زيت الفتيس للكرولا نازل و سخ اوي ......حد يطمني

[moonish_galaxy]

بسم الله الرحمن الرحيم

الحمد لله ربنا وفقني و اشتريت كرولا 2005 اوتوماتيك

و اول ما اشتريتها قولت لازم اغير زيوتها فبغير زيت للموتور كل 3000 كيلو

و الفتيس كده بروده و ده عشان انضف المكنه من الزيوت الي كانت بتتحطلها زمان

المهم الحمد لله دلوقتي اجي اغير زيت الموتور الاقيه عادي

انما زيت الفتيس بينزل وسخ اوي فهل ده عيب في حاجه او هل محتاجه صيانه

مع ان التجميع بتاعها ما شاء الله عليه

يا ريت يا جماهه حد يطمني ..... و جزاكماللهكل خير

[asemx1]

زيت الفتيس لونه كدا بعد 20 الف كيلو على حسب حاله الفتيس
وللاطمئنان ممكن تغير الفلتر بتاع زيت الفتيس وتريح دماغك
والحاجه التانيه المهمه ان الزيوت بتاعت مصر للفتيس بالزات اى كلام وسهل انها تتحرق علشان كدا بتسود بعد فتره
دورلك على زيت فتيس فيسكو او كاسنرول او اى موبل اجنبى وتاكد من لزوجته

[moonish_galaxy]

زيت الفتيس لونه كدا بعد 20 الف كيلو على حسب حاله الفتيس
وللاطمئنان ممكن تغير الفلتر بتاع زيت الفتيس وتريح دماغك
والحاجه التانيه المهمه ان الزيوت بتاعت مصر للفتيس بالزات اى كلام وسهل انها تتحرق علشان كدا بتسود بعد فتره
دورلك على زيت فتيس فيسكو او كاسنرول او اى موبل اجنبى وتاكد من لزوجته

متشكر جدااا اخي الكريم asemx علي مشاركتك

و انا ان شاء الله هحاول اغير فلتر زيت الفتيس و اجرب كده

[ranon73]

خلى بالك لو العربية اتوماتيك ليها زيت فتيس مخصوص مش الزيت الى فى البنزينة خلى بالك سعر الكيلو حوالى من 40 الى 60 جم و مواصفاتة atf

[mr_sameh]

في زيت ابيض الماني بيتباع للفتيس بس الكيلو تمنة 100 جنية

[moonish_galaxy]

خلى بالك لو العربية اتوماتيك ليها زيت فتيس مخصوص مش الزيت الى فى البنزينة خلى بالك سعر الكيلو حوالى من 40 الى 60 جم و مواصفاتة atf

في زيت ابيض الماني بيتباع للفتيس بس الكيلو تمنة 100 جنية

متشكر جدا يا جماعه علي مشاركتكم و فعلا الفتيس عندي اوتوماتيك

و ياريت تقولي يا استاذ سامح علي اسم الزيت الالماني

و لكم جزيل الشكر و العرفان

[mo7amed3afifi]

هو المفروض الزيت بيتغير بعد كام الف كيلو؟؟

[moonish_galaxy]

الطبيعي انه بيتغير كل 20.000 كيلو
بس انا قولت كنضافه للمكنه اني اغير زيت ليه مع زيت الموتور الي هوه كل 3000 كيلو
لان صاحبها الاولاني اتضح انه كان بيهمل جدا في لاتغييير الزيوت

[mohamedkandel]

انا اول مره اسمع ان زيت الفتيس بيتغير كل 20.000 كم ياريت تتأكد من الكلام ده

[zamalek26]

زيت الفتيس بيتغير كل 30 او 40 الف لليابانى وللألمانى كل 100 الف بيوصل وفيه ناس ما بتغيروش بالذات فى الالمانى لكن اليابانى لازم كل من 30 الى 40 الف زيت الجير يتبدل غير كدة يبقى تهريج ما ينفعش كل 3000 كيلو لان كدة الجير ممكن يضرب من الفك والتركيب كل شويه .

وطالما هو نزل وسخ كدة يبقى غلط انك تغيرة مرة واحدة عشن الجير ممكن يضرب منك
لازم شويه بشويه عشن الجير ياخد على درجة لزوجه الزيت .....الجديد.

واضح ان اللى قبلك كان ماغيرش زيت الجير من الاساس .
دة معلومة مهمة وقولت افيد بيها الناس .

وما تحتش طبعا ازى زيت جير لازم الزيت المعتمد بتاعه فى التوكيل احسن حاجة

[abouzaid555]

بص يا باشا انا معايا نفس عربيتك و غيرت زيت الفتيس على 40 الف كيلو و غيرت معاه المصفاة اللى هى الفلتر و دى بتبقى داخل الفتيس و جيبت زيت تويوتا بتاع الاوتوماتيك تقريبا الجيركن الصاج كان عامل حوالى 400 جنيه و الفلتر كان عامل حوالى 300 جنيه بس انصحك فى العربية دى تجيب دايما الاصلى عشان تريح دماغك