كورولا 1985

[bahaaothman]

الحمد لله لسه شارى كورولا 1985 وكنت عاوز اعرف شوية معلومات عنها
يعنى مبدئيا كده أجيب منين قطع غيار خارجية يعنى فوانيس مرايات اكصدامات والذى منه
وشكرت لكل الكرولاوية

[jojooo]

حاجة كورولا 1985 خارجية الاصلى نادرة اوى فى الجديد انما فى تيوانى زى الاصلى نمام عند على زيدان فى الدوقى والسرساوى فى شارع التحرير فى الدوقى وممكن تشتريهم اصلى استيراد من الوكالة ودة فى نظرى افضل بكتير وبلنسبة لسعرهم فهو واحد الجديد نفس تمن الاستيراد وممكن يكون الاستيراد اغلى حاجة بسيطة

[bahaaothman]

شكرا جدا انا فعلا لسة جايب فوانيس ورا من عند على زيدان والاتنين كانوا ب 150 جنيه

دلوقتى انا عندى مشكلة تانية لمبة الزيت علطول بترعش والعربية واقفة واول مادوس بنزين تتطفى غيرت الزيت (توتال 3000) وبرضه لسه بتعمل كده مع العلم انى الزيت مابينقصش انا بابص عليه كل يوم

ومعليش حاجة تالتة (انا عارف انى رخم) لو ععايز اركب ازاز كهربا اعمل ايه ................. وشكرا :)

يا ريت تفيدونى

[bahaaothman]

هو مافيش حد هنا ولا ايه

[jojooo]

شكرا جدا انا فعلا لسة جايب فوانيس ورا من عند على زيدان والاتنين كانوا ب 150 جنيه

دلوقتى انا عندى مشكلة تانية لمبة الزيت علطول بترعش والعربية واقفة واول مادوس بنزين تتطفى غيرت الزيت (توتال 3000) وبرضه لسه بتعمل كده مع العلم انى الزيت مابينقصش انا بابص عليه كل يوم

ومعليش حاجة تالتة (انا عارف انى رخم) لو ععايز اركب ازاز كهربا اعمل ايه ................. وشكرا :)

يا ريت تفيدونى

شوف مشكلة لمبة الزيت ممكن يكون ضغط الزيت ضعيف اوى فى الموتور ودة بسبب انا طرمبة الزين ضعيفة اوى او الفلتر بتاع الزيت مسدود ولازم يتغير
او ممكن يكون ساعة الزيت بايظة وعايزة تتغير
لازم تشوف رأى ميكانيكى واتنين فى الموضوع دة بسرعة علشان خطير ممكن يجيب اجل الموتور فى ثانبة

عايز تركب ازاز كهرباء احسن حاجة تنزل الوكلة تشترى مكن الازاز بلزراير والضفيرة بتاعتة وتركبها على الباب عندك وياسلام لو تلاقى الفرش بتاع الابواب كمان بس كدة