إعـــــــلان

Collapse

.

,
See more
See less

فرامل abs .. مميزات و عيوب

Collapse
X
 
  • Filter
  • الوقت
  • Show
Clear All
new posts

  • #31
    المشاركة الأصلية كتبت بواسطة BLOODY_STONE مشاهدة المشاركة
    صباح الخير لاحلى منتدى ...
    انا كان معايا زمان عربية فيها ABS و سوقتها لمدة 3 سنين ...
    طبعا ال ABS ده اختراع ممتاز جدا و كلنا عارفين ايه فوايده .. بس زي ما ليه فوايد .. ليه عيوب و ليه احتياطات لازم ناخد بالنا منها و احنا بنتعامل معاه ...
    الABS اساسا مصنوع لعدة اغراض .. منها رد الفعل البشري .. بمعنى : لما تلاقي حد وقف مرة واحدة قدامك مثلا .. طبيعي انك تفعص دواسة الفرامل .. طبعا ساعتها العجل بيقفل و مسافة التوقف بتزيد جدا .. و ده اللي ال ABS بيمنعه ..
    طب ايه رأيكم ان لو العربية مفيهاش ABS ده ممكن يكون في صالحك اكتر من لو فيها ؟؟

    - يعني مثلا تعرف انك لو على تلج (مش جليد طبعا لانها لو على جليد حتزحلق) او حصى ... لو العربية مفيهاش ABS مسافة التوقف حتقل بكتير ؟ ليه ؟ ببساطة لان لو مفيشABS مش حيتكون وتد قدام العجل نتيجة التراكم و اللي حيكون مقاومة كبيرة تساعد العربية تقف... بعكس لو مفيش ABS

    - تعرف انك لو عرفت تتحكم في فراملك مسافة التوقف حتكون اقل بكتير من لو في ABS ؟

    انا اللي عاوز اوصله ايه : ان في السواقة العادية جوه المدينة .. في مواقف كتير ممكن تحصل تخلى ان لو العربية مفيهاش ABS و انك بتعرف تتحكم في الفرامل تخليك تتفاداها احسن من لو العربية فيها .. و للاسف اغلب المواقف دي موجودة في مصر ...

    انا الحمد لله لاقيت شوية فيديوات توضح اللي انا عاوز اقوله لان شرحه صعب جدا ( و انا كسول شوية الصراحة)

    بعد الفيديوات حوضحلكم شوية عيوب لل ABS برضك ...

    [youtube]http://www.youtube.com/watch#!v=hnjszE3NS9E&feature=related[/youtube]


    YouTube - Broadcast Yourself.


    YouTube - Broadcast Yourself.


    وده تصوير حي للموضوع .. مش انيماشن زي اللي فات ...


    YouTube - Broadcast Yourself.




    شوية عيوب لل ABS بالاضافة للفيدوهات : (هي كمان ممكن متكونش عيوب عند بعض الناس) :
    1) عند زيادة السرعة : الABS مصمم انه يقفل الفرامل حاجة بسيطة جدا مش بنحس بيها ( الخاصية دي بيسموها pressure up) و دي بتزود الحمل على الموتور و استهلاك البنزين لانها بتزود المقاومة .

    2) ال ABS تحكم اليكتروني بالكامل عشان كده محتاج متابعة دورية لان اي مشكلة فيه ممكن تعمل مصايب ( و ده حصل معايا شخصيا) و لو لا قدر الله حصلت فيه مشكلة صيانته بتكون غالية .

    3) النقر و الحفر و خطوط الترام و السكة الحديد .. الخ ممكن تأثر على عمل ال ABS وتخلي شغله مش منتظم على الاربع عجلات .. و احيانا لو الدنيا بتمطر و الارض مبلولة و واحد ماشي على النقر اللي بتفصل الحارات عن بعض .. ده ممكن يخلي ال ABS عمله يختل او يتوقف تماما ( و دي حصلت معايا برضه) .

    4) ال NHTSA او ما يعرف ب ادارة سلامة الطرق اسريعة المحلية بامريكا عملت دراسة في اغسطس 2000 اثبتت فيها ان ال ABS صحيح ممكن يقلل الحوادث بنسبة كبيرة الا ان طريقة عمله احيانا في ظروف غير اللي صمم عليها قد تسبب حوادث.. و ان العامل البشري هو رقم واحد في الموضوع و ان النسبة ما بين قدرة السيارات المجهزة ب ABS و الغير مجهزة على منع الحوادث هي فقط 20% !! .

    5) الABS اتصنع في ظروف معينة .. و هي العربية ماشية بسرعة و انت وقفت عالطول .. الطريق ممهد .. ممكن يكون فيه ماء و زيت .. في كل الحالات دي .. حيشتغل بكفاءة .. غير كده لا ...


    بعض النصائح احب اقولهالكم للي عنده عربية فيها ABS :

    1) و انت بتفرمل جامد .. اوعى اوعى اوعي تضغط و تخف الضغطة ! لا ! هي ضغطة واحدة و ثابتة ..
    2) حاول متقعدش تحط و تشيل رجلك من على الفرامل كتير و بسرعة .
    3) في حالة الفرملة الجامدة لا قدر الله و المسافة متسعفش حضرتك انك تلحق تقف .. اوعى تنسى ان فى ايدك ان تحود شمال او يمين ! دي احسن ميزة في ال ABS ..
    4) حاول تسوق العربية بعنف اقل لان السواقة العنيفة (كل شوية بنزين جامد و فرامل جامدة) بتخلي الABS يشتغل و ممكن ساعتها تكون قوة الفرامل اقوى او اضعف من المتوقع و تحصل حادثة لا قدر الله ..
    5) الABS صعب تتنبأ حيفرمل ازاي او حيعمل ايه فلو حضرتك سايق بسرعة حاول دايما تسيب مسافات .


    اخيرا احب اقولكم اني مش ضد ال ABS ولا حاجة .. بالعكس .. انا شايفه مفيد جدا .. بس انا رأيي انه زيه زي اي حاجة لازم ليها مميزات و عيوب .. و نفسي طبعا لو الشركات تعمل خاصية في العربيات ان ممكن تشغله او تقفله .. يعني مثلا لو واحد محترف و الطريق كويس و ناشف .. لو ال ABS مطفي حيكون احسنله بكتير و مسافة التوقف حتكون احسن برضه..

    مستنى ارائكم في الموضوع و لو حد عنده اي تعليقات او ردود ياريت يشاركنى بيها ...

    و شكرا.
    بص ياباشا
    انا كان معايا كورولا فيها abs ودلوقتي معايا اوبترا مفيهاش abs
    الفكرة في المفاجاءت
    يعني الكورولا مثلا لو قفشت فرامل جامد علي مطب هتلاقي نفسك مش بتزحلق والعربيه مكلبشه علي الارض وتعرف تروح يمين وشمال عادي
    في الاوبترا بقي بس هزر كده مع الفرامل علي شويه رمله عادي جدا جدا كانك دايس بنزين تروح يمين متروحش بتكمل عادي
    لازم تقعد تكارك علي الدواسه ولو عايز تحود ترفع رجلك من علي الفرامل
    وكنت هعمل حوادث (طلعت علي رصيف مرة لبست مطب علي 110 مرة عامت مني مرة
    وفي مرة تكسي قطع الطريق عليا دوست فرامل وخلاص هلبس روحت رافع رجلي من علي الفرامل ومحود عديت بالملي
    من الاخر abs نعمه بيريحك من كل المشاكل الي قبللتها دي
    الاستاذ ايمن علي منسق قسم الشيفروليهaymanmaly
    <img src="http://store2.up-00.com/Sep11/5wT06061.jpg">
    الهم اغفر له وارحمه واسكنه فسيح جناتك

    Comment


    • #32
      المشاركة الأصلية كتبت بواسطة MMamdouh مشاهدة المشاركة
      صحيح... و دة اللى بيخللى مفيش فرق بين الفرامل العادية و الفرامل الABS من ناحية القوة لان قوة الفرملة بتعتمد على حجم الطنابير و معامل احتكاك التيل و دى حاجات مش بتختلف سواء العربية فيها ABS او لا

      MMamdouh

      كلامك صح بشرط ان ان العجل ميكونش قفش يعنى فى مراحل الضغط على الفرامل بطريقه اعتياديه بقوه متوسطه يعنى لكن فى حاله الفرامل جامد اووى والعجل خلاص حيقفش ساعتها حيبان الفرق والعربيه اللى فيها abs حتقف اسرع ومسافه اقل
      1- من من أصلح سريرته أصلح الله علانيته
      2-من أصلح ما بينه وبين الله أصلح الله ما بينه وبين الناس
      3-من عمل للآخرة كفاه الله الدنيا

      mecaneky سابقا

      Comment

      Working...
      X