غيرت الكاسيت وفى فوارق اسدها بايه؟

[BLOODY_STONE]

لا لا بجد انا خلاص اتقرفت من الحوار ده
دلوقتي انا ركبت كاسيت كنت شاريه من برة
و المصيبة السودة
ان في فوارق من الجنب مش عارف اسدها ب ايه
كان واحد قالي في فبرة اصلي عند التوكيل بتتحط او حاجة زي كده مش عارف يعني انا دخت و عمال ادور و اسأل عن حاجة كده و مش لاقي .. ايه الحل بقى؟؟؟؟؟؟؟؟؟؟؟؟؟؟؟؟؟
شوفوا الصور كده
[aldl]http://i945.photobucket.com/albums/ad291/BLOODY_STONE_2010/27092010278.jpg[/aldl]

[aldl]http://i945.photobucket.com/albums/ad291/BLOODY_STONE_2010/27092010277.jpg[/aldl]

لو حد عنده اقتراحات يقولي ...
ده انا حتى بفكر اني اجى القاهرة يوم مخصوص عشان الحوار ده ...

[mahmoud_afifi]

على ما اعتقد ان المفروض كان يجي مع الكاسيت حتة بلاستيك كده frame عشان تسد الفوارق دي.

[mr_sameh]

فعلا شكلة مزعج ركب الاصلي لو ملاقتش حل

[omar-saad]

بص حضرتك كل مشكلة باذن الله وليها حل
انتا تنزل الاول الحرفيين وتبص على محلات الاستيراد
هتلاقى عندهم الحاجت اللى زى دى
بس هاتبقى غالية شوية ولكن ارحم من التوكيل
لان التوكيل ممكن يقولك لا احنا معندناش فريم
ولازم تركب كاسيت من عندهم علشان الفريم يبقى مظبوط على الاتنين
وباذن الله المشكلة تتحل

[asemx1]

بااااااشا صباح الجمال
ايه يا عم مزعل نفسك ليه ؟؟

الموضوع سهل والله بس انتا تسال بس ياعم حتى اسالنى
بص
الحته دى فعلا نادره اوى وانا من المنصوره ولقيت الحتين دول فى محل عندنا ب 15 جنيه وكانوا خامتهم وحشه اوى
وبعدين سالت توكيل كلاريون فى مصر قالولى ب 75 جنيه ورحت جبتهم من هناك خامتهم حلوه وبتتلزق ب دبل فيس او بسامير بس انا لازقهم عندى بدابل فيس
موجودين يعنى وريهم لاى محل او توكيل بتاع كاسيتات او اكسسوارات عارفينه
وماتقلقش نفسك لو زهقت خالص ممكن تجيبهم من بره بيتباعوا على ال ebay

[mohd79]

شوف المشاركة ده

http://www.nilemotors.net/Nile/98205-a.html

[asemx1]

شوف المشاركة ده
http://www.nilemotors.net/nile/98205-a.html

ياااااااااااه فكرتنى بايام زمان

[KiNgMaX]

يا باشا ولا تزعل نفسك بما انك من اسكندريه انزل سموحة قدام نادى سموحة فى محل كاسيتات كبير جدا تقريبا هو توكيل
بس للاسف مش فاكر اسمه هو فى وش باب النادى على طول
هتلاقى عنده الفريم الى انت عايزه إن شاء الله تقريبا يعمل 50 جم
وبالتوفيق

[BLOODY_STONE]

اه انت قصدك على توكيل كلاريون ؟

[asemx1]

باشا يا باشا اخباراتك ايه ايوه توكيل كلاريون يا عسل الى فى المهندسين انا سافرتله مخصوص
لان القطعه دى عندنا هنا بس المشكله خاماتها وحشه
ولو لقيت خامه الى عندك وحشه ومش نضيفه ماتشتريهاش وروح مصر اشتريها اتفسح يا عم :d وادخلك فلم كدا فى ستى
بس هاتها بسرعه علشان ما يدخلش تراب مابين الفتحات دى

[BLOODY_STONE]

باشا يا باشا اخباراتك ايه ايوه توكيل كلاريون يا عسل الى فى المهندسين انا سافرتله مخصوص
لان القطعه دى عندنا هنا بس المشكله خاماتها وحشه
ولو لقيت خامه الى عندك وحشه ومش نضيفه ماتشتريهاش وروح مصر اشتريها اتفسح يا عم :d وادخلك فلم كدا فى ستى
بس هاتها بسرعه علشان ما يدخلش تراب مابين الفتحات دى

انا لاقيتها خامة وحشة فعلا عندنا و الراجل بيقولي 100 جنيه .. بقوله ليييييييييييييه قالي اصل دي حتة نادرة و صعب قوي تلاقيها .. قلتله ماااشي بس اديني خامة نضيفة قالي دي انضف حاجة مع اني شايفها حتة بلاستيك سودة معفنة اوي

[tata12001]

ياباشا الحمد لله مش مشكلة . ممكن حضرتك تحط سفنج اسود لحد مطروح لحد بتاع فيبر يعملك حتتين عمولة على أدهم .

[BLOODY_STONE]

والله لفيت لكل بتوع الفيبر اللي اعرفهم عندنا و كله يقولي مينفعش
هي شكلها كده مشوار للقاهرة و اهو نتوه شوية برضو

[asemx1]

اطلع كايرو يا بوب لتوكيل كلاريون وريح نفسك والله الخامه عندهم نضيفه وهتعجبك عندنا فى المنصوره ب 15 جنيه بس خامه مش تمام اوى

[HAMADASAIED]

انا كان عندى نفس المشكلة كنت جايب دى فى دى لمكان الكاسيت الأمام من دبى
و برضة كان عامل نفس الكلام
و حطيت لمض من الجانبين أسمهم شنبين جايبهم من عند عزبة سعد المحلات اللى هناك كانوا مش فاكر ب10 جنية حاجة كدة
و شغالين تمام و شكلهم شيك أوى