على حسب الأصوات

[Diaby]

=========================
لو 2009 هاي لاين اعتقد تسناهل حتي لو mmt بس لازم تعملها اختبار قيادة بنفسك علشان تشوف مرتاح مع الفتيس و لا لا
لان في راي القتيس جيد بس هي طريفة القيادة وفي ناس لحد النهاردة مش قادرة تتعود عليها لازم تجرب بنفسك

والله يا اخوانا انا هقعد مع الراجل النهاردة ان شاء الله و اجيبلكوا المواصفات بالظبط ونقطع الشوط فى البسين وساعتها انا عايز بقى اسعار عشان اعرف اقرر

انا رأى ابعد عنها لو mmt
الفتيس فيه عيب
وحتى لو مفيهوش عيب هتفضل مقلق نفسك ليه

والله ده رائى بس اللى جيبهالى زى ما قلت قبل كده صحبى فى التوكيل بتاعها فهشوف ايه ظروف الفتيس لو هو mmt لا قدر الله يعنى وشكرا على مرور حضرتك

[Diaby]

يا جماعه مع إحترامى للجميع
الراجل بيسأل عن تسعير العربيه يعنى لما دخلت أقرأ المشاركه توقعت ألاقى أرقام
لكن ما قرأته على مدى يومين إمتداد للمناقشات البيزنطيه عن فتيس العربيه إللى كل الناس عماله تفتى فيه مع إن نصفهم ماعندوش الفتيس ويمكن لا ساقه ولا جربه ويدوبك صاحب صاحبه قاله وحكاله لكن فين الإجابه عن الأسعار لاحس ولا خبر
ده حتى صاحب المشاركه نفسه شكله نسى السؤال الأساسى بتاعه ودخل فى مناقشة الفتيس إللى موجود منها الألاف فى المنتدى
يا جماعه العربيه موجوده للتجربه وإللى تعجبه يشتريها وإللى ماتعجبوش ما يشتريهاش وإللى عايز يعرف طريفة سواقتها موجوده فى المنتدى بالتفصيل الممل وأنا شخصيا إستفدت منها جدا وكتير فى المنتدى لم يستفيدو
ياريت ننسى مين مع ومين ضد لإن دى مش إنتخابات الناس حتشترى ولا تبيع على حسب الأصوات

يا جماعة خلاص زى ما قلت انا هقابل الراجل النهاردة بأذن الله واقطع الشوط ف البسين وهجيب المواصفات بالتفصيل الملل وكل حاجة فالعربية محدش هيبقى عنده حجة ومش هقبل اى مداخلة غير يكون مكتوب فيها سعر رفعت الجلسة
وشكرااااااااااااااااااااااااااااااااااااااااااا

[Diaby]

السلام عليكم جميعا
امبارح بعد صلاة العشاء والتراويح كلمت صحبى بتاع التوكيل عشان اشوف هقابل الراجل امتى فالمهم قالى بكرة الراجل هيجيب العربية ونقعد مع بعض
المعلومات الاكيدة : تويوتا كورولا
2009
رمادى ميتالك
بحالة الزيرو
عاملة 10الاف كيلو متر
وكيل جنوب افريقى
عليها ضمان 3 سنين او 60 الف كيلو ايهما اقرب
ناقل حركة mmt وتم تعديل الفتيس وتغير القطع وهى حاليا شغاله كويس جدا وصحبى ضامنهالى
كالعادة نسيت اسأله دي بروفيشنال ولا الفئة التانية اللى انا نسيت اسمها
المطلوب كالتاتى:
السعر المضمون لو هيا بروفيشنال
ولو هى الفئة التانية اللى هيا اعلى
حلص الكلام والسلام ختام
وشكراااااااااااااااااااااااااااااااااااااااااااااا اااااااااااااااا

[ahmedhee]

السلام عليكم جميعا
امبارح بعد صلاة العشاء والتراويح كلمت صحبى بتاع التوكيل عشان اشوف هقابل الراجل امتى فالمهم قالى بكرة الراجل هيجيب العربية ونقعد مع بعض
المعلومات الاكيدة : تويوتا كورولا
2009
رمادى ميتالك
بحالة الزيرو
عاملة 10الاف كيلو متر
وكيل جنوب افريقى
عليها ضمان 3 سنين او 60 الف كيلو ايهما اقرب
ناقل حركة mmt وتم تعديل الفتيس وتغير القطع وهى حاليا شغاله كويس جدا وصحبى ضامنهالى
كالعادة نسيت اسأله دي بروفيشنال ولا الفئة التانية اللى انا نسيت اسمها
المطلوب كالتاتى:
السعر المضمون لو هيا بروفيشنال
ولو هى الفئة التانية اللى هيا اعلى
حلص الكلام والسلام ختام
وشكراااااااااااااااااااااااااااااااااااااااااااااا اااااااااااااااا

===========================
بروفشنال ===== 108 الي 110
ادفانسد ====== 120
ما تنساش تست درايف

[محمد محمد]

الضمان 100.000كم مش 60000كم والسعر زي ما قالك استاذ احمد وبرضه ما تنساش تست درايف للعربية قبل الشراء.

[Diaby]

===========================
بروفشنال ===== 108 الي 110
ادفانسد ====== 120
ما تنساش تست درايف

الضمان 100.000كم مش 60000كم والسعر زي ما قالك استاذ احمد وبرضه ما تنساش تست درايف للعربية قبل الشراء.

ربنا يقدم الى فيه الخير

[احمد فهمى]

الضمان 100 الف و10000 دى كده زيرو