عايز زجاج امامى يمين لليارس 2008

[Hatem0]

السلام عليكم

طبعا زى ما انتو عارفين الموضة الجديد هو كسر زجاج السيارة و سرقة اى حاجة فى العربية موبايل ام بى ثرى .... شوية فضة
المهم امبارح ركنت فى شارع فيصل و واحد الله لا يسامحه كسر الازاز الامامى يمين علشان يسرق له اى حاجة من العربية ...
اطمنكو ما سرقش حاجة لانه كان حرامى غشيم فتش الكابينة بس و ما بصش على الشنطة الحمد لله

المهم انا عايز المشورة فى شراء زجاج جديد ايه افضل نوع و بكام و هل هناك الى و بكام علشان ساعات الانواع الغير اصلية بتكون درجته مختلفة عن الاصلى
و طبعا انا عايز اركب حاجة كويسة و برده مش غالية لانه ممكن ينكسر تانى زى ما انتو عارفين ..

العربية زجاج كهرباء للعلم
برجاء الافادة ...

[BLOODY_STONE]

الحمد لله و قدر الله و ما شاء فعل
انا حصلي نفس الموضوع و كسر ازاز الشراعة اللي ورة
طبعا الازاز الاصلي انا لفيت اسكندرية كلها ملقتهوش لان الازاز الاصلي بتاعها حراري ( اللي هو في سنة صفار عشان الاشعة الفوق بنفسجية)
فعشان كده مينفعش تروح تجبلها ازاز ابيض عادي
فمش حتلاقيه فالغالب غير استعمال او التوكيل ... ده اللي حصل معايا انا رحت لواحد بتاع ازاز قطعلي من ازاز ياريس على قد الشراعة و حطة بس شغله كان مش اوي فجبتها من التوكيل ...
بس انا اتوقع في القاهرة عندكوا محلات قطع غيار كتير و في الغالب تلاقيه ان شاء الله

[Hatem0]

الف شكر انا اشتريت ماركة اسمها xyg صينى ب 300 جم لانى كلمت التوكيل قال لى 1350 جم مش موجود

[Unendlich]

دكتور جريش زجاج ممتاز و بينزل فبريكة في عربيات كتير

[pharonicking]

دكتور جريش بينزل فى العربيات التقفيل المصرى هاته