غسيل الشاسيه ...

[BLOODY_STONE]

كان عندي سؤال في موضوع غسيل الشاسيه :
انا متعود اني اغسل شاسية كل 3 شهور مثلا .. العربية تترفع ف بنزينة و الامور تمشي ... عشان طبعا انتوا عارفين الطين و البلاوي اللي عندنا في مصر ..
دلوقتي في ناس بتقولي بلاش غسيل الشاسيه ده الا مرة في السنة مثلا عشان ببيبوظ حاجات ... بارومة و حاجات كتير كده بسمعها ؟؟
انا كل اسبوع لما اغسل العربية لازم برش مية بالخرطوم عامساعدين و التيل و الكلام ده (الحاجات اللي ممكن المية توصلها ورة العجل ) ففي مشاكل ؟
انا سمعت برضك ان في حاجة اسمها Chassis wax بيكون محطوط عالشايسه .. ؟؟ (مش عارف ده المادة السودة اللي بشوفها ملزوقة زي الطين كده على الشاسيه من جوه ورة العجل؟)
فهل ده كلام صحيح ؟ و هل في حاجات ناخد بالنا منها في الموضوع ده؟

[mesho_kimi]

أنا برضه بغسل مره فى السنه شاسيه / صحيح متجيبش ميه ناحية التيل والطنابير والعربيه لسه سخنه لانى كده حتخلى الطنابير تقفع والتيل حيتاكل وحيعملك مشاكل يامه ممكن تغسل المنطقة دية بس تكون العربيه بايته وتغسلها تاني يوم

[asemx1]

تراكم الاوساخ والطينه والاتربه ضررها اكتر من ضرر غسيل السياره من تحت بصفه دوريه
اغسلها كل ماتحس انها طينت من تحت وماتخليش الطينه تتراكم
ليه بقى ؟؟؟
1- الطينه لما بييجى عليها ميه بتمتص الميه وبتلاقى القشره الخارجيه منها ناشفه الى انتا شايفها اما بالنسبه للقشره الداخليه فبتبقى مبلوله ( الى هيا لازقه فى الصاج او جسم العربيه ) وساعتها بتتغير خواص الحماايه من الصدا ( لانها معرضه لاجهاد زى الميه فتره طويله ) ويحدث بارومه


تحياتى .....

[asemx1]

ملحوظه ..... اياااااااااااااك تغسل الماتور انشالله يبقى مش باين من الوساخه ويبقى طالع عينه اياااااااااااك ايااااااااك اياااااااااااااااااك

[Samir Elshahawy]

تراكم الاوساخ والطينه والاتربه ضررها اكتر من ضرر غسيل السياره من تحت بصفه دوريه
اغسلها كل ماتحس انها طينت من تحت وماتخليش الطينه تتراكم
ليه بقى ؟؟؟
1- الطينه لما بييجى عليها ميه بتمتص الميه وبتلاقى القشره الخارجيه منها ناشفه الى انتا شايفها اما بالنسبه للقشره الداخليه فبتبقى مبلوله ( الى هيا لازقه فى الصاج او جسم العربيه ) وساعتها بتتغير خواص الحماايه من الصدا ( لانها معرضه لاجهاد زى الميه فتره طويله ) ويحدث بارومه


تحياتى .....

صح 100 %

و كمان لما تغسل العربية بخرطوم يكون من غير ضغط علشان ماتشيلش طبقة الشمع اللي بتحمي الدهان من الشمس و الاتربة

لكن فيه محطات بتغسل العربية و بتحط طبقة شمع جديدة و دي انا بأعملها مرة في السنة و بعدهامابأغسلش العربية ألا بفوطة مندية يادوب أشيل التراب بس

اما جسم العربية من تحت فده بخرطوم المياه علشان أشيل الطين لو أتكون نتيجة السفر في جو ممطر

مع خالص تحياتي
م/ سمير الشهاوي

[BLOODY_STONE]

ملحوظه ..... اياااااااااااااك تغسل الماتور انشالله يبقى مش باين من الوساخه ويبقى طالع عينه اياااااااااااك ايااااااااك اياااااااااااااااااك

يا نهااااار اسود ؟؟ ليه ؟ انا كل ما اروح التوكيل بيغسلوه ؟ ده لسه كمان في واحد شغال في التوكيل حقابله عشان يعلمني اغسله ازاي بالميه و الفوم ... لانه مدفون في التراب فعلا