المساعده من مالكى الكورولا فى شراء عربيه مستعمله موديل 2006 2007

[imi]

السلام عليكم

ان شاء الله ناوى اشترى كورولا مستعمله موديل 2006 او 2007 بس انا معنديش اى خلفيه فى الكورولا
- هو مين افضل 1300 ولا 1600 وليه 1300 اكتر انتشارا و ساعات بتكون اغلى من 1600
- ايه الفرق بين 2006 و 2007
- و ياريت حد يقولى الكورولا الفاضية فيها ايه و الكامله وسعرهم مستعمل فى حدود كام وايه فرق بين الخلجى و المصرى و سعرهم مستعمل يعمل كام (يعنى ياريت يقولى انواع الكورولا واسعارهم فى حدود كام وازاى افرق بنهم عشان محدش يضحك على)
- واخير ياريت لو حد عنده عربيه عايز يبعا وتكون حالتها ممتازه فبريكا و مش محتاجه اى مصاريف يقولى بشرط الكشف فى التوكيل

[omar-saad]

بص
هوة موضوع ال1600 دة مش منتشر لعيب فى الكورولا ولا حاجة بس لان موتور ال1300 اوتو كان وقتها السعر مناسب وعلشان التوفير فى البنزين
ولكن الناس مستغربة فكرة الكورولا تبقى ب160000 ساعتها
الى هية الgli كاملة
انا رايى ان الماديات لو متوفرة معاك دور على حاجة 1300 اوتوماتيك 2007
لان دا اخر موديل يابانى كاملا من العربية وليها سعر جامد فى السوق وساعت بيقرب من الكورولا الجديد كمان العربية فى كماليات حلوة كتير
زى المريات الشفط والكهربا والكماليات العادية زى الريموت والسننتر والتكييف والزجاج الكهربا
وانصحك بلاش الفاضية لانك مش معقول تبقى راكب عربية بالسعر دا ومافيهاش ازاز كهربا حتى حاتحس انك قديم
والفرق مابين ال2006 وال2007
ايرباج زيادة للراكب الامامى- لمبة تحذير للحزاام فى المقعد الامامى
الشبكة شكل مختلف (اشيك بكتير من القديمة من وجهة نظرى)
وكمان الطاسات بتبقى غامقة عن ال2006
وبشكل عام العربية ممتازة جدا
دقة فى الصنع عفشة ناعمة وفتيس سلس وناعم فى النقلات كماليات كتير جدا فى وقتها
واسعة ومريحة وبتشيل كتير جدا
قطع غيارها فى كل حتة ولو انها غالية شوية بس طبعا جودة بتديك عمر طويل للقطعة
ونقطة ضعف العربية الوحيد بس هوة الثبات بعد ال130
العربية لو الهوا مش معاك
بتعوم ودى حلها انك تركب جنط اعرض وهتلاقى العربية ثباتها اتحسن معاك
واى استفشار تانى انا تحت امرك

[imi]

والله مش عارف اقلك ايه يا بجد جزاك الله خيرا بس ياريت تقدر تقولى 2007 1300 تعمل فى رنج كام و ايه الفرق بين الخليجى والمصرى

[د.محمود صلاح]

ال gli نااادرة جداً في السوق وهي الأفضل

[imi]

يارجال انا هجنن فى عربيه كورولا 2007 1300 عامله 42000 اوتومتك الراجل طالب 105000 جنيه ليه هو ده سعرها !!!!!

[mr_sameh]

هي عربيات ممتازه

[omar-saad]

والله مش عارف اقلك ايه يا بجد جزاك الله خيرا بس ياريت تقدر تقولى 2007 1300 تعمل فى رنج كام و ايه الفرق بين الخليجى والمصرى

بص هوة مافيش فرق مابين الخليجى والمصرى اوى ممكن العربية تكون اوطى من ادام شوية
لانى واحد صاحبى معاة واحدة 2003 جايبها من الكويت وهية فعلا اوطى من ادام
انما غير كدة مافيش فروقات
لكن الله اعلم بقطع الغيار لان طول عمر الخليجى القديم زى الملكة بتبقى فيه قطع غيار مختلفة زى مثلا
تيل الفرامل فى الخليجى فى الملكة اكبر من التيل اللى نازلة بيه مصر
فامعرفش بصراحة هل الحاجات دى لسة موجودة فى الموديلات الجديدة ولا لا
انا رايى انك تجيب واحد وكيل احسن علشان لو حبيت تروح التوكيل يرضوا يدخلوها وتبقى قطع الغيار متوفرة ومحدش يقرفك من المهندسين ويزود فاتورة الصيانة عليك
وبالنسبة للاسعار
زى ماقولتلك العربية شادة حيلها اوى فى الاسعار خصوصا ال2007
زى ماحضرتك اولت انه طالب105000
انا شايف انو كتير شوية علشان العربية عاملة 42000 كيلو
ممكن تخلص على 100000 او اقل لو فيها خرابيش او خبطات او حجات زى كدة
وبجد العربية دى هاتريحك جدا وهاتعرفك يعنى اي يابانى واحسن من عربيات كتيييييييييييييييير
جدا واديك شايف سعرها

[fares2018]

عربيه رائعه جدا وانا معايا 1300سي سي موديل 2006 والموديل ده عامل من 85-90ألف...
لو هتجيب 2007 أكتر حاجه 95ألف بس طبعا انا شايف الكيلومتر قليل فلو حالتها كويسه ومش راشه اكشف في التوكيل وخدها على 100ده آخرها وعدلها

[imi]

متشكر يا momo و fares على الرد بس المشكله نفسى القى عربيه ممتازه بس مش مع تاجر علشان للاسف دول ناس صعب التعامل معاهم الراجل بيحلفلى انو باع عربيه ذى ده فى رمضان الى فات ب 110000 جنيه !!!!
وشكرا على المساعده

[fares2019]

دور حضرتك على كونتاكتت كارز هتلاقي اكيد طلبك وابعد عن التجار
لما قلتلي انه صاحبها تاجر عرفت سبب غلو سعرها لانهم دايما بيشترو العربيه بسعر السوق ويحطوعليه10آلاف مكسب هتلاقيه جايبها ب95زي منا قلتلك وعايز يطلع بمكسب حلو منك..
بالتوفيق

[imi]

للاسف كونتكت كار اتملا تجار و الراجل ده انا جيبو من كونتكت ....
و بصراحه انا بدور عل ى كورولا او مازدا 3 فياريت لو حد عارف عربيه كويسه يقولى

[Karim_Monir]

سعرها عالي فعلا
انا معيا 2007 مانيوال ومزد فيها كماليات كتير زي سماعات وجي امكينود وفرش جلد تفصيل مش كسوة وجنوط بكاوتش 15-195 عشان الثبات ودفيدي تويوتا الاصلي من دبي وباركينج سينسور وكاميرا خلفية وفرش ارضية جلد وحاجات تانية كتير وماشية 75 الف وراشش كبوت واكصدامين نضافة لانهم الاصي اللي راكبين بتوعها واتحطلي فيها 90 من تاجر قب العيد بيومين وكان فاضل يقعد على الكبوت عشان ياخدها :-)
لدرجة انه قاللي هادخلهالك في 318 مو 2001 الل انا بحبها وادفع 15 بس وسليمة جدا بس انا رفضت لاسباب كتير

العربية ممتازة واللي راكبها بس عارف قيمتها