شوية تعديلات بسيطة في الكورولا عايز اخد رأيكم فيها

[محمد محمد]

السلام عليكم ورحمة الله وبركاته

ان شاء الله داخل علي صيانة ال70000ك بتاعت الكورولا
كان فيه شوية تعديلات كده عايز اعملها في الكورولا
اركب فلتر رياضي
اغير من زيت موبيل لفيسكو
اركب زرار رجلاش للفوانيس
هركب تيل الفرامل التركي او امريكي لما الموجود يخلص

الفلتر الرياضي بقي ليه اضرار او عيوب وفوايده ايه ويعمل كام؟وهل يطلع العربية من الضمان
وعايز رأيكم في باقي التعديلات الطفيفة دي ولو فيه اقتراحات ياريت تقولوهالي.

[medo_sirion]

انا ممكن انصحك فى موضوع الفلتر
ممكن تدخل على موقع k&n او smota
وتشوف الاستندر اللى بينزل للعربية

[ahmad--ezzat]

الفلتر ملوش اضرار

واعتقد لو انت فى صيانه فى التوكيل.... وفتحوا الكبوت وشافوه هيخرجوك من التوكيل مش الضمان بس :)

[medo_sirion]

الفلتر ملوش اضرار

واعتقد لو انت فى صيانه فى التوكيل.... وفتحوا الكبوت وشافوه هيخرجوك من التوكيل مش الضمان بس :)

ههههههههههههههههههههههه

لا ياراجل مش للدرجة دية

[asemx1]

الفلتر لو مش اصلى اقل حاجه فى الاصلى 450 جنيه
ومش استاندرد بتاع العربيه نفسها المربع ( ماتجيبليش فلتر اسطوانى وتعمله كوع وكلام من دا وتركبلى السنسور فى اى مكان ) يبقى هيخرج العربيه من الضمان ومش بس كدا هيدخلك تراب فى الماتور ( ذرات صغيره ) الى الفلتر الاصلى مش بيدخلها وساعتها كلها 100 الف كيلو وهتلاقى المكنه بقت خشنه وعايزه عمره لان كلها تراب
اما بالنسبه للفرامل الاصلى احسن حاجه لضمان قوه تماسكه وتاكله وطبعا علشان ماياكلش الطنابير
اما بالنسبه للزيت فدا عادى بس خليه ال 10000 كم علشان لو بتدور العربيه الصبح وبتطلع على طول بدون تسخين
وبالنسبه للرجلاش وشغل الكهرباء عادى بس ماتلعبش فى الضفيره يفضل كدا

[محمد محمد]

الفلتر لو مش اصلى اقل حاجه فى الاصلى 450 جنيه
ومش استاندرد بتاع العربيه نفسها المربع ( ماتجيبليش فلتر اسطوانى وتعمله كوع وكلام من دا وتركبلى السنسور فى اى مكان ) يبقى هيخرج العربيه من الضمان ومش بس كدا هيدخلك تراب فى الماتور ( ذرات صغيره ) الى الفلتر الاصلى مش بيدخلها وساعتها كلها 100 الف كيلو وهتلاقى المكنه بقت خشنه وعايزه عمره لان كلها تراب
اما بالنسبه للفرامل الاصلى احسن حاجه لضمان قوه تماسكه وتاكله وطبعا علشان ماياكلش الطنابير
اما بالنسبه للزيت فدا عادى بس خليه ال 10000 كم علشان لو بتدور العربيه الصبح وبتطلع على طول بدون تسخين
وبالنسبه للرجلاش وشغل الكهرباء عادى بس ماتلعبش فى الضفيره يفضل كدا

يعني ممكن الاقي فلتر استاندرد؟
التيل الأصلي معظمه(مش كله) وحش ومش بيقعد كتير اخره 30الف كم وناشف علي الطنابير وسعر مبالغ فيه جدا.

[asemx1]

يعني ممكن الاقي فلتر استاندرد؟
التيل الأصلي معظمه(مش كله) وحش ومش بيقعد كتير اخره 30الف كم وناشف علي الطنابير وسعر مبالغ فيه جدا.

اه k&n فلاتر منها اصليه واستاندرد وبتتباع فى بورسعيد وفى مصر اعمل عليها سرش على الجوجل هتلاقى موزعينها وانا كنت جايب من بورسعيد واحد استاندرد ب 450 جنيه مش بيتغير الا كل مليون كيلو بس كل 20 الف تغسله بالميه والصابون ويرجع جديد نوفى
بالنسبه للتيل حضرتك انا بقول رائى فيه لو عايز تركب تيل احسن واقوى والفرامل تبقى احلى ركب طنابير اسبور ماركه محترمه وعليها تيل يبقى كدا تمام غير كدا هتبوظ الطنابير ولا انصح

[معتز]

هل توجد ميزة لتغيير الفلتر برياضى..........

[asemx1]

هل توجد ميزة لتغيير الفلتر برياضى..........

اه ميزه دخول هواء اكتر وبالتالى هيدخل بنزين اكتر يعادل الهواء الى داخل وبالتالى الهورس باور يزيد فتحس ان العربيه بقت شديده عن الاول ( فى حاله الفلتر الاصلى الرياضى )
وميزه تانيه عدم تغييره نهائيا
بس عيوبه هيستهلك بنزين اكتر
وصوت العربيه فى الشد هيكون اعلى ( صوت رياضى بقى ) وتويوتا بتحاول تخلى عربياتها بدون صوت

[محمد محمد]

اه k&n فلاتر منها اصليه واستاندرد وبتتباع فى بورسعيد وفى مصر اعمل عليها سرش على الجوجل هتلاقى موزعينها وانا كنت جايب من بورسعيد واحد استاندرد ب 450 جنيه مش بيتغير الا كل مليون كيلو بس كل 20 الف تغسله بالميه والصابون ويرجع جديد نوفى
بالنسبه للتيل حضرتك انا بقول رائى فيه لو عايز تركب تيل احسن واقوى والفرامل تبقى احلى ركب طنابير اسبور ماركه محترمه وعليها تيل يبقى كدا تمام غير كدا هتبوظ الطنابير ولا انصح

طب الطنابير الرياضية تعمل في كام الأربع فرد.