تغيير من 2007 ياريس مانيوال ل 2009 اوتو

[KiNgMaX]

ياريت حد يساعدنى فى الفكرة دى
انا كان نفسى اجيب اوكتافيا لكن الفلوس مش مساعدة دلوقتى ففكرت انى اغير العربية بتاعتى
ياريس 2007 مانوال
واجيب واحدة 2009 اوتو
على سبيل التغيير
ايه رايكم فى الفكرة دى وهل فعلا هحس انى غيرت شوية علما بانى بزهق بسرعة من اى حاجة ومن هواة التغيير
وكمان لو حديقولى الفرق يبقى فى حدود كام والسعر العادل لل 2
عربيتى 2007 منوال كاملة عاملة 70000 كم
رشت رفرف قبل كده فى التوكيل عشان فى حكة وكنت مامن وعملتها استغلال مع تغيير اكصدام خلفى وفانوس فى التامين برضه استخسار
الحاجة عندى وبتشهد بهبالة السبب
الفانوس كان فيه حته نص سم مكسورة
غير كده فابريقة بالكامل صيانة كاملة بالتوكيل
نيجى لل 2009 قدامى واحدة كاملة اوتو عاملة حوالى 30000 كم فابريقة برضه
ياريت حد يفيدنى بسرعة

[asemx1]

ههههههههههه حالتك صعبه شويه انا بصراحه بقول انك هتغير من مانيوال لاوتوماتيك دا تغيير تانى حاجه ال 2009 الاوتو لو فل ابشن يبقى فيها abs و ebd و ايرباجز

وبصراحه معرفش الاسعار بس بالنسبه للفانوس المكسور دا هوا ادام ولا ورا يمين ولا شمال ولو هوا كويس تبيعه على كام ؟؟

[BLOODY_STONE]

هههههههههههههههههههه زيي بالظبط انا مغير رفرف و اكصدام ورة و راشش الاكصدام اللي ادام و الرفرف الامامي الشمال و الخلفي اليمين في التوكيل ... و كله استخسار عشان التأمين
بالنسبة لل 2009 في ناس كتير عارضة للبيع على كونتاكت كارز .. حش و شوف بنفسك ...

[محمد محمد]

مادام منفعش تغير لأوكتافيا ممكن تغير لكورولا 2006-2007 مثلا او كورولا 2008 mmt لو غاوي تكنولوجيا وعايز تحس بفرق جامد شوية.

[احمد فهمى]

خليك فى الياريس الأوتو احسن

[KiNgMaX]

انا روحت اتفرجت على العربية امبارح وهى حالتها ممتازة بس حصل حاجتين
1 - حسيت انى هعيط لو اشترتها وانا اصلا زهقت من الياريس
2 - حسيت ( وعايز رد ضرورى ) ان العربية خاماتها اقل من الى معايا يعنى حاسس ان الباب بتاعها خفيف والمراية تعبانة والتابلوه مش محمل
انا مش عارف اوصلكم المعلومة بس حاسس ان العربية خاماتها قلت عن 2007
يعنى فتحة الباب حستها مختلفة وعايز حد ياكد او ينفى المعلومة دى
والبنسبة للكورولا والدى معاه واحدة 2006 ومش معقول هشتريها تانى
ال mmt ياريت الاقى واحدة بسعر مناسب وأدلع نفسى
او ميجان 2009 بس للاسف مش لاقى حاجة كده
يعنى انا عايز حاجة لسه فى الضمان ومش ماشية كتير وسعرها مناسب وفيها شوية اوبشن حلوة
والف شكر لكل الناس الى ردت
.... بالنسبة للفانوس هبقى اصوره ....

[BLOODY_STONE]

في ناس قلت قبل كده موضوع الفبر بتاع الياريس الجديدة ده ! انا مش شايف اي فرق الصراحة ... فبر الياريس اللي مش فل اوبشن ممكن يكون اقوي شوية عشان مفيهوش فرش الباب و الالوان و الحوارات دي .. ( في البيسك كله لون واحد )

[pharonicking]

انت لو عايز تغير ليارس يبقى معملتش حاجة الاوكتافيا الخيار الاحسن ليك"

[mshmshm3]

ماتفكر في الهوندا سيفيك او استني شوية وهات الاوكتافيا