زيادة استهلاك في البنزين بالكورلا

[ahmed_soft89]

انا معايا كورلا 94 كرباتير 4 غيار تكييف بس 1300
فيها مشكله مجنناني
استهلاك البنزين فوق الطبيعي شوية
كانت العربية معايا قلب كده بتعمل علي اللتر حوالي من 13 لحد 15 كيلو علي الطريق
ومرة واحدة بالتدريج معدل ده انخفض لحد ما وصلت 8 علي اللتر علي السريع
روحت زبطت كابراتير ( مع العلم اني مغير بوجيهات قبليها علي طول وجايبهم يباني اصلي وزابط تاكيهات ومغير زيت وفلاتر كامة ) وغيرت بيكهات وبقت 95 و 130
الصراحة العربية بقت انعم من الاول وحسيت بان الغيارات فتحت شوية ومدي الغيار كبر بمعنه ممكن اغير سرعه علي الغيار بدل من 40 اقدر امشي عليه لحد 50 مثالا وكان ممكن امشي علي التاني بسرعه بسيطه جدا دلوقتي العربية تكرر من القوة علي التاني
اما استهلاك البنزين بتعمل 6.5 علي اللتر جوه البلد بالتكييف
يارته كده هيه مزبوظة ولا لاء انا لسه مجربتهاش علي طريق
والمفروض تعمل معايا كام علي الطريق السريع بالتكييف من غير حموله
البنزين اللي بحطهولها 90 من بنزينه كويسة

[Ahmed Galal]

العربية كده بتحرق جامد المفروض تعمل جوا البلد 10 كيلو فى اللتر اقل حاجة و على السريع حوالى 13 انا عايزك بس تتاكد ان ما عندكش تسريب بنزين راجع خراطيم البنزين فى حوض العربية و ارفع العربية فى بنزينة و بص على التنك ووصلاته ده لو على كلامك الكربراتير و البوجيهات و التاكيهات كل حاجة فيها مظبوطة و تمام