العربية تهتز عند الوقوف

[yarisawi]

لما اكون ماشى واقف فى الاشارة بس لما اقف تماما العربية بتهز بسيط لو دوست فرامل وانا واقف او مدوستش الكلام ده بيحصل والعربية ثابتة

فى حاجة تانية فى علبة الفيوزات لقيت فيوز مكتوب علية 40a بس موجود مكان واحد 30a بس موجود على الغطاء بتاع العلبة فى المكان ده مكتوب 30a فهل ده غلط

اسف جداااااااااااااااا على الاطالة

[just_humen]

هى العربية نوعها اية
واوتوماتيك او لا
لان الاهتزازات فى العربية حسب و ضعها يعنى
ممكن يكون ال ار بي ام اقل من المطلوب و دة بيعمل رعشة بالموتور
و ممكن قاعدة من الواعد للموتور باظت او فى طاريقها للانتهاء
وعادتا بالاوتوماتيك بتتحس خصوصا وانت واقف و مديها غيار

اما بالنسبة للفيوز مش فيه مشكلة انة يبقى 40 مكان 30 هو بيدي
قدرة تحمل للفيوز اكتر لكن مع وقوع لا قدر الله ماس فى ديرة الفيوز بيبقى
تلفها اكبر لان الفيوز بيتحمل مدة اكتر و حراراه اكتر لكنة مش خطر للدرجة المرعبة
وخصوصا الفرق مش كبير اوى بين الاتنين فى تحمل الامبير

[yarisawi]

شكرا لردك العربية ياريس 2008 عادى

[BLOODY_STONE]

موضوع الرعشة ده عاااادي دي من الموتور بتحصل لما تكون حضرتك مشغل المكيف و تدوس فرامل احيانا ال ار بي ام بيقل شوية و الجهد عالموتور كبير فبتحصل الرعشة دي .. بي هي ثواني و بتلاقي ال ار بي ام رفع تاني ... دي غالبا بتحصل في الزحمة و الحر و المكيف و كده
عموما لو حصلت معاك و حضرتك واقف ممكن حل بسيط جدا ان حضرتك تلمس بدال البنزين لمسه صغيرة اوي عشان ترفع ال ار بي ام سنة ..

الحركة دي بتحصل لما العربية بتحس ان استهلاك البنزين زاد عشان الحر و المكيف و كده فبتقلل ال ار بي ام عشان توفر بنزين ..
اهم حاجة ان الموتور مش بيطفي صح ؟

[asemx1]

موضوع الرعشة ده عاااادي دي من الموتور بتحصل لما تكون حضرتك مشغل المكيف و تدوس فرامل احيانا ال ار بي ام بيقل شوية و الجهد عالموتور كبير فبتحصل الرعشة دي .. بي هي ثواني و بتلاقي ال ار بي ام رفع تاني ... دي غالبا بتحصل في الزحمة و الحر و المكيف و كده
عموما لو حصلت معاك و حضرتك واقف ممكن حل بسيط جدا ان حضرتك تلمس بدال البنزين لمسه صغيرة اوي عشان ترفع ال ار بي ام سنة ..

الحركة دي بتحصل لما العربية بتحس ان استهلاك البنزين زاد عشان الحر و المكيف و كده فبتقلل ال ار بي ام عشان توفر بنزين ..
اهم حاجة ان الموتور مش بيطفي صح ؟

تمااااااااام

[yarisawi]

لا الموتور مش بيطفى بس ان معنديش عداد ار بى ام بس كلامك صحيح عشان العملية دى مبتحصلش باستمرار
وشكرا لك

[mr_sameh]

مادام الموتور مش بيفصل يبقي مفيش قلق

[A.Saad]

اما بالنسبة للفيوز مش فيه مشكلة انة يبقى 40 مكان 30 هو بيدي
قدرة تحمل للفيوز اكتر لكن مع وقوع لا قدر الله ماس فى ديرة الفيوز بيبقى
تلفها اكبر لان الفيوز بيتحمل مدة اكتر و حراراه اكتر لكنة مش خطر للدرجة المرعبة
وخصوصا الفرق مش كبير اوى بين الاتنين فى تحمل الامبير

اسمح لى اختلف معاك فى الراى
تعلية الفيوز مش مفضلة
لان لو حصلت مشكلة فى الدايرة اللى فيها الفيوز زى قفلة مثلا
ممكن الفيوز ما يضربش واللى يتأثر هو مكونات الدايرة

[pharonicking]

الرعشة دى سببها التكييف وبالذات لو مشغله على رقم 1 بيفصل ويشتغل لما بيشتغل بتحس بالرعشة دى
وممكن تزيد كمان لو العربية اوتوماتيك وهى عالd وانت دايس فرامل متقلقش

[charming]

لا الموتور مش بيطفى بس ان معنديش عداد ار بى ام بس كلامك صحيح عشان العملية دى مبتحصلش باستمرار
وشكرا لك

سؤال
هل فية ياريس من غير rpm?

[charming]

عربيتى كانت فيها رعشة خفيفة على السلانسية فكيت البوابة و نظفتها بسبراى منظف انجكشن و عايز ااقولك نزلت سواد بعد كدة ال rpm اتظبط و الرعشة اختفت تماما

[yarisawi]

سؤال
هل فية ياريس من غير rpm?

ايوه فيه هنا فى السعودية فى موديلات 2008 بس فى الياريس الفاضية والياريس y لكن yx والرياضية فيها
لكن من 2009 لعند دلوقتى فيها