مشكلتين في الكورولا أرجو المساعدة

[a_elbosaty]

السلام عليكم إخواني وكل عام وأنتم بخير

معايا كورولا 2005 مانيوال 1300سي سي

أول مشكلة وهي صوت صريخ بسمعة وأنا ماشي على الأول أوبداية التاني , هو بييجي فجأة وبيروح لوحده وأحيانا بيطول ومش بيروح إلا لما أفصل التكييف وبعدين أشغل التكييف تاني غالبا مش بيرجع مع العلم إن الصوت مش بيظهر غير أثناء تشغييل التكييف. أنا شاكك في السير بس الصوت مزعج جدا جدا صريخ .

المشكلة التانية هي صوت الماتور عالي جدا . هو العزل عندي مش كويس بس في الفترة الأخيرة صوت الماتور بقى أعلى عن ما كنت متعود والغريب إن الصوت بيبقى ملحوظ أوي عند 80 على الرابع أو 100كم على الخامس يعنى في حدود 3000 لفة. وملحوظ جدا وانا سايق والموضوع دة جديد من حوالي اسبوعين بس.

أرجو المساعدة والتوجيه علما بأني في السعودية وجزاكم الله خيرا.

[Mohamd_Saad]

صوت الصريخ بسبب السير الرئيسى الموصل بين التكييف والدينامو وعند شد السير عن طريق رجلاش الدينامو بمعنى ان يكون السير غير مرخى لا تسمع هذا الصوت - وبالنبة لصوت الموتور أنصحك ان تستخدم زيت موبيل 1 لأنة بيهدئ صوت الموتور ولو أستمر الصوت عالى أكشف فى التوكيل على السيارة ربما يكون سير الكاتينة وهو جنزير محتاج الى صيانة - والسلا عليكم

[a_elbosaty]

ألف شكر لحضرتك على الرد
يعني أفهم من كدة إن السير لازم يتغير؟

بالنسبة للزيت أنا باستخدم زيت إسمه(فوكس سوبر جي تي 20 دبليو/50 ) ودة مشهور هنا جدا وباغيره كل3000كم. بالنسبة لموبيل 1 مش منتشر هنا عندي خالص تخيل! إيه رأيك في الزيت اللي باستخدمه؟ ولو ضروري موبيل ممكن أجيبه مافيش مشكلة
وجراك الله خيرا

[amooor22]

السير عايز يشد مش اكتر بس لو حالته سيئه غيره

[a_elbosaty]

ألف شكر

[mahmoudselim]

كان عندي نفس المشكلة التانية وغيرت قواعد وزيت وفلتر والحمدلله الصوت افضل بكتير دلوقتي

[boing]

صوت الصرخه من السير ممكن يكون عاوز يتظبط بس من غير تغيير وانت اللي عارف هوا بقالو معاك قد ايه
بالنسبة للصوت العالي لو هوا شبه صوت الديفل فيه حاجه اسمها جوان بيبقا راكب في الشكمان بس جنب الماكينه من قدام بيبقى عاوز يتظبط وخلاص وبتلاقي العربيه رجعت حرير وومكن يكون الصوت االعالي ده من بلية السره اللي بتبقى راكبه في العجل بتخلي صوت العربيه عالي وانت ممكن يكون بيتهيالك انو صوت الموتور
والله اعلم